Vahebheru 5:3 - Bhibhiliya Nya Guage

³ Khu guralo, gu vbwetega a ningela dzimhamba, nasiri khu sighoho nya vathu basi, aholu, khu esi saye nuye.

Vahebheru 5:3 Iomraidhean Croise

Levhi 16:15

Hwane nya ugo, a na paya nyamabhongwe nya phaso nya ditshedzo khu kotani nya gighoho gya vathu, a dzega novba wakone a bela nawo wulangani nya guage ndrani nya mwendra nya makhuvi, a gira khu novba wowo idzosaye ni edzi a nga girago khu novba nya kuzi; a mitegedzela vbatshani nya gikhalo nya wuhindzi ni mbeli gakone.

Levhi 16:6

Aroni a na phela khu gu dusa kuzi, a gira phaso nya ditshedzo a dzi agisa uye mune, a agisa ni ndranga yaye.

Levhi 9:7

A di embela gambe Aroni, khuye: “Hidzimela vbagiluvelotunu, bikela ningelo wago nya phaso nya ditshedzo ni phaso nya guvbiswe, u gira gambe nayo nya gu dzi agise uwe mune ni gu agisa vathu vago; khu hwane, bikela ningelo nya phaso nya gulivbe nandru wawe gasi gu va handza siwono sawe; kha nga edzi Pfhumu Nungungulu a leletedego khidzo.”

1 Vakorinto 15:3

Gilo nya guphele nyi di mi tivisa esi eni neni nyi nga hakhago: Kristo fude khu kota nya sighoho sathu kha nga edzi gu lovidwego khidzo omu nya Milowo nya Guage.

Vahebheru 10:12

Aholu uye, ningede mhamba mweyo basi, mhamba yi thumago kala gupindruga, na giride esi, a di hongola aya khala nyamudye ga Nungungulu.

Vahebheru 7:27

Uye kha giri idzosaye ni vambe vaphasi nya vakhongolo nya mhamba: Kha gu vbwetegi ga uye, khu litshigu ni litshigu, gu ningela mhamba nya guhandze sighoho saye guhegula, a wuya khavbo a ningela mhamba nya guagise sighoho nya vathu. Kholu Uye ningede mhamba gumogo basi, gu vbela, khu gu dzi ningela uye wurumba waye.

Vahebheru 9:7

Aholu, makhuvini nya wuvili, gu ranwago Wulanga nya Guage Ngudzu, gu di bela basi muphasi nya khongolo nya mhamba, gumogo khu mwaga. Uye a di ningela ga Nungungulu novba nya sirengo khu sighoho saye ni esi si nga girwa khu vathu khu wuhangi.