Vahebheru 1:2 - Bhibhiliya Nya Guage

² Gasi olu, ga gikhati gegi nya guhegise, Nungungulu ganede gwathu khu Mwanaye, oyu a vangidego khuye litigo latshavbo, a gu mu ninga tshivba nya gufumele silo satshavbo.

Vahebheru 1:2 Iomraidhean Croise

Genesi 49:1

Khu hwane, Jakobe a di ranisa sanana saye a si embela, khuye: Tshanganani kholu nya gu vbweta gu mi tivisani esi si na gu dugelelago khu matshigu ma ngu gutago.

Isaya 2:2

Khu matshigu nya guhegise, gigomo gegi, yi vbahedwego avbo Nyumba ya Pfhumu Nungungulu, gi na tiyiswa vbatshani nya sigomo, gi khusedzwa vbatshani nya sigomwana, mafumbo yatshavbo nya mayigo ma na khirimelana guya iyoyo.

Isaya 44:24

Pfhumu Nungungulu, Mudzegisi wago, Oyu a gu wumbidego rumbuni ga mayi wago, a ngu ganela kharati, khuye: Eni kheni Pfhumu Nungungulu, nyi girago silo satshavbo, nyi giride ndzadzini, nyiri nyonga nyi ladza mafu, nyiri nyonga.

Isaya 45:12

Kheni nyi vangidego mafu nyi bwelo khavbo nyi vanga muthu, a vbanya umo; nyi thawuludzide ndzadzini khu mandza yangu, nyi ninga nayo mabutho yaye yatshavbo.

Isaya 45:18

Kholu Pfhumu Nungungulu, oyu a vangidego ndzadzini, Nungungulu a wumbidego litigo ni gu li gira, uye a li tiyiside, kha li gira nari liphanga; aholu a di li girela gukhuye li khala wulanga nya gu vathu va khala umo, a ngu ganela kharati, khuye: Eni kheni Pfhumu Nungungulu, mwalo mumbe.

Jeremiya 30:24

Likhulo la Pfhumu Nungungulu kha li na bwelela hwane, na li si gu thumi ni gu tadzisa gugola nya monyo waye; guhegisani nya matshigu, esi mu na si pimani.

Jeremiya 48:47

Pfhumu Nungungulu a ngu ganela, khuye: Khu guhegisani, nyi na wuyisa vatshavbo va vbagedwego va na Mowabhi. Ogu khu gu hegisa nya gulamudwe ga Mowabhi.

Ezekiyeli 38:16

U na hongola u ya sasela vathu vangu va na Israyeli, kha nga lipfhi li fenengedzago litigo. Khu matshigu nya guhegise nyi na gu rumela guya dhumela litigo langu, gasi mayigo ma nyiti, gikhati nyi na gu dzi agisago khavbo gwago, uwe Gogi.

Dhaniyeli 10:14

Olu nyi dzude guta gu tivisa iso si na gu giregago ga vathu vago khu matshigu nya guhegise, kholu giwoniso gya gu ganela khu silo si ngarigo hwindzo ni gu girega.”

Dhaniyeli 2:28

Aholu womo Nungungulu moyo ndzadzini a tugulago misihalo; uye a pwadzede mufumeli Nabhukodhonosori, iso si na gu mu dugelelago matshiguni yaye nya guhegise. Ndroro yago ni siwoniso sa vbadawutunu gwago khesi:

Hoseya 3:5

Khu hwane nya ugo, va na Israyeli va na wuya va vbindrugedza va vbweta Pfhumu Nungungulu wawe, ni Dhavhidhe mufumeli wawe. Khu matshigu nya guhegise va na hidzimela na va gu ndrendremela ga Pfhumu Nungungulu, va hakha sikategiso nya wuwadi waye.

Mikeya 4:1

Aholu, khu matshigu nya guhegise, gu na wonega gigomoni momu nya Nyumba ya Pfhumu Nungungulu, gi na khusedzwa vbatshani nya sigomo satshavbo, gi lapha guvbindra sigomwana satshavbo, mafumbu yatshavbo ya mafuni ma na tutumela iyoyo.

