Vahebheru 1:1 - Bhibhiliya Nya Guage

¹ Gale Nungungulu ganede dzinyondro nya dzingi ga vababe vathu khu maganelelo nya guhambanelane khu magana ya vaprofeti.

Vahebheru 1:1 Iomraidhean Croise

Genesi 3:15

Nyi na vega livengo ga uwe ni nyamayi, ga gitugulwana gyago ni gitugulwana gyaye. Igyo gi na gu pfara hungo, uwe u na zama gu gi hodza gitshinandro.”

Genesi 6:3

Pfhumu Nungungulu a di ganela, khuye: “Liphuvbo langu kha li na simama gu khala kala gupindruga ga vathu. Uye nyama, a na ni tumbunugo nya gufe, guvbanya gwaye kha gu na lapha guvbindra lizana ni magumavili myaga.”

Joyele 2:28

Khu hwane nya isoso, Eni nyi na guhula Liphuvbo langu vbatshani ga vathu vatshavbo. Sanana sanu nya sikhwathana niso nya sagadzyana si na profeta, sikhosane sanu si na lora dzindroro, madzaha yanu ma na wona siwoniso.

Luka 1:55

Kha nga idzo a nga bani a tumbiside khidzo ga vababe vathu, ga Abrahama ni livelego laye kala gupindruga.”

Luka 1:72

A fela gu yeyedza wuhindzi a giredego vababe vathu, khu gu alakanya gidzumeledzwano gyaye nya gukatege,

Luka 24:27

Khavbo avbo, a di va tshamusela milowo yatshavbo yi nga bani yi ganela khu uye, guphela khu Mosi kala gu vbedza vaprofeti vatshavbo.

Luka 24:44

Khavbo avbo, a di va embela, khuye: “Khayo aya magana nyi nga mi embelani na nyi ngari nanu, gikhati nyi nga, kheni: Womo fanelo nya gutadzisege satshavbo si nga lowago khu Mosi, khu Vaprofeti ni Dzindzimo, na si gu ganela khu eni.”

Johane 16:13

La guta Liphuvbo nya lisine, ilo li nata mi endredza, li mi yisa lisineni nya guvbelele, kholu kha li nata ganela silo nya gu si khugele, aholu li nata ganela silo li si pwidego, ni guta mi tivisani iso si natago.

Johane 7:22

Mosi a mi ningideni wugwera (khandri Mosi a nga wu phela, aholu khu vababe) enu mu ngu bedza wugwera khu Sabhadho.

Johane 9:29

Ga Mosi hi ngu dziti gukhethu Nungungulu ganede; gasi oyu kha hi muti a guta khu hayi.”

Mithumo 13:32

Ethu hi ngu mi tivisa mahungu nya yadi.

Mithumo 2:30

Kha nga a nga bani ari muprofeti a di gu dziti nya gukhuye Nungungulu a di Mu tumbiside khu gusambanya, gu vega vbagikhalotunu gwaye nya wufumu gyanana nya melego waye.

Mithumo 28:23

Khavbo avbo, va di vega litshigu. Na li vbohide litshigu lolo, nya vangi va di hongola ndrangani a nga bani a gu vbanyela avbo Pawulo. Gukhugela ni dzimindru kala ni wutshigu, Pawulo a di ganela gwawe khu mahungu nya Mufumo wa Nungungulu. A di zama gukhuye va khodwe ga Jesu, a seketela wufakazi waye avba nya Nayo wa Mosi, ni omu nya milowo ya vaprofeti.

Mithumo 3:21

Uye a fanelago gu hakhwa Ndzadzini kala gu vboha matshigu nya guwusedzwe silo satshavbo a nga tivisago Nungungulu gukhugela gale khu magana ya vaprofeti nya gukatege.

Vahebheru 11:18

Nungungulu a di mu embede, khuye: “Khu ga Isaki u na bani uri ni sanana.”

Vahebheru 11:2

Kholu khu gukhodwa, vathu va gale va mane guzundzwa khu Nungungulu.

Vahebheru 12:25

Dzi woneleni! Mu nga bangisi mihungo yanu mwa gupwa oyu a ganelago. Ava va nga bomba gupwa oyu a nga va resela Mahungu ya Nungungulu mafuni, gima kha va vbuluga gutsayiswa. Khu guralo, kha hi na dzi kodza guvbuluga ethu ha gu bomba gupwa oyu a ganelago khu ndzadzini.

Vahebheru 2:2

Gutadzisegide gupwani mahungu hi tivisidwego khu dzingilozi dza Nungungulu makhongolo ngudzu; ava va ngamba ma landrela ni gumba ma yingela va hakhide tsayiso yawe.

Vahebheru 2:3

Hi na vbulugisa guwani ethu, ha gu nyenya guvbanyiswa gogu nya gukhongolo? Guhegula khuye mune Pfhumu a nga tivisago guvbanyiswa gogu. Khu hwane, vale va nga mu pwago, vata hi tivisa ethu gukhavo lisine.

Vahebheru 3:5

Mosi tumbegide ngudzu Nyumbani ga Nungungulu, kha nga githumi, gasi gu ninga wufakazi nya silo Nungungulu a nga vbweta gu si tivisa khu gikhati gyakone.

Vahebheru 4:8

Nari gupwani Josuwa khu lisine a di vbohiside vathu va na Israyeli wulangani nya guhefemule, Nungungulu gima na sa hatha limbe litshigu, khu hwane nya gikhati.

Vahebheru 5:5

Ambari nuye Kristo, kha dzi gira abune Muphasi nya khongolo nya mhamba. Khu Nungungulu a nga mu rana a mu ninga wuzundzo wowo, gikhati a nga khuye: “Uwe u Gyanana gyangu, muhuno nyi gu velegide.”

Vahebheru 9:19

Guhegula, Mosi a di tivisa ga vathu vatshavbo sileletelo satshavbo nya Nayo. Khu gu handzamedza, a di dzega novba nya dzikuzi ni dziphongo a wu pata ni mati a mitegedzela libhuku nya Nayo ni vathu vatshavbo, khu mawoya nya guthedwe nyewu nya gufuvile, ni sasi,