Vahebheru 2:3 - Bhibhiliya Nya Guage

³ Hi na vbulugisa guwani ethu, ha gu nyenya guvbanyiswa gogu nya gukhongolo? Guhegula khuye mune Pfhumu a nga tivisago guvbanyiswa gogu. Khu hwane, vale va nga mu pwago, vata hi tivisa ethu gukhavo lisine.

Vahebheru 2:3 Iomraidhean Croise

Isaya 12:2

Wona nya gukhuwe, Nungungulu muvbanyisi wangu; nyi na mu tumba nyi si thavi gilo, kholu, Pfhumu Nungungulu khuye tshivba yangu ni ndzimo yangu; uye khade muvbanyisi wangu.

Isaya 20:6

Khu litshigu lolo, vathu va vbanyago khu khisi-kheno nya yiphwa, va na ganela, khavo: “Nga wonani iso si giregidego ga vale hi nga bani hi va tumba avbo hi nga bani hi alakanya gu mana giphaso khu gu hi vhikela ni gu hi vbulugisa ga mufumeli wa Asiriya! Olu hi na dzi vbulugisa kharini?”

Isaya 51:5

Gulamula gwangu gomo vbafuvbi, ni guvbanyisa gwangu gu vbohide, libogo langu li na lamula mayigo; mayigo nya sidwa ma ngu nyi khedzisela ma tumba tshivba yangu.

Isaya 51:8

Kholu avo va na hodzwa khu muhwa kha nga mwendra, va hodzwa khu siwungu kha nga mawoya; aholu gululama gwangu gu na simama kala gupindruga, ni guvbanyisa gwangu, gu na thapela mimela ni mimelana.

Isaya 62:11

Wonani gukhenu Pfhumu Nungungulu magana yaye ma vbohide kala mahegiso nya litigo, khuye: “Embelani lidhoropa la Siyoni, khenu: Wona a nguta muvbanyisi wago; a nguta ni tshatshazelo waye a gu vathu a va tshudzisidego a va thangisa mbeli gwaye.

Ezekiyeli 17:15

Aholu mufumeli a di mu wugela, ni gu rumela myango tigoni ga Egipito, guya lomba dzikavalu ni libutho nya likhongolo nya masotshwa. Ina muthu a girago silo nya nga isoso a na andra mwendro guvbuluga, gani? A gu fanya pwanano a na vbuluga kharato, gani?

Ezekiyeli 17:18

Kha nga olu uye a yeyisidego gisambanyo, a fanya gidzumeledzwano gi giridwego khu gu pharana mandza, a gira silo satshavbo sesi, kha na vbuluga ne vbadugwana.

Matewu 23:33

Enu livelego nya dzinyoga! Mu na vbulugisa gu wani gu rinywa phalani nya nilo?

Matewu 4:17

Khavbo avbo, Jesu a di phela gu hevbudza, na gu ganela, khuye: “Vbindrugedzani mavbanyelo, kholu Mufumo wa Ndzadzini womo vbafuvbi.”

Marko 1:14

Hwane nya gu na modwe Johane, Jesu adita Galileya gasi guta hevbudza Mahungu nya Yadi ya Nungungulu, khuye:

Luka 1:2

kha nga idzo va hi hevbudzidego khidzo vale va nga si wonago khu maho, gukhugela guhegulani nya silo sesi; a gu avo va nga khalago vahevbudzi nya Mahungu yaya;

Luka 1:69

A hi resede Muvbanyisi nya tshivba, a dugelago nyumbani ya githumi gyaye Dhavhidhe.

Luka 24:19

Jesu a di va wudzisa, khuye: “Gasi ginani gi nga giregago?” Va di mu embela, khavo: “Iso si nga dugelelago Jesu wa Nazareta, muprofeti nya sigiro ni magana nya tshivba mahoni ga Nungungulu ni mahoni nya vathu vatshavbo.

Johane 15:27

A nenu mu na nyi fakazela, kholu mu diri ni eni gukhugela guhegulani.

Mithumo 1:22

gukhugela Gubhapatisa ga Johane kala litshigu a nga gwelago Jesu Ndzadzini; moyo wawe gu vbwetega a khale gumogo ni ethu fakazi nya Guwuge gwa Jesu khu ga vafudego.”

Mithumo 2:22

“Vama va na Israyeli, yingisani gwadi magana yaya. Jesu wa Nazareta dandrisidwe vbakari gwanu khu mithumo ya tshivba, ni siliwugiso, ni siwonegiso esi Nungungulu a giridego khu uye vbakari gwanu, kha nga mu dzitigo gwadi.