Mitengo 24:14

Olu nyi ngu bwelela tigoni gwangu; aholu delu nyita gu embela iso si na girwago khu vathu vava omu tigoni gwago khu matshigu ma nga gutago.

Matewu 13:39

nala a nga yalago nyasavare khu Sathane. Gu vbwera khu guhegisa nya litigo; vavbweri khu dzingilozi.

Matewu 17:5

Na nga guganela, li dita lipfhi nya gungangamele lita va fenengedza khu mwedzi waye; khu vbakari nya lipfhi gu di pwala lito, na li gu, khilo: “Oyu khu Mwamana wangu nya gu mu haladze ngudzu, a tsakisago monyo wangu; mu yingiseni.”

Matewu 21:38

Aholu valimi, na va wone mwamana waye, va di embeledzelana, khavo: ‘Khuye oyu a na gu tshalago ni thomba. Hongoleni hi mu songe, gasi hi na tshala nayo ethu.’

Matewu 26:63

Aholu Jesu a di hodza gikhukhu a degula. Khavbo avbo, Muphasi nya Khongolo a di mu embela, khuye: “Nyi ngu gu ruma khu lina la Nungungulu a vbanyago: Nga nyi embela: Ina kamwe uwe khuwe Kristo, Mwamana wa Nungungulu, gani?”

Matewu 28:18

Khavbo avbo, Jesu a di hidzimela, a va embela, khuye: “Nyi ningidwe tshivba yatshavbo nya gufume Ndzadzini ni mafuni.

Matewu 3:17

Khavbo lito nya gute khu Ndzadzini li di, khilo: “Oyu khu Mwamana wangu nya guhaladzege ngudzu, a nengedzisago monyo wangu.”

Marko 1:1

Guphela nya Mahungu nya Yadi ya Jesu Kristo, Mwamana wa Nungungulu,

Marko 12:6

Na tshaledwe basi khu mwamana waye nya gigodwa, a di mu rumela, na gu alakanya gukhuye: ‘Va na ya ninga githawo mwamana wangu.’

Marko 12:7

Aholu valimi va di embeledzelana khu gyawe, khavo: ‘Khuye oyu a na tshalago ni thomba, hongoleni hi mu songe, hifela gu tshala nayo ethu.’

Johane 1:10

Li diromo tigoni, litigo li vangidwe khu tshivba yaye aholu litigo kha la li pima.

Johane 1:14

Lito li di dzi gira muthu, li gu vbanya vbakari gwathu. Ethu hi wonide gidhumo gyaye, gidhumo li nga ningwago khu Babe waye, kha nga Mwamana wa moyo nya gutale khu wuhigo ni lisine.

Johane 1:3

Satshavbo silo si vangidwe khu tshivba yaye, gimwalo gi nga vangwa nyambana ilo.

Johane 13:3

Jesu, khu gu dziti gukhuye Babe a mu ningide tshivba yatshavbo, ni gukhuye dzude khu ga Nungungulu, gu vbwetega a bwelela ga Nungungulu,

Johane 13:32

Wudhumo wa Nungungulu na wu wonega gwaye, Nungungulu nuye a na mu dhumisa; a na mu dhumisa nyamba hwela.

Johane 15:15

Kha nyi mi rani gambe sithumi, kholu githumi kha gi siti iso si girwago khu pfhumu yaye; nya gu mi rana dzipari dzangu, kholu nyi mi tiviside satshavbo nyi nga si pwago ga Babe wangu.

Johane 16:15

Satshavbo si gu sa Babe tshangu neni. Khu kharato nyi na, kheni: Li na mi tivisa basi iso li na si hakhago khu mandzani gwangu.

Johane 17:2

kholu u mu ningide tshivba nya gufumele sivangwa satshavbo, gasi a ninge guvbanya nya gupindruge vatshavbo vale u nga mu ningago.

