Vafilipi 2:3 - Bhibhiliya Nya Guage

³ Mu nga girini gilo khu monyo nya gudwanele gu dzi khusedza mwendro khu matshandza nya mahala, aholu, girani khu gu dzi sodzisa, mu dzi gira va nyalidede ga vathu vatshavbo.

Vafilipi 2:3 Iomraidhean Croise

Mavingu 13:10

Matshandza ma gu vanga mazondra, aholu wugengeli wa gu manwa khu vale va dzumelago gulaywa.

Luka 18:14

Nyi ngu mi embelani, kheni: Oyu muhengisi nya khupho khugide khu vbale a hongola gaya na tsetseledwe, gasi mufarisi khandriso si nga mu dugelago. Kholu watshavbo muthu a dzi khusedzago a na vbwasamiswa, gasi uye a dzi sodzisago a na khusedzwa.”

Varoma 12:10

Golanani khu lihaladzo nya wundruye, mu palisana khu gu ningana githawo.

Varoma 13:13

Hongoleni hi vbanye khu gululama nga vathu va vbanyago safani nya mihani; hi nga vbanyeni khu wukhondrobwa ni guleva; hi nga vbanyi wuphuphuluni ni mithumo nyamba yadi; hi nga vbanyeni khu gu dwana ni lidiwo.

Varoma 2:8

Aholu, a na tsayisa khu tshivba ava va mu wugelago, va si dzumeligo lisine, va gu landra ndzila nya guvivbe.

1 Vakorinto 15:9

Kholu eni kheni nyi gu dugwana ga vapostoli, gambe kha nyi faneli gu ranwa mupostoli, khu kotani nyi nga tshanisa Libandla la Nungungulu.

1 Vakorinto 3:3

kholu mu nga gu vbanya kha nga vathu va mafuni momu basi. Olu gu manegago wufu ni mayunga vbakari gwanu, ina kha gu yeyedzi gupwani mu nga gu vbanya nga vathu nya mafu, gani? Khandri mwa gu vbanya kha nga avo, gani?

2 Vakorinto 12:20

Nyi na ni hwanga guta iyo gwanu, nyita mi mana na mu vbindrugedzide mavbanyelo yale nyi ma golago, enu nenu mu nyi wona na nyi vbindrugedzide mavbanyelo. Nyi na ni hwanga nya gukheni nyi nata mi mana na mu bede mayungani, lidiwo, mazondra, gunyenyana, gu dwana, gusingedzana, milembo, ni gumba pwanana.

Vagalatiya 5:15

Aholu enu mwa gu vbanya nga sirengo, mu gu hodzana ni gu bayisana, dzi woneleni, mu nga hegisa khu gu vbedzana khu gyanu.

Vagalatiya 5:26

Hi nga khali vathu nya matshandza, hi wugelana ni gu girelana lidiwo.

Vaefeso 4:2

Vbanyani gikhati gyatshavbo khu gu dzi sodzisa ni gurula, ni gutimisela. Mu yeyedzana, kharato, lihaladzo vbakari gwanu.

Vaefeso 5:21

Ninganani githawo khu gyanu khu kotani nya githawo mu gu nagyo ga Kristo.

Vafilipi 2:14

Girani silo satshavbo nyamba ngurangura mwendro gu ganedzisana,

Vakolosi 3:12

Enu mu vathu va Nungungulu, kholu uye a ngu mi haladza, gambe a mi hathide. Khu kharato, gu vbwetega muri ni monyo nya gupwele wusiwana, nya ndruda, nya gu dzi nogise, nya gurule ni gutimisela.

Vakolosi 3:8

Olu gu vbwetega mu tshulega ga satshavbo soso, mu nyenya dzizanga, ni likhulo, ni ndrwadza, ni milembo, ni magana nya gunyenyeze ya kanani gwanu.

1 Thimoti 6:4

uyoyo muthu nya matshandza, gambe khati gilo. Muthu nya gudwale, khwa gu wusa maregera ni guphikizana, lidiwo, milembo, guvalana, gusingedzelana guvivba,

1 Pedro 3:8

Gu vbwetega mwatshavbo mu hengela mapimo ni monyo moyo, mu golana khu gyanu khu lihaladzo nya wundruye, muri vathu nya gurule ni gu dzi sodzisa.

1 Pedro 5:5

Enu madzaha, yingisani vakhongolo. Thumelanani mwatshavbo khu gu dzi nogisa, kholu “Nungungulu a ngu vengana ni va nya gu dzi khusedza, aholu a ngu khusedza va nya gu dzi nogisa.”