Mithumo 4:12

Kha hi dzi kodzi gu mana guvbanyiswa khu mumbe muthu, kholu, mafuni gwatshavbo limwalo limbe lina li riyidwego vathu li gu ni tshivba nya gu hi vbanyise.”

Varoma 11:14

Khu kharato, a gu dzina saye, vambe ni vambe nya lifumbu langu, va na mi dogorela, va ta vbanyiswa.

Varoma 2:3

Ahati uwe u dzi girago mulamuli wa vakwanu na wu gu vbanya nuwe nga avo. Wa gu pimisa gukhuwe u na vbuluga gulamudwa khu Nungungulu, gani?

1 Vakorinto 1:21

Kholu, vathu, khu guti gwawe, kha va dzi kodza gutugula Nungungulu mithumoni yi yeyedzago guti gwaye. Khu kharato, Nungungulu dzinide gu vbanyisa vale va khodwago khu mahungu nya wupumbu hi tivisago.

1 Vatesalonika 5:3

Gikhati vathu va ganelago, khavo: “Litigo li lade, gu mwalo gilo,” khavbo avbo gu natago, khu gipitipiti, gumbemba vbatshani gwawe. Va na khala nga nyamayi nya mimba gikhati a lumwago, kha va na vbuluga.

1 Thimoti 1:15

Magana ma tumbegidego, gu na ni fanelo nya guhakhwe ma dzumedwa khu gukhodwa; Kristo Jesu dzude mafuni guta vbanyisa sighohi, eni kheni gighohi gyakone nya guphele.

Tito 2:11

Kholu, Nungungulu a hi tulede guti wuhigo waye, afela gu vbanyisa vathu vatshavbo.

Vahebheru 1:1

Gale Nungungulu ganede dzinyondro nya dzingi ga vababe vathu khu maganelelo nya guhambanelane khu magana ya vaprofeti.

Vahebheru 1:14

Ina maphuvbo yatshavbo ya Nungungulu, khandri ma di rumedwa guya phasedzela basi vale va hakhidego thomba nya guvbanyiswe, gani?

Vahebheru 1:2

Gasi olu, ga gikhati gegi nya guhegise, Nungungulu ganede gwathu khu Mwanaye, oyu a vangidego khuye litigo latshavbo, a gu mu ninga tshivba nya gufumele silo satshavbo.

Vahebheru 12:25

Dzi woneleni! Mu nga bangisi mihungo yanu mwa gupwa oyu a ganelago. Ava va nga bomba gupwa oyu a nga va resela Mahungu ya Nungungulu mafuni, gima kha va vbuluga gutsayiswa. Khu guralo, kha hi na dzi kodza guvbuluga ethu ha gu bomba gupwa oyu a ganelago khu ndzadzini.

Vahebheru 4:1

Gitumbiso nya gubele guhefemulani hi ningwago khu Nungungulu gi nga tiyide kala na muhuno. Khu guralo, dzi woneleni, vandruye, gasi ni moyo wanu a si luzi gu mana wurendra wowo nya gubele guhefemulani momo.

Vahebheru 4:11

Khavbo avbo, hongoleni hi dzi garadze khu gu bela guhefemulani momu, gasi hi si landri giwonelo gya avo va ngamba yingela giwulani, va tandrega gu gu bela.

Vahebheru 5:9

Na tadzisegide thumoni gwaye, a di khala gibuga nya guvbanye nya gupindruge ga vale va mu yingelago.

Vahebheru 9:28

Khu magirelo ya mamowo, Kristo nuye, ningedwe gumogo basi a gu khala mhamba nya guhandze sighoho nya vathu nya vangi. A na wuya nya wuvili, nasiri guta handza gambe sighoho, aholu, guta vbanyisa ava va virelago uye.

1 Johane 1:1

Hi ngu mi lovelani khu mahungu ya wule a nga bani a romo gukhugela guhegulani, uye hi mu pwidego ni gu mu wona khu maho yathu. Khu lisine, ethu hi mu wone, hi wuya hi mu phara khu mandza. Ha gu ganela khu Lito nya guvbanye.

Judha 1:17

Aholu enu, sigodwa sangu, dundrugani esi si nga ganedwa guhegulani khu vapostoli va Pfhumu yathu Jesu Kristo.

Gutuledwa 7:10

Va di gu huwelela khu tshivba, khavo: “Guvbanyisa ga gu lumba Nungungulu wathu, a khadego vbagikhalotunu nya wufumu, gambe gwa gu lumba Nvutana.”