Vafilipi 2:9 - Bhibhiliya Nya Guage

⁹ Khavbo avbo, Nungungulu khusedzide Jesu a mu ninga lina nya wudhumo guvbindra malina yatshavbo;

Vafilipi 2:9 Iomraidhean Croise

Genesi 3:15

Nyi na vega livengo ga uwe ni nyamayi, ga gitugulwana gyago ni gitugulwana gyaye. Igyo gi na gu pfara hungo, uwe u na zama gu gi hodza gitshinandro.”

Dzindzimo 110:1

Pfhumu Nungungulu a di ganela ga mune wangu, khuye: “Khala khu nyamudye gwangu, kala nyi vega valala vago vbavbatshi nya migondro yago.”

Dzindzimo 110:5

Pfhumu womo nyamudye gwago; Litshigu nya likhulo laye a na mbembisa vafumeli;

Dzindzimo 89:27

Eni nyi na mu phara kha nga gyanana gyangu nya matiwula, nyi mu khusedza vbatshani ga vafumeli nya litigo.

Dzindzimo 91:14

Kholu Pfhumu Nungungulu wari, khuye: “Kha nga olu a nyi golago, Nyi na mu tshudzisa nyi mu sayisa khu lihaladzo, kholu a ngu liti lina langu.

Isaya 52:13

Wonani nya gukhenu, githumi gyangu gi na thuma khu mapimo, gi na dandriswa, gi zundzwa, gi khusedzwa vbatshani.

Isaya 53:12

Khu guralo, nyi na mu ninga vathu nya vangi, kha nga gipandre gyaye nya thomba, a na kabana phango gumogo ni sitetema; kholu a di ningela womi waye a songwa; a sayedwa gumogo ni sighohi, gikhati a rwadego sighoho sa vathu nya vangi, a di lombelela khu sighohi.

Isaya 9:7

Gasi wufumu waye nya gurule wu engedzelane kala gupindruga, vbagikhalotunu nya wufumu wa Dhavhidhe ni mufumo waye, a wu tiyisa ni gu wu seketela khu nongameto ni gululama, gukhugela olu kala gupindruga. Khathalelo waPfhumu Nungungulu nya Tshivba Yatshavbo wu na gira isoso.

Dhaniyeli 7:14

Va di mu ninga gufuma, wudhumo ni mufumo, gasi mayigo ni vathu nya malimi yatshavbo va mu thumela. Wufumu waye khwa gu kala gupindruga, wu mwalo mahegiso, mufumo waye gima mwalo a na gu wu dzegago.

Matewu 11:27

Satshavbo nyi ningidwe khu Babe wangu. Mwalo a mu tigo Mwamana vbavbandze ga Babe ekha, gambe mwalo a mu tigo Babe vbavbandze ga Mwanaye ekha ni wule Mwamana a dzinago gu mu tulela.

Matewu 28:18

Khavbo avbo, Jesu a di hidzimela, a va embela, khuye: “Nyi ningidwe tshivba yatshavbo nya gufume Ndzadzini ni mafuni.

Luka 10:22

Satshavbo nyi ningidwe khu Babe wangu. Mwalo a mutigo khu mani Mwamana vbavbandze ga Babe ekha, gambe mwalo a mutigo khu mani Babe vbavbandze ga Mwanaye ekha, ni wule Mwamana a dzinago gu mu tulela.”

Johane 13:3

Jesu, khu gu dziti gukhuye Babe a mu ningide tshivba yatshavbo, ni gukhuye dzude khu ga Nungungulu, gu vbwetega a bwelela ga Nungungulu,

Johane 17:11

Nyi mwalo gambe tigoni, aholu avo vomo tigoni, gasi eni nyi nguta vbafuvbi gwago. Baba nya Guage, va vegedze linani gwago, lina u nyi ningidego, gasi va khale moyo, kha nga ethu.

Johane 17:12

Na nyi ngari navo mafuni nyi di gu va sayisa khu lina lago. Nyi sayiside vatshavbo u nga nyi ningago, mwalo ni moyo a nga dzimelago, vbavbandze ga wule gu nga vbwetega a dzimele, gasi gu tadzisega Milowo.

Johane 17:5

Olu, Baba, nyi ninge gambe gidhumo gile nyi nga bani nyiri nagyo khu gale mahoni gwago, na li si gu vangwi litigo.

