Vahebheru 8:3 - Bhibhiliya Nya Guage

³ Kholu muphasi watshavbo emisedwe gu ningela ga Nungungulu miphaso ni dzimhamba. Khu guralo, gu vbwetega Muphasi wathu nya khongolo nya mhamba a phare nuye gilogyo nya guningele.

Vahebheru 8:3 Iomraidhean Croise

Johane 6:51

Eni nyi guhodza nya guvbanye gu tshigidego khu Ndzadzini. Uye a gu hodzago a na vbanya kala gupindruga; guhodza nyi na ningelago khu givili gyangu, gasi guvbanyisa litigo.”

Varoma 4:25

Uye a di ningedwa a gu songwa khu kotani nya sighoho sathu, aholu wugide gasi gu hi gira vathu nya gululame mbeli gwa Nungungulu.

Varoma 5:6

Kholu, gikhati hi nga bani hiri mwalo tshivba, na gi vbohide gikhati gyaye, Kristo a difa khu kotani gwathu ethu sighohi.

Varoma 5:8

Aholu, Nungungulu a hi yeyedzide gueta nya lihaladzo laye ga ethu, khu gu Kristo a hi fela ethu na hiri sighohi.

Vagalatiya 2:20

Khu kharato, olu khandri eni gambe nyi vbanyago, khu Kristo a vbanyago avbo gwangu. Olu, khu guvbanya nyi gu nago milini gwangu, nya gu vbanya khu gukhodwa ga Mwamana wa Nungungulu a nyi haladzidego kala gu ningela guvbanya gwaye khu kota yangu.

Vaefeso 5:2

Vbanyani khu lihaladzo, kha nga Kristo a nga hi haladzago a dzi ningela khu kotani yathu “a khala mhamba nya phaso nya mahema nya gunungele gwadi ga Nungungulu.”

Tito 2:14

Uye a di dzi ningela wurumba waye kotani gwathu, afela gu hi vbulugisa guvivbani gwatshavbo, a hi gira vathu nya guage va lumbago uye basi, va dzi vegisedego gu gira esi nya sadi.

Vahebheru 2:17

A di fanela gu khala idzosaye ni vandriyaye siloni satshavbo, gasi a khale Muphasi nya Khongolo nya mhamba, a gu na ni wuhindzi ni gutumbega thumoni nya gu va tshanganise ni Nungungulu, gasi gu tsetseledwa sighoho nya vathu.

Vahebheru 3:1

Khu guralo, vandriyangu khu gukhodwa, enu mu ranidwego nenu khu Nungungulu, khusani maho mu khedza Jesu a rumedwego khu Nungungulu, guta khala Muphasi nya Khongolo nya mhamba nya gukhodwe hi gu sambanyago.

Vahebheru 5:1

Ni wevbini muphasi nya khongolo nya mhamba a hathidwego vbakari nya vathu, a gu emisedwa gu thumela Nungungulu gasi gu phasa vathu, thumo waye khu gu ningela ga Nungungulu miningelo ni dzimhamba nya guhandze sighoho.

Vahebheru 7:27

Uye kha giri idzosaye ni vambe vaphasi nya vakhongolo nya mhamba: Kha gu vbwetegi ga uye, khu litshigu ni litshigu, gu ningela mhamba nya guhandze sighoho saye guhegula, a wuya khavbo a ningela mhamba nya guagise sighoho nya vathu. Kholu Uye ningede mhamba gumogo basi, gu vbela, khu gu dzi ningela uye wurumba waye.

Vahebheru 8:4

Nari gukhwatshi a di romo mafuni, kha nga hadza gu khala muphasi nya mhamba, kholu vomo vaphasi va thumago khu Nayo.

Vahebheru 9:14

A gu bani ari guralo, nga pimisani edzi novba wa Kristo wu gu wukhongolo khidzo! Uye, khu tshivba nya Liphuvbo nya gupindruge, a dzi ningede ga Nungungulu kha nga mhamba yi vbeledego. Novba waye wa gu hi handza khu ndrani, wu dusa mithumo yathu nya gufe. Gasi hi kodza gu thumela Nungungulu a vbanyago.