Vafilipi 2:29 - Bhibhiliya Nya Guage

²⁹ Khu kharato, mu hakheni khu litsako likhongolo kha nga ndriyanu khu ga Pfhumu. Guvbwetega mu yeyedza githawo ga vathu nya nga uye,

Vafilipi 2:29 Iomraidhean Croise

Isaya 52:7

Edzi yi mburidego khidzo sigomoni migondro ya vale va tivisago mahungu nya yadi nya maphya, va pwadzago gurula; va tivisa silo nya sadi nya gutsakise si pwadzago guvbanyisa, oyu a embelago Siyoni, khuye: “Nungungulu wago a ngu fuma!”

Luka 9:5

Gasi vale va na gumba mi hakha, gikhati mu dugago tigoni gwawe, phuphuthani kudzudzwane migondroni gwanu, kha nga wufakazi vbakari gwawe.”

Johane 13:20

Khu lisine, nyi ngu mi embelani, kheni: Oyu a hakhago wule nyi na mu rumelago, kheni a nyi hakhago; uye a nyi hakhago, a ngu hakha wule a nyi rumedego.”

Mithumo 2:46

Khu litshigu ni litshigu va di hengela monyo moyo, va hongola Nyumbani ga Nungungulu, va kabana gibaba, va hodza guhodza gwawe khu gutsaka ni gu nengela, myonyo yawe na yi tangade.

Mithumo 28:10

Avo navo va di hi sayisa khu githawo ngudzu. Litshigu hi nga khuga gambe khu ngalava, va di hi dongisela liendro lathu khu satshavbo esi si vbwetegago.

Mithumo 8:8

Gu di manega gutsaka nya gukhongolo dhoropani mule.

Varoma 10:15

A na hongodzisa guwani muthu nya guya va tivisa, a gumba rumedwa? Kha nga gu ganedwago umo nya Milowo nya Guage, gupwani: “Gu ngu tshamba ngudzu gu wona gu vboha ga vale va hi reselago Mahungu nya Yadi.”

Varoma 16:2

Mu hakheni gwadi khu lina la Pfhumu, nga edzi gu vbwetegago khidzo vbakari nya vakhodwa, mu phasedzeleni ga satshavbo a na si vbwetago, kholu uye nuye phasedzede nya vangi, ambari eni neni a nyi phasedzede.

1 Vakorinto 16:10

A gu vbindra khiyo gwanu Thimoti, mu hakheni gwadi apwa gutshamba vbakari gwanu, kholu uye womo nuye thumoni wa Pfhumu kha nga eni.

1 Vakorinto 16:18

Va nyi tangadziside ngudzu, kha nga va nga mi tangadzisago nenu. Khavbo avbo, mu na ni fanelo nya gu va ningeni githawo.

2 Vakorinto 10:18

Kholu, oyu a dzi zundzago a dzi gira muthu nya khongolo, kha hakhwi, gu hakhwa oyu a zundzwago khu Pfhumu.

2 Vakorinto 7:2

Hi hakheni myonyoni gwanu. Kha ha vivbisa muthu, kha ha senga muthu, kha ha vbweta giphaso ga muthu. Kha ha kalavela muthu.

Vafilipi 2:28

Khu kharato, nyi ngu mu rumela khu guvbiredza gasi, khu gu mu wonani nyaluphye, mu nengele, nyi vbevbugisedwa sigaradzo sangu.

Vakolosi 4:10

Arisitariko, a khothedwego gumogo ni eni, a ngu mi losedzela, a nuye Marko, ndruye wa Bharinabha. Gasi khu mahungu ya Marko, nyi mi ningideni sileletelo nya gukheni a guta mi holela, mu hakheni gwadi.

1 Vatesalonika 5:12

Vandruye, hi ngu mi lomba mu ninge githawo ga vale va tago khu lina la Pfhumu va ta thumela enu, vathangeli ni valuleki vanu.

1 Thimoti 5:17

Vathangeli nya libandla, vale va thumago gwadi thumo wawe, va ngu yela gu zundzwa guvbindra pimo, ngudzungudzu ava va tshumayelago ni gu hevbudza.

Vahebheru 13:17

Yingelani vathangeli vanu, mu landrisa sileletelo sawe. Kholu avo khavo va khedziselago gikhati gyatshavbo mihefemulo yanu, va na wudziswa khu Nungungulu khu kotani nya isoso. Mwa gu va yingelani, avo va na thuma na va tsakide, kholu, va gu thuma na va gu garadzega kha si na phasa gilo gwanu.

3 Johane 1:10

Khu guralo, gikhati nyi na vbohago iyoyo, nyi nata mu kawuka, khu kotani nya esi a girago; khu kotani nya silo nya guthise ni malipha a ganelago khu ethu. Aholu, kha tsaki basi khu gu gira isoso, kholu va gu vboha vandruye, uye kha va hakhi. Mumbe muthu a gu vbweta gu va hakha, uye kha mu dzumedzisi, gambe a gu mu tutumisa muthu yoyo ndrani nya libandla.