Johane 3:16

“Kholu Nungungulu haladzide ngudzu litigo gu kala a ningela Mwanaye wa moyo, gasi ni wevbi a khodwago gwaye a si mbembi, aholu a mane guvbanya nya gupindruge.

Johane 3:25

Gu di manega gu ganedzisana khu kotani nya guagiswe vbakari nya vapizane va Johane ni Vajudha nya gukari.

Johane 5:26

Kha nga ulo Babe a vbanyago khu tshivba yaye, ningide Mwanaye guvbanya nuye khu tshivba yaye.

Johane 5:27

A mu ningide tshivba nya gulamule, kholu a gu Mwamana wa Muthu.

Johane 9:29

Ga Mosi hi ngu dziti gukhethu Nungungulu ganede; gasi oyu kha hi muti a guta khu hayi.”

Mithumo 10:36

Rumede magana yaye ga sanana sa na Israyeli, a gu si rumela mahungu maphya nya yadi nya gurule khu Jesu Kristo, a gu Uye Pfhumu nya vathu vatshavbo.

Mithumo 2:17

‘Si na dugelela matshiguni nya guhegise, khu Pfhumu a ganelago, nyi na tshisa Liphuvbo langu vbatshani nya vathu vatshavbo, sanana sanu nya sikhwathana niso nya sagadzyana si profeta madzaha yanu ma na wona siwonegiso ni sikhosane sanu si na lora dzindroro.

Varoma 1:4

Khu tshivba nya Liphuvbo nya Guage, Jesu Kristo Pfhumu yathu wonegisidwe gupwani Mwamana wa Nungungulu nya Tshivba Yatshavbo, khu guwuga gwaye khu ga vafudego

Varoma 8:17

Ha gu bani hiri sanana, gu yeyedza gu pwani hi vahodzi gambe nya thomba; hi vahodzi nya thomba ya Nungungulu gumogo ni Kristo. Ha gu tshaniseka naye, hi na hengela gambe naye wudhumoni gwaye.

1 Vakorinto 2:7

gasi enu, ha gu mi tivisani misihalo nya guti gwa Nungungulu, gu nga bani gu sihidwe khu gale; guti gule Nungungulu a gu vegisidego gukhugela guhegulani, gasi gu khala wuzundzo wathu.

1 Vakorinto 8:6

Gasi ethu ha guti gukhethu womo Nungungulu moyo basi, a gu Babe ni muvangi nya silo satshavbo; ethu ha gu vbanyela uye. Gambe yomo Pfhumu Mweyo basi, Jesu Kristo. Silo satshavbo si vangidwe khu tshivba yaye, ni ethu hi womo khu kotani gwaye.

Vagalatiya 4:4

Aholu, gutadzisegani nya matshigu, Nungungulu a di hi rumela Mwamana Waye a nga velegwa khu nyamayi, a velegedwa vbavbatshi nya Nayo nya Vajudha;

Vaefeso 1:10

gukhuye si girege gutadzisegani nya matshigu: Gutshanganisa silo satshavbo si guromo Ndzadzini ni esi si guromo mafuni, a emisa Kristo kha nga hungo ni muthangeli.

Vaefeso 3:9

ni gu tivisa ga vathu vatshavbo magimbilelo nya gikungo nya sihalo wu nga bani wu sihidwe khu gale ni gale guetani gwa Nungungulu, muvangi nya silo satshavbo.

Dhewuteronome 18:15

Pfhumu Nungungulu wago, a na gu wusela muprofeti vbakari gwago ni ga vandriyago, nya gufanane ni eni; guvbweta u mu yingisa,

Dhewuteronome 31:29

Kholu nyi ngu dziti gukheni, avbo nyi na gu bani nyi fude, mu na tshala mu gira silo nya gunyenyeze, mu ndreyani ndzilani nyi mi leletedego; khu guralo, khu matshigu nya guhegise, libango leli li na thega vbatshani gwanu, mwa gu gira esi si vivbidego mahoni ga Pfhumu Nungungulu, gasi mu wusa likhulo laye khu kotani nya mithumo ya mandzani gwanu.”

