Vafilipi 3:20 - Bhibhiliya Nya Guage

²⁰ Gasi ethu, hi sivelegwa sa Ndzadzini, gambe khiyo hi lindrelago gukhethu a nata khiyo Muvbanyisi wathu, Pfhumu Jesu Kristo.

Vafilipi 3:20 Iomraidhean Croise

Dzindzimo 16:11

U na nyi yeyedza ndzila nya guvbanye, nyi na tala khu gutsaka mbeli gwago, nyi napwa gutshamba nyamudye gwago kala gupindruga.

Dzindzimo 17:15

Gasi eni, khu lisine, nyi na wona khovbe yago; gikhati nyi wugago nyi na khura khu gu wona giyemo gyago.

Mavingu 15:24

Ndzila nya womi ya gu hetedza muthu nya gugengele, gasi a si releli phalani nya vafi.

Matewu 19:21

Jesu a di mu embela, khuye: “Wa guvbweta gu khala muthu a vbeledego, indra u ya rengisa satshavbo u gu naso, u ninga sisiwana, gasi u mane thomba ya Ndzadzini. Hwane nya isoso, delu uta nyi landrela.”

Luka 12:21

Khidzo kharati gu na giregago ga wule a dwanelago gu fuma thomba nya yingi, aholu nasiri gitetema ga Nungungulu.”

Luka 14:14

U na bani u kategide, kholu kha va na mana igyo nya gubweledzele khigyo; u na bweledzedwa khu litshigu nya guwuge ga va nya gululama.”

Mithumo 1:11

“Vama va Galileya, khu ginani mu pfhalago khu gu khedza Ndzadzini? Uye Jesu wa moyo mu mu wonego na gu gwela Ndzadzini, a na wuya gambe kharati nga edzi mu mu wonego na gu gwela khidzo Ndzadzini.”

1 Vakorinto 1:7

khu kharato, gi mwalo giningwa nya wuhigo gi mi kenelelago, enu mu guromo vbakari nya gukhevisele guwuya ga Pfhumu yathu Jesu Kristo.

1 Vakorinto 15:48

Vathu va mafuni va gu godza oyu nya guhegule; vathu nya liphuvbo va gu godza oyu nya wuvili.

2 Vakorinto 4:18

Ethu kha hi vegi mapimo yathu ga silo nya guwonege, aholu ga esi nyamba wonega, kholu esi nya guwonege si na vbindra, gasi esi nyamba wonega khya gupindruga.

2 Vakorinto 5:8

Ethu hi na ni gutumba, hi ngu gola ngudzu gu duga givilini momu gasi guya vbanya ni Pfhumu.

Vagalatiya 4:26

Gasi Jerusalema ga Ndzadzini gu tshulegide, khuye mayi wathu.

Vaefeso 2:19

Olu kha mu ngari valombo ni vapfhumba gambe, mu melego moyo ni va nya Guaga, mu sanana nya ngamu ya Nungungulu.

Vaefeso 2:6

Nungungulu, na hi wuside gumogo naye, a hi ninga gambe wulanga nya guya fume naye Ndzadzini khu ga kristo Jesu.

Vafilipi 1:10

Gasi mu kodza gu hatha iso si gu sadi, ni gu vbanyani khu ndzila ni lisine mu khala na mu agide mu ta manwa muri mwalo gihoso, kala li gu vboha litshigu la Kristo;

Vafilipi 1:27

Zamani gu vbanya khu mavbanyelo ma yelanago ni Mahungu nya Yadi ya Kristo. Gani nyi ngu dzi kodza guta iyo gwanu nyita mi wona, gani nyi ngu tandrega, nya gu vbweta basi nyipwe mahungu nya gupwani enu mu ngu simama gu tsarama khu monyo moyo, mu dwanela gu vhikela gukhodwa nya Mahungu nya Yadi.

Vakolosi 1:5

Gikhati nya guhegule mu hakhidego Mahungu Yadi nya lisine, mu pwide na gu ganedwa khu gutumba hi ningwago khayo. Khu kharato, gutumba ni lihaladzo lanu sa gu seketedwa khu gutumba mu vegedwego Ndzadzini.

1 Vatesalonika 1:10

Olu, na mu gu lindrela guwuya ga Mwanaye, Jesu, khu Ndzadzini, oyu a mu wusidego khu ga vafudego, a na hi vbulugisa ga libango li na gutago.

1 Vatesalonika 4:16

Iyo Pfhumu wurumba, gikhati gu na pwalago lito nya ngilozi nya yikhongolo ni pundru wa Nungungulu, yi na tshiga khu Ndzadzini, vale va fudego ga Kristo, va na guhegula khavo gu wuga.

2 Thimoti 4:8

Olu gu tshade basi gu hakha tshatshazelo wangu owu Pfhumu a na gu nyi ningago khu litshigu lakone. Uye khuye Mulamuli nya lisine. A na nyi ninga tshatshazelo, nasiri eni basi, aholu ni vale vatshavbo va nga lindrela khu lihaladzo gu wuya gwaye.

Tito 2:13

Gu ngu hi hevbudza gambe guvbanya na hi gu tumba litshigu nya gunengele gu na gu wonegiswago khilo wudhumo wa Nungungulu wathu nya khongolo ni wa Muvbanyisi wathu, Jesu Kristo.

Vahebheru 12:22

Aholu enu, mu vbohide gigomoni ga Siyoni, ni dhoropani ga Nungungulu a vbanyago, Jerusalema ga ndzadzini ni mazanazana nya dzingilozi dzaye.

Vahebheru 9:28

Khu magirelo ya mamowo, Kristo nuye, ningedwe gumogo basi a gu khala mhamba nya guhandze sighoho nya vathu nya vangi. A na wuya nya wuvili, nasiri guta handza gambe sighoho, aholu, guta vbanyisa ava va virelago uye.

Gutuledwa 1:7

Mu ngu mu wona, a guta khu mapfhini; vatshavbo va na mu wona, ambari vale va nga mu songago, mafumbu yatshavbo ya mafuni ma na dzi laya khu kotani gwaye. I tiyiso: Amen.