Vafilipi 4:1 - Bhibhiliya Nya Guage

¹ Khu kharato, vandriyangu, sigodwa sangu, nyi mi suvago ngudzu, enu khenu gunengela ni tshatshazelo wangu, simamani gu khala khu gu tiya linani ga Pfhumu.

Vafilipi 4:1 Iomraidhean Croise

Joba 31:36

Eni kamwe nyi di hadza gu wu vbagara magatani, nyi wu ambala hungoni kha nga gihugu.

Dzindzimo 125:1

Avo va tumbago Pfhumu Nungungulu va ngu fanana ni gigomo gya Siyoni, gi si tsekatsekigo, gi tiyidego kala gupindruga.

Dzindzimo 27:14

Tumba Pfhumu Nungungulu u tiya, tiyisa monyo wago, u tumba Pfhumu Nungungulu.

Matewu 10:22

Gasi enu mu na zondrwa khu vatshavbo khu kotani nya lina langu. Aholu uye a na tsaramago kala mahegiso a na vbanyiswa.

Johane 8:31

Jesu a di embela Vajudha vale va nga khodwa gwaye, khuye: “Mwa gu simama gu vegedza magana yangu, mu na khala vapizane vangu khu lisine,

Mithumo 11:23

Na vbohide, a di wona wuhigo wa Nungungulu a tsaka, a va embela vatshavbo va simama gu khala ni Pfhumu khu monyo moyo vatshavbo.

Mithumo 14:22

Va di tiyisela myonyo nya vapizane, va gu va khongotela gu tiya gukhodwani gwawe, kholu, va di gu ganela, khavo: “Gu vbwetega guvbindra khu sigaradzoni nya singi gasi gu bela Mufumoni wa Nungungulu.”

Mithumo 2:42

Avo va di gu khathala khu gu hengela gikhati gyatshavbo umo nya sihevbudzo nya Vapostoli ni umo nya pwanano nya wundruye, ni gukabana gibaba, ni milombelo.

Varoma 2:7

A na ninga guvbanya nya gupindruge vale va dzi garadzago khu guthuma mithumo nya gululame, vale va mu dhumisago ni gu mu rungudza na va gu dwanela gu mana womi nyamba vbela.

1 Vakorinto 15:58

Khu kharato, vandruye nya sigodwa, simamani mu khala na mu tiyide mu thuma gikhati gyatshavbo khu gunengela esi Nungungulu a si vbwetago, Kholu mahoni ga Pfhumu, thumo wanu khandri wa mahala.

1 Vakorinto 16:13

Khendzugani mu tiya gukhodwani, mu gira nga vama, mu dzi ninga tshivba.

2 Vakorinto 1:14

olu mu dzumedego gukhenu hi wudhumo wanu, enu nenu mu na khala wudhumo wathu, litshiguni ga Pfhumu yathu Jesu Kristo.

Vagalatiya 5:1

Kristo a hi tshude gasi hi mane gutshulega nya lisine. Khu kharato, tiyani mugutshulegani gwanu, mu nga bweleli hwane mu khala gambe dzikhumbi.

Vafilipi 1:27

Zamani gu vbanya khu mavbanyelo ma yelanago ni Mahungu nya Yadi ya Kristo. Gani nyi ngu dzi kodza guta iyo gwanu nyita mi wona, gani nyi ngu tandrega, nya gu vbweta basi nyipwe mahungu nya gupwani enu mu ngu simama gu tsarama khu monyo moyo, mu dwanela gu vhikela gukhodwa nya Mahungu nya Yadi.

Vafilipi 1:8

Nungungulu i fakazi nya edzi nyi mi golago khidzo, khu lihaladzo la Jesu Kristo.

Vafilipi 2:16

mu va tivisa mahungu nya guvbanyise. Khu kharato, litshigu nya gute ga Kristo, nyi napwa gunengela nya gukhongolo ngudzu, kholu nyi na dziti gukheni kha nya garala khu guthuma mahala.

Vafilipi 2:26

Uye a gu khala khu gu mi suva enu mwatshavbo, gambe a ngu garadzega ngudzu kholu enu mu pwidego mahungu nya madwali yaye.

Vakolosi 4:12

Hakhani gambe malosedzela ya Epafrasi a gu moyo nya libandla lanu a guromo thumoni wa Kristo Jesu. Uye milombeloni gwaye a ngu lombelela ngudzu ga Nungungulu gukhuye mu simame gutiya, mu landrisa khu guvbelela guhaladza gwa Nungungulu.

1 Vatesalonika 3:13

Khu guralo, myonyo yanu yi na bani yiri gululamani nya gwadi, khavbo mu na gu kodzago guya emani mbeli ga Nungungulu, Babe wathu, na mu agide, muri mwalo nandru, gikhati Pfhumu yathu Jesu Kristo a na gu wuyago ni sihathwa saye satshavbo.

2 Vatesalonika 2:15

Khu kharato, vandruye, emani mu tiya, mu sayisa sihevbulo nya tumbunugo, esi hi nga mi hevbudzani khu magana, ambari khu malangalila yathu.

2 Thimoti 2:1

Uwe, mwanangu, tiya gukhodwani ni wuhigo wutago khu ga Kristo Jesu.

Vahebheru 10:23

Hi na sayise gwadi gutumba nya gukhodwe hi nga sambanyago, kholu hi ngu tumba gukhethu Nungungulu a na tadzisa sisambanyo a giridego.

Vahebheru 3:14

Khu lisine, ethu hi ngu hengela ni Kristo, gambe hi na simama gu hengela naye, ha gu tiya kala mahegiso ni gutumba hi nga bani hiri nago guhegulani.

Vahebheru 4:14

Khu guralo, hongoleni hi tiye gukhodwani gwathu. Kholu, hi na ni Muphasi nya khongolo nya mhamba a gu na ni tshivba, a vbeledego, a bedego gungangamelani nya wudhumo wa Nungungulu a gu Jesu Kristo, Mwamana wa Nungungulu.

2 Pedro 3:17

Aholu, enu sigodwa sangu, olu mu matigo mahungu yaya, dzi woneleni, mu nga ndreyiswa ndzilani nya yadi, khu gu sengwa khu sigiro sa va nya guvivba, mu kwiriga gutiyani gwanu.