Dhewuteronome 4:30

Gikhati u na manago sigaradzo, ni silo satshavbo soso si na gu vbohelago khu matshigu nya guhegise, u wuya ga Pfhumu Nungungulu wago, u yingisa lito laye,

Vahebheru 1:5

Khu lisine, khu yevbini yimbe ngilozi Nungungulu a yi embedego, khuye: “Uwe u gyanana gyangu, muhuno nyi gu velegide?” Gambe ni gukhuye: “Eni nyi na khala Babe wago, uwe u na khala gyanana gyangu?”

Vahebheru 1:8

Aholu, na gu thula Mwamana, a di khuye: “Uwe u Nungungulu, mufumo wago wu na simama kala gupindruga. U ngu fumela litigo lago khu gululama.

Vahebheru 11:3

Khu gukhodwa, hi ngu pima gukhethu litigo li vangidwe khu lito la Nungungulu, esi si wonegago si vangidwe khu esi si si wonegigo.

Vahebheru 2:3

Hi na vbulugisa guwani ethu, ha gu nyenya guvbanyiswa gogu nya gukhongolo? Guhegula khuye mune Pfhumu a nga tivisago guvbanyiswa gogu. Khu hwane, vale va nga mu pwago, vata hi tivisa ethu gukhavo lisine.

Vahebheru 3:6

Aholu, Kristo tumbegide kha nga Gyanana gi rwadego thumo nya gusayise Nyumba ya Nungungulu. Ethu hi na khala nyumba yaye ha gu tiya ga esi hi si tumbago.

Vahebheru 4:14

Khu guralo, hongoleni hi tiye gukhodwani gwathu. Kholu, hi na ni Muphasi nya khongolo nya mhamba a gu na ni tshivba, a vbeledego, a bedego gungangamelani nya wudhumo wa Nungungulu a gu Jesu Kristo, Mwamana wa Nungungulu.

Vahebheru 5:8

Ambari ulo a nga bani ari Mwamana wa Nungungulu hevbude gu yingela khu sisaniso a si manego.

Vahebheru 7:28

Nayo wu di hatha vathu nyamba vbelela gu khala vaphasi nya vakhongolo nya mhamba. Aholu, gisambanyo gya Nungungulu gi dzudego khu hwane nya Nayo wa Mosi, gya gu hatha gu khala muphasi nya khongolo nya mhamba, Mwamana a giridwego muthu nya guvbelele kala gupindruga.

Vahebheru 7:3

Kha tidwi babe waye ni mayi waye, ambari vakokwe vaye, kha gu tidwi gilo khu mahungu nya guvelegwe gwaye ni gufa gwaye. Uye a di khala nga Mwamana wa Nungungulu, a gu simama gu khala muphasi nya mhamba kala gupindruga.

Vahebheru 9:26

Nari pwani a di gira kharato, a di vbweta gusaniseka dzinyondro nya dzingi, gukhugela guvangwa nya litigo. Olu gikhati gi yago guhegisani, uye a dzi wonegiside gumogo basi guvbela, afela gu fuvisa gighoho khu mhamba nya gufe gwaye.

1 Pedro 1:20

Uye, khu lisine, a hathidwego khu gale na gu si gu vangwi litigo, a gu wonegiswa ga matshigu yaya nya guhegise, gasi gu phasa enu.

2 Pedro 3:3

Guphela gu vbweta mu dzitini gukhenu guvbelani nya matshigu va na dugelela vathu va nya gufumwa khu gunavela gwawe, va na mi poyila,

Judha 1:18

Avo va nga, khavo: “Gikhati gu na vbohago matshigu nya guhegise, va na manega vathu va na gu mi poyilago; vathu va landrago gudogorela gwawe nyamba khodwa.”