Vafilipi 4:3 - Bhibhiliya Nya Guage

³ Nyi ngu gu lomba uwe pari yangu nya gutumbege, u va phasedzele. Kholu avo va dwanide gumogo ni eni thumoni nya gutivise Mahungu nya Yadi gumogo ni Klementi, ni vatshavbo nyi nga hengelago navo thumoni, malina yawe ma lovidwego libhukuni nya womi.

Vafilipi 4:3 Iomraidhean Croise

Dzindzimo 69:28

Va fute libhukuni gwago nya womi u nga va pati tengoni ga va nya gululama.

Ekisodha 32:32

Ambari ulo, gira wuhindzi u va tsetsela gighoho gegi. Wa gumba dzina gu va tsetsela, dusa lina langu libhukuni u nga lovago.”

Isaya 4:3

Vale va na tshalago gigomoni ga Siyoni, va simama gu khala Jerusalema, va na ranwa sihathwa sa Nungungulu; kholu malina yawe ma na bani ma lovidwe ga avo va vbanyago Jerusalema.

Ezekiyeli 13:9

Gyandza gyangu gi na wugela vaprofeti va girago siwoniso nya wukanganyisi ni nyatumbatumbane nya malipha. Avo kha va na lumba huwo nya vathu vangu, kha va na lovedwa libhukuni nya vathu va Israyeli, gambe kha va na bela tigoni ga Israyeli. Khu guralo, enu mu na dzitini gukhenu Eni kheni Mune Pfhumu Nungungulu.

Dhaniyeli 12:1

Khu gikhati gyogyo, a na dugelela Migeli Ngilozi yi emelago vathu vago, gu na manega gikhati nya gusaniseke, nya gu gima gi si gu manegi gukhugela guhegulani nya mifumo. Aholu khu gikhati gyogyo, uye a na vbanyisa vathu vago, vatshavbo vale va na gu manegago na va lovidwe libhukuni nya womi.

Luka 10:20

Gasi enu, mu nga tsakini basi khu gu yingiswa khu maphuvbo. Aholu tsakani kholu malina yanu ma lovidwe Ndzadzini.”

Varoma 12:1

Nyi ngu mi lomba vandriyangu khu wuhindzi wa Nungungulu, gukheni mu dzi ningele wurumba wanu mu khale mhamba nya guvbanye, nya gukatege, nya gunengedzise Nungungulu. Eyi khiyo mhamba nya lisine nya maningano yi tsakisago Nungungulu.

Varoma 16:12

Losedzelani Tirifena ni Tirifosa va dzi garadzago khu gu thumela Pfhumu, ni Perisidha, pari yangu nya gu yi gole, a thumedego nuye ngudzu Pfhumu.

Varoma 16:9

Mu losedzela Uribano nyi hengelago naye ndzilani momu nya guthumele Kristo; ni pari yangu Esitakiyo.

Vafilipi 1:12

Vandriyangu, nya gu vbweta gukheni mu dzitini gukhenu satshavbo iso si nyi dugeledego, si phasedzede gudandra Ivhangeli.

Vafilipi 1:16

Vambe va gu mu tivisa khu lihaladzo na va gu dziti gukhavo eni kheni nyi hathidwego gu khala muvhikeli nya Mahungu nya Yadi;

Vafilipi 1:27

Zamani gu vbanya khu mavbanyelo ma yelanago ni Mahungu nya Yadi ya Kristo. Gani nyi ngu dzi kodza guta iyo gwanu nyita mi wona, gani nyi ngu tandrega, nya gu vbweta basi nyipwe mahungu nya gupwani enu mu ngu simama gu tsarama khu monyo moyo, mu dwanela gu vhikela gukhodwa nya Mahungu nya Yadi.

Vafilipi 1:5

khu kotani nya wuhengeli wanu ni eni thumoni momu nya gutshumayale Mahungu nya Yadi, gukhugela litshigu nya guhegule kala muhuno.

Vafilipi 1:7

Nyi na ni fanelo nya guhingigedze kharati khu enu mwatshavbo, khaguva nyi nanu monyoni gwangu, kholu mu nga hengela ni eni makategwa nyi ningidwego khu Nungungulu, gukhothedwani gwangu ni thumoni nya guvhikele ni gu huwelela Mahungu nya Yadi.

Vafilipi 4:2

Nyi ngu lomba Evhodhiya ni Sintiki gukheni va vbanye khu gupwanana kha nga edzi a golago khidzo Pfhumu.

Vakolosi 1:7

Mu hevbudzidwe satshavbo khu Epafrasi, githumi gikhwathu nya gigodwa, muphasedzeli wangu nya gutumbege thumoni wa Kristo, a gu uye a tshikedzago wulanga wangu vbakari gwanu.

Gutuledwa 13:8

Vathu vatshavbo va mafuni va di khozela girengo, vale malina yawe ma nga mba lowa libhukuni nya womi li vegisidwego khu Nvutana yi payidwego gukhugela nya guvangwe litigo.

Gutuledwa 17:8

“Girengo u nga gi wona gi diromo, aholu gi mwalo gambe; gya gu duga khu phalani giya mbembiswa; vathu va tigoni, vale malina yawe ma sa lowago libhukuni nya womi, gukhugela nya gu vangwe litigo, va na samadziswa khu gu wona gukhavo girengo gi nga bani giromo, gi mwalo gambe, aholu gi na tumbuluga nyaluphye.

Gutuledwa 20:12

Nyi di wona va nya gufa, vakhongolo ni sanana, va na emide mbeli nya gikhalo nya wufumu. Ma di tudwa mabhuku. Li tudwa gambe libhuku nya womi. Vafi va di lamudwa nga idzo gu nga bani gu lovidwe khidzo mabhukuni, gupima khu mithumo yawe.

Gutuledwa 20:15

Tsivani momo va di rinywa vatshavbo vathu va nga bani va sa lowa malina yawe omu nya libhuku nya womi.

Gutuledwa 21:27

Dhoropani gakone gima kha gu na bela gilo nya gunyenyeze, ni vathu va girago guvivba ni malipha; aholu va na bela basi vale va lovidwego libhukuni nya womi la Nvutana.

Gutuledwa 3:5

Uye a na palago a na ambala dzingandzu nya guage; eni gima kha nyi na nga futa lina laye mu libhukuni nya womi. Nyi na tivisa lina laye ga Babe wangu ni ga dzingilozi dzaye.