Mithumo 5:31

Nungungulu rungudzile Jesu a mu gira Pfhumu ni Muvbanyisi, afela gu ninga gu vbindrugedza mavbanyelo ni gutsetseledwa sighoho sanana sa na Israyeli.

Vaefeso 1:10

gukhuye si girege gutadzisegani nya matshigu: Gutshanganisa silo satshavbo si guromo Ndzadzini ni esi si guromo mafuni, a emisa Kristo kha nga hungo ni muthangeli.

Vakolosi 1:18

Khuye hungo nya Libandla, a gu givili gyaye; khuye guphela, khuye matiwula nya guwuge ga vafudego. Khuye a thangidego mbeli nya silo satshavbo.

2 Vatesalonika 1:12

Khu magirelo yoyo, Pfhumu yathu Jesu Kristo, a na dhumiswa khu gu dzi vegisa gwanu, enu nenu mu na dhumiswa khuye, khu wuhigo wa Nungungulu wathu ni wa Pfhumu Jesu Kristo.

Vahebheru 1:4

Mwamana khongolo guvbindra dzingilozi kholu hakhide khu ga Babe lina nya guvbindre malina nya dzingilozi.

Vahebheru 1:9

U ngu gola gululama, u nyenya guvivba. Khu guralo, Nungungulu, a gu Nungungulu wago, a gu todzide khu mafura nya gunengele, a gu khusedza vbatshani ga dzipari dzago.”

Vahebheru 12:2

Hi na simame gu khusa maho hi khedzisa Jesu, kholu, khuye guphela ni guhegisa nya gukhodwa gwathu. Uye gima kha vbela tshivba khu gu rwala gihambano. Aholu, khu gutsaka a nga tumbiswago, kha thela kota khu dzitshoni nya gufe vbagihambanotunu. Ni olu, khade khu nyamudye nya gikhalo nya wufumu wa Nungungulu.

Vahebheru 2:9

Aholu, hi ngu wona Jesu a nga vegwa gikhati gidugwanana vbavbatshi nya dzingilozi dza Nungungulu, olu a khusedzidwego a gu ningwa gungangamela ni gidhumo, khu gufa a gu manego. Nungungulu, khu wuhindzi waye, dzinide gu vbindrugedza gufa ga Jesu a gu gira guvbanya nya vathu.

1 Pedro 3:22

A litidego ndzadzini aya khala nyamudye ga Nungungulu, a fumela dzingilozi dzatshavbo ni vafumeli ni dzitshivba dzatshavbo dza ndzadzini.

2 Pedro 1:17

Kholu ethu hi diromo, gikhati Nungungulu Babe a mu ningidego wuzundzo ni gidhumo. Lito li nga duga khu gungangamelani nya gukhongolo ngudzu, khilo: “Oyu khu Mwamana wangu nya gu mu gole ngudzu, oyu a nengedzisago monyo wangu.”

3 Johane 1:7

Kholu avo va phede liendro lawe khu Lina laye, nyamba dzumela gu hakha giphaso gya va nya mayigo.

Gutuledwa 1:5

Ni ga Jesu Kristo fakazi nya guthembege, matiwula nya vafi vatshavbo a gu Pfhumu nya vafumeli va mafuni. Uye a hi haladzago a nga hi tshulago sighohoni gwathu khu novba waye;

Gutuledwa 11:15

Ngilozi nya livbandre na dzimbili yi di womba pundru. Khavbo avbo, gu di pwala ndzadzini na va gu kulungela khu tshivba, khavo: “Olu, Mufumo nya litigo wa gu lumba Pfhumu yathu, ni Kristo a na fumago kala gupindruga nya gupindruge.”

Gutuledwa 19:16

Vbatshokatunu nya mwendra wu fenengedzago giwunu gyaye, gu lovidwe pwani: “Pfhumu nya dzipfhumu; Mufumeli nya vafumeli.”

Gutuledwa 3:21

“Wule a na palago nyi na mu dzumedzisa gu khala naye vbagikhalotunu gwangu nya wufumu kha nga eni neni nyi nga palago nyi khadego vbagikhalotunu nya wufumu wa Babe wangu.

Gutuledwa 5:12

Va di gu emba khu lito nya gukhugege, khavo: “Nvutana yi nga songwago yi fanede gu ningwa mufumo, wurendra, guti, tshivba, rungudzo, gidhumo ni wuzundzo.”