Vahebheru 4:2 - Bhibhiliya Nya Guage

² Kholu, ethu hi hakhide Mahungu nya Yadi nga edzi va nga ma hakhago khidzo avo. Avo va ma pwide Mahungu, aholu, kha ma va phasa gilo, kholu, va di mapwa va si ma hakhi khu gukhodwa.

Vahebheru 4:2 Iomraidhean Croise

Mithumo 13:46

Aholu, Pawulo ni Bharinabha va di ganela khu gutiya, khavo: A diri fanelo gu hegula khenu gu embedwa mahungu ya Nungungulu. Aholu, kha nga mu ma bombago, ni olu mu dzi lamulago mwabune gukhenu kha mu fanedwi khu guvbanya nya gupindruge, khu kharalo, ethu hi na thendregedza hi ya ma ningela ga va nya mayigo.

Mithumo 3:26

Nungungulu na wuside githumi gyaye khu ga vafudego, a gi rumede gwanu guhegula, gasi guta mi kategisa, gufela gu muthu ni muthu a mane gu vbindrugedza a diga mithumo yaye nya guvivbe.”

Varoma 2:25

Khu lisine, guhana wugwera gu na ni giphaso wa gu bani u gu landrisa Nayo. Aholu, wa gumba landrisa Nayo, ambari na wu hanide, khidzosaye ni gu bani wa sa hana.

Varoma 3:3

Aholu, nandru muni wu guromo khu gu vambe na va bombide gukhodwa? Ina gumba khodwa gwawe gu yeyedza gupwani Nungungulu nuye kha tumbega, gani?

1 Vakorinto 13:3

Ambari nya gu ninga sisiwana silo sangu satshavbo, nyi wuya nyi ningela ni givili gyangu gi vbiswa, aholu na nyiri mwalo lihaladzo, kha nyi phasi gilo.

Vagalatiya 3:2

Nya guvbweta basi mu nyi hakhe gilo gimwegyo: Enu mu hakhideni Liphuvbo nya Guage khu kota mu nga landrisa Nayo, mwendro khu kota mu nga hakha gukhodwa, gani?

Vagalatiya 3:8

Milowo nya Guage yi tugude gale gukhiyo Nungungulu a na ninga gululama vale va si gu Vajudha, khu kota nya gukhodwe. Gu di tiviswa ga Abrahama Mahungu Yadi yaya nya gupwani: “Ma na kategiswa khavbo gwago mayigo yatshavbo ya mafuni.”

Vagalatiya 4:13

Enu mu ngu alakanya gukhenu gikhati nya guphele nyi ngata mi tivisa Ivhangeli nyi di si vbanyi gwadi.

Dhewuteronome 1:32

Aholu ambari khu guralo, kha mwa khodwa gilo ga Pfhumu Nungungulu wanu,

1 Vatesalonika 1:5

Khu guralo, ethu hi dita mi tivisa Mahungu nya Yadi nasiri khu gu ganela basi, aholu khu tshivba nya Liphuvbo nya Guage, ni gu tiyiswa nya gungi. Mu ngu dziti edzi hi nga dzi vegisago khidzo vbakari gwanu, khu lihaladzo lanu.

1 Vatesalonika 2:13

Khu guralo, hi ngu mu bonga Nungungulu gikhati gyatshavbo. Olu mu nga hakha Mahungu gwathu, Mahungu ya Nungungulu mu ma hakhidego. Kholu, khandri mahungu nya vathu, aholu, mahungu nya lisine la Nungungulu. Mwa gu khodwa mu na engedzela ngudzu tshivba nya guvbanye.

1 Thimoti 4:8

Kholu wa gu olovela gu vbanya khu mithumo nya givili, kha yi phasi gilo, aholu, wa gu vbanya khu gukhodwa, gu ngu phasa satshavbo, gu ngu ninga gutumba guvbanyani ga olu ni ugo gu natago.

Vahebheru 11:6

Khu guralo, muthu nyamba khodwa kha dzi kodzi gutsakisa Nungungulu, kholu, oyu a hidzimelago ga Nungungulu fanede gukhodwa gukhuye Nungungulu womo, ni gukhuye a ngu tshatshazela avo va mu vbwetago.

Vahebheru 3:12

Vandriyangu, dzi woneleni gasi a si manegi ni moyo vbakari gwanu, nya monyo nya guvivbe ni gumba khodwa a ndreya a diga Nungungulu a vbanyago.

Vahebheru 4:6

Vale va nga hegula gu hakha Mahungu nya Yadi kha va bela guhefemulani gwa Nungungulu, kholu kha va khodwa. Aholu, vomo vambe va na gu belago va hefemula naye.

Jakobe 1:21

Khu guralo, digani sihena satshavbo nya gunyenyeze, ni mavbanyelo yatshavbo nya guvivbe. Hakhani khu gurula Mahungu ya Nungungulu a yalago myonyoni gwanu, aya ma dzi kodzago gu mi vbanyisa.

1 Pedro 1:12

Gikhati vaprofeti va ganedego khu Mahungu nya Yadi, aya mu ma pwidego enu olu, Nungungulu tiviside gukhuye thumo wawe wu di si phasi avo, aholu wu di phasa enu. Vagimbidzisi nya Mahungu Yadi nya Ivhangeli va nga ganela khu tshivba nya Liphuvbo nya Guage, li nga rumedwa khu ndzadzini, khavo va mi embedego lisine leli. Silo nya gu, ambari dzingilozi dzi di gu gola nidzo gu siti.