Vahebheru 7:2 - Bhibhiliya Nya Guage

² Abrahama a di ningela gipandre nya likhumi nya phango watshavbo. Gilo nya guphele, lina gu tshamusela gupwani “Mufumeli nya gululame.” Kha nga a nga bani ari mufumeli wa tigoni ga Salema, lina laye la gu tshamusela gambe gupwani “Mufumeli nya gurule.”

Vahebheru 7:2 Iomraidhean Croise

Genesi 28:22

Giwindri gegi nyi gi tsitsidego kha nga lidingo nya gialakanyiso, gi na bani na giri Nyumba ya Nungungulu; ga satshavbo iso a na gu nyi ningago nyi na dusa nyi livba gipandre nya likhumi.

2 Samuweli 23:3

Nungungulu wa na Israyeli ganede, Giwindri gya Israyeli gi di nyi embela, khigyo: A na manega uye a na fumelago vathu khu gululama, mufumeli a ningago githawo Nungungulu,

2 Samuweli 8:15

Dhavhidhe a di fumela litigo latshavbo la Israyeli, a lamula ni gu lulamisa mahungu ya vathu vatshavbo.

1 Dzikoronika 22:9

Wona, mwamana u na velegago, a na bani ari mwama nya gurule, kholu nyi na mu ninga guhefemula khu ga vatshavbo valala vaye va mu randredego; khu guralo, lina laye a na bani ari uye Solomoni; gurula ni gukhadzisega nyi na si ninga ga na Israyeli matshiguni gwaye.

Dzindzimo 72:7

Gu na manege gululama matshiguni nya gufume gwaye, gurula gu na manege kala ngima wu si wonegi.

Levhi 27:32

Aholu ga satshavbo esi nya gipandre nya likhumi nya sifuyo nya sikhongolo nesi nya sidugwana, ni satshavbo esi si ningedwago khu ndronga ya muhavisi, gipandre nya likhumi gi na phasedwa Pfhumu Nungungulu.

Mikeya 5:5

Uye a na bani nari gurula gwathu. Vaasiriya va gu tshuka va dhumela litigo lathu va vbindra khu vbakari nya dzinyumba dza vafumeli vathu, hi na va emisela livbandre na vavili vahavisi ni livbandre na dzitharu dzindruna dzi na hathwago vbakari nya vathangeli nya lisima.

Mitengo 18:21

Wona nya gukhuwe sanana sa Levhi, nyi si ningide mihengo yatshavbo nya likhumi yi duswago khu va na Israyeli yi khala thomba yawe, khu tshatshazelo nya mithumo yatshavbo va thumago ndrani nya Tshatsha nya Tshangano.

Matewu 1:23

“Dzitini nya gukhenu gyagadzyana nya mbiri gi na khura mimba, gi velega gyanana nya gikhwathana gi na ranwago gupwani khigyo Emanuweli” (gu tshamusago, gupwani: “Nungungulu womo vbakari gwathu.”)

Luka 2:14

“Rungudzo ga Nungungulu Ndzadzini, gurula mafuni ga sigodwa saye.”

Varoma 3:26

Olu, Nungungulu giride esi gasi gu yeyedza gukhuye lulamide khu gikhati gegi, gasi Uye a manega na lulamide, ni gu ninga gululama vale va khodwago ga Jesu.

Vahebheru 7:1

Kholu Melikisedheki yoyu a nga bani ari mufumeli wa tigoni ga Salema, a diri muphasi nya mhamba ya Nungungulu a Khusegidego ngudzu. Gikhati Abrahama a nga bani a gu wuya khu litungatunu a nga ya songago vafumeli nya gutale, Melikisedheki a di mu khinga aya mu kategisa.

Vahebheru 7:3

Kha tidwi babe waye ni mayi waye, ambari vakokwe vaye, kha gu tidwi gilo khu mahungu nya guvelegwe gwaye ni gufa gwaye. Uye a di khala nga Mwamana wa Nungungulu, a gu simama gu khala muphasi nya mhamba kala gupindruga.

1 Samuweli 8:15

Uye a na mi hengisa gipandre nya likhumi nya dzimbewu dzanu, gasi gu ningela dzindruna dzaye nya mithenwa ni sithumi saye.

1 Samuweli 8:17

A na dzega gipandre nya likhumi nya mitshambi yanu, enu mu na khala sithumi saye.