Vafilipi 4:17 - Bhibhiliya Nya Guage

¹⁷ Khandri gu khwatshi nya gudwanela miningelo, aholu nyi ngu gola mu engedzedwa wuhindzi wanu.

Vafilipi 4:17 Iomraidhean Croise

Mavingu 19:17

Uye a phasago gisiwana a gu fiyarisa Pfhumu Nungungulu, Uye a na mu bweledzela wuwadi waye.

Mikeya 7:1

Libango langu! Kholu nya gu fanana ni gikhati nya guvbwerwe mihandro nya nango nya maronga; gu mwalo ni gitsatsa gimwegyo gi tshadego nya dziuvha nya guhodze, ambari ndzawa nya guvidzwe nyi yi golago ngudzu.

Malakiya 1:10

Khu mani vbakari gwanu a na segago malimba nya Nyumba ya Nungungulu gasi gu si khondriswi gambe nilo nyambana fanelo vbagiluvelotunu gwangu? Kholu enu kha mu nyi salalegisi gambe, kha nyi na hakha gambe miphaselo yanu. A ngu ganela Pfhumu Nungungulu nya Tshivba Yatshavbo.

Johane 15:16

Khandrenu mu nga nyi hathago, kheni nyi mi hathidego nyi mi rumela, gasi muya ninga mihandro nya yingi ni gu mihandro yanu yi simame. Khu kharato, ni gevbini mu na lombago ga Babe wangu khu lina langu, uye a na mi ningani

Johane 15:8

Babe wangu a na dhumiswa mwa gu ninga mihandro nya yingi; khu kharato, mu na khala vapizane vangu.

Varoma 15:28

Gikhati nyi na vbedzago gu gimbidzisa thumo wowu, na nyi ningede mihengo yatshavbo, nyi na phara liendro nya guhongole Espanya, nyi na vbindra khiyo gwanu nyi mi holela.

2 Vakorinto 11:16

Nyi ngu engedza gambe gu ganela: Mu nga alakanyi gukhenu nyi gipumbu. Mwa gu alakanya kharalo, nyi digeni nyi dzi zundze gambe.

2 Vakorinto 9:5

Khu kotani nya idzodzo, gu kala nyi alakanya gu rumela vandruye vava guhegula, gasi vata mi phasa gu dongisela gwadi giphaso gyanu mu nga tumbisago. Ningelani khu guhaladza gwanu, nasiri khu gugurumedzwa.

Vafilipi 1:11

na mu tade khu mithumo nya gululame yi girwago gwanu khu Jesu Kristo, gasi a rungudzwe ni gu dhumiswa Nungungulu.

Vafilipi 4:11

Kha nyi ganeli esi khu gu dilela gilo, kholu nyi hevbulede gu eneledwa basi khu esi nyi gu naso.

1 Vatesalonika 2:5

Gambe mu ngu dziti nya gukhenu kha ha thumisa magana nya gutshambisele, ni gudwanela gu mana gilogyo. Nungungulu i fakazi nya isoso.

1 Thimoti 3:3

Oyu a si dzi ningedzeligo wadwani, ambari gudwanisa, aholu, a kodzago gu timisela, a si vegigo likhulo, a siri mugoli nya dzitsapawu.

1 Thimoti 6:10

Kholu nala nya silo satshavbo khu dzitsapawu. Khu gu fumedwa khidzo, nya vangi va digide gukhodwa vaya bela guvivbani.

Tito 1:7

Kholu muthangeli nya Libandla, a rwadego thumo nya gusayise silo sa Nungungulu, gu vbwetega nari muthu nyambana gihoso, nyamba dzi gugumugisa, nyambana wukhusu, a si gu bewudzi, nyambana sighirimuka, a si gu pari nya wugwewo nya guvivbe.

Tito 3:14

Vandriyathu gu vbwetega va hevbula gu gira esi nya sadi ni gu phasa ava va hamugago, gasi guvbanya gwawe gu ninga giphaso.

Vahebheru 6:10

Nungungulu khwadi, kha divaledwi khu thumo mu wu giridego enu, ni lihaladzo mu li yeyedzidego, ni giphaso mu giridego ni olu mu nga gu girago ga vandriyanu nya vakristo.

1 Pedro 5:2

Havisani gwadi tshambi wa Nungungulu wu guromo vbakari gwanu; wu sayiseni na mu tshulegide myonyo kha nga idzo a dzinago khidzo Nungungulu; nasiri khu gugurumedzwa. Mu nga thumeli gu hakha dzitsapawu. Aholu thumani khu gudzina gwanu.

2 Pedro 2:15

Va digide ndzila nya gululame va penga; va landra ndzila ya Bhalahama, gyanana gya Bheyori, a nga vbweta gughanya khu gu gira guvivba.

2 Pedro 2:3

Kotani nya misuwo nya dzitsapawu, vahevbudzi vovo nya malipha va na mi kalavela, va ganela mitsheketo nya gu yi vange. Gale na dongide mulamuli wawe, ni mumbembisi wawe wugide kha na hwela.

Judha 1:11

Libango lawe! Kholu va bede khu ndzila ya Kayimi. Khu kotani nya lidora ni dzitsapawu va dzi ningede gighohoni nya guvivbegya Bhalahama; va dzi mbembisa khu gu ganedza nya nga ogu ga Kora.