Vafilipi 3:9 - Bhibhiliya Nya Guage

⁹ Satshavbo nya gu si wona nga ndzilo khu gufela gu mana Kristo nyi hengela naye guvbanya. Eni nya gu vbanya wulongoni gwa Nungungulu, khandri khu kota nya gulandrise Nayo, kholu wulongo nya wadi ni Nungungulu wa gu hungwa khu gukhodwa.

Vafilipi 3:9 Iomraidhean Croise

Genesi 7:23

Si di fuvisa kharati mafuni sivangwa satshavbo si nga bani siri ni hefemulo nya guvbanye mafuni; gukhugela vathu, sirengo nya gukhwirire khu lididi mafuni, kala sirengo nya sikhongolo ni sinyoni satshavbo sa damboni. Gu di tshala Nowa basi ni vale a nga belago navo taroni.

1 Dzipfhumu 8:46

Va gu gu ghohela kha nga a gu mwalo muthu nyamba ghoha, uwe u va gorogela u va ningela mandzani ga valala, gasi va va vbagela vaya girwa dzikhumbi tigoni ga valala vawe, hwindzo mwendro vbafuvbi ni litigo lawe;

2 Dzikoronika 32:25

Aholu Ezekhiya kha kodza gu bweledza wuwadi a giredwego khu Pfhumu Nungungulu, khu kotani nya gu dzi khusedze nya monyo waye. Khavbo avbo, gu dita likhulo nya likhongolo avbo gwaye, ga Judha ni vathu va Jerusalema.

2 Dzikoronika 32:31

Aholu avbo vafumeli va Bhabhiloni, va nga mu rumela myango guta mu wudzisa khu sisamadziso si dugelelago tigoni ga Israyeli, Nungungulu a di mu diga gasi gu mu linga ni guti iso a si pimisago monyoni gwaye.

Dzindzimo 14:3

Aholu, vatshavbo va pengide, va lamade; mwalo na moyo a girago nya sadi, mwalo ni moyo basi.

Dzindzimo 143:2

U nga nyi thethisi eni githumi gyago, kholu, mwalo muthu a vbanyago nari mwalo nandru mbeli gwago.

Dzindzimo 19:12

Khu mani a kodzago gu tugula abune sihoso saye? Nyi handze siwono si sihadego!

Muhevbudzi 7:20

Mafuni momu, mwalo muthu nya gululame, a thumago basi iso nya sadi nyamba ghoha.

Isaya 46:13

Nyi ngu resa gululama gwangu, gambe gu mwalo hwindzo; ni guvbanyisa gwangu kha gu na hwela. Nyi na vega guvbanyisa gigomoni ga Siyoni, ni tigoni ga Israyeli, nyi na wusedza wudhumo wangu.

Isaya 53:11

A na wona handro nya gusaniseke nya hefemulo waye, a nengela, githumi gyangu gi lulamidego, khu guti gwaye, gi na agisa nya vangi kholu, gi na rwala guvivba gwawe.

Isaya 53:6

Ethu hatshavbo hi di gu legalega kha nga dzinvuta nya gudzimele; muthu ni muthu a di gu bela khu yaye ndzila, aholu, Pfhumu Nungungulu a di mu rwega guvivba gwa ethu hatshavbo.

Isaya 6:5

Khavbo avbo, nyi di ganela, kheni: “Libango langu! Nyi fude! Kholu nyi muthu nya likana nya gunyenyeze, nyi vbanyago vbakari ga vathu nya gunyenyeze, maho yangu ma wonide Mufumeli, Pfhumu Nungungulu nya Tshivba Yatshavbo!”

Jeremiya 23:6

Matshiguni yaye, Judha a na vbanyiswa, Israyeli a na vbanya na khadzisegide khu gurula; a na ningwa lina nya gupwani: “Pfhumu Nungungulu khuye gululama gwathu.”

Jeremiya 33:16

Khu matshigu yoyo, Judha a na vbanyiswa, Jerusalema a na vbanya na tiyide, eli khu lina va na mu ranago khilo, khavo: “Pfhumu Nungungulu khuye Gululama Gwathu.”

Dhaniyeli 9:24

Gu vegidwe livbandre na mavili magumi dzisemana (70) gikhati a gi dongisedego gasi gu tshudzisa vathu vago ni lidhoropa lago nya gukatege mugighohoni gumogo ni guvivba gwatshavbo, gasi va kodze gu tsetseledwa sighoho, gasi gu reswa gululama kala gupindruga, gasi gi tadzisege giwoniso nya wuprofeti wowu, ni gu todza Wulanga nya Guage Ngudzu.

Matewu 9:13

Indrani mu ya vbweta guti tshamuselo nya mahungu yaya: ‘Eni nya gu hatha wuhindzi guvbindra mhamba.’ Kholu kha nya tela guta rana va nya ndruda, aholu, sighohi.”

Varoma 1:17

Kholu khavbo nya Ivhangeli, hi tugula gikungo gya Nungungulu nya hi tshanganise naye khu tshivba nya gukhodwe, hi gu manago gukhugela guhegulani kala guhegisani, kha nga gu lovidwego gupwani: “Muthu a lulamidego a na vbanya khu gukhodwa.”

Varoma 10:10

Kholu, muthu a gu khodwa monyoni gwaye gasi gu ma na gululama; a gu fakaza khu likana laye, gasi gu ma na vbanyisa.

Varoma 16:7

Losedzelani gambe Androniko ni Juniya sivelegwa sa tigomwedo ni eni, gambe hi nga hengela lipaso. Khavo va nga phela khavo gu tidwa vbakari ga vapostoli, va nyi hegudza gu khodwa ga Kristo.

Varoma 5:21

Kha nga olu gighoho gi yeyedzidego tshivba yaye khu gu resa gufa, kharati nuwo wuhigo wa Nungungulu wu ngu yeyedza tshivba yaye khu gu hi ninga gululama gu hi yisago guvbanyani nya gupindruge, khu Pfhumu yathu Jesu Kristo.

Varoma 8:1

Aholu, olu wu mwalo gambe nandru ga vale va tshanganisidwego ni Jesu Kristo.

Varoma 8:3

Nungungulu kodzide gu gira iso Nayo wu nga si tandrega khu gu vbungudwa tshivba khu tumbunugo nya wuthu. Uye konide gighoho ndrani nya tumbunugo nya muthu, khu gu hi rumela Mwanaye, a dzudego khu tumbunugo nya idzosaye ni tumbunugo nya muthu nya gighohi. Kharato Nungungulu pade gighoho.

1 Vakorinto 1:30

Aholu hi tshanganisidwe ni Jesu Kristo, a gu uye a khadego guti gwathu. Khu tshivba ya Kristo hi giridwe vathu nya gululame mahoni gwaye, hi giridwe vathu va Nungungulu, hi dzegisidwe wugumbini nya gighoho.

2 Vakorinto 5:17

Kholu muthu a gu tshanganiswa ni Kristo a gu khala muthu muphya. Esi sa gale si vbindride, satshavbo sa gu wusedzwa si gu girwa siphya.

2 Vakorinto 5:21

Uye a ngamba ghoha, Nungungulu a mu giride gighohi khu kotani yathu, gasi, khu gutshanganiswa ni uye, hi kodze gu hakhwa gwadi khu Nungungulu.

Vagalatiya 2:16

Aholu hi ngu dziti gukhethu muthu kha sayedwi gululama khu kota nya mithumo ya Nayo, aholu khu gukhodwa linani ga Kristo Jesu. Ethu ha gu khodwa ga Kristo Jesu hi fela gu lamudwa khu kota nya gukhodwe nasiri khu kota nya gulandrise guruma nya Nayo. Kholu muthu kha na sayedwa gululama khu kota nya gulandrise esi si rumwago khu Nayo.

Dhewuteronome 27:26

Libango ga wule a na gumba tiyisa magana nya nayo yoyu, ni gu ma landrisa. Vathu vatshavbo va na hakha, khavo: “Amen!”

Vafilipi 3:6

nyi di phara Nayo khu tshivba ni tshivba, nyi gu sanisa Libandla la Kristo. Nyi di gu vbanya nyambana gihoso nayoni.

2 Thimoti 1:9

Khuye a hi vbanyisidego ni gu hi rana, nasiri khu mithumo yathu, aholu khu gudzina ni wuhigo waye, a nga hi dongisela galeyo gu hi ninga khu Kristo Jesu.

Tito 3:5

Uye a hi vbanyiside khu kotani nya lihaladzo laye basi, nasiri khu kotani nya mithumo yathu nya yadi. Nungungulu a hi agiside khu tshivba nya Liphuvbo nya Guage; a hi velegide nyaluphye a gu hi ninga guvbanya nya guphya.

Vahebheru 6:18

Khu kharato, silo sivili si si kodzigo gu vbindrugedza: Gitumbiso ni gisambanyo. Ga esi silo, Nungungulu kha dzi kodzi gu hi senga. Kharato, ethu hi tumbago uye hi ngu dzipwa na hi gu tiyisedwa khu gutumba hi ningidwego.

Jakobe 3:2

Kholu ethu hatshavbo hi ngu hosisa. Oyu nyamba hosisa guganelani gwaye muthu a vbeledego, a na ni tshivba nya gu dzi phare wurumba waye.

2 Pedro 1:1

Eni, Simoni Pedro, khumbi ni mupostoli wa Jesu Kristo, nyi ngu mi lovelani lidangalila enu mwatshavbo mu hakhidego gukhodwa nya gululame nga ogu gwathu, khu guvbanyiswa hi ningwago khu Nungungulu ni Muvbanyisi wathu Jesu Kristo.

1 Johane 3:4

Oyu a ghohago a na ni nandru nya gundrage nayo, kholu gughoha gu ndraga nayo.