Vafilipi 2:21 - Bhibhiliya Nya Guage

²¹ Vatshavbo vambe va gudwanela basi gu gira guhaladza gwawe, nasiri ogu ga Kristo.

Vafilipi 2:21 Iomraidhean Croise

2 Dzipfhumu 12:6

Ambari khu kharato, hwane nya magumavili na miraru, nya gufume ga Jowasi, vaphasi nya mhamba va di si gu lulamiseli malufa nya Nyumba ya Pfhumu Nungungulu.

Isaya 56:11

Dzimbwa dzedzi makhondrobwa, kha dzi khuri; vahavisi nyamba pimisa gilo; muthu ni muthu a gu bwelela khu ndzila yaye, a dzi vbwetela iso si na gu mu ningago bhindzu.

Malakiya 1:10

Khu mani vbakari gwanu a na segago malimba nya Nyumba ya Nungungulu gasi gu si khondriswi gambe nilo nyambana fanelo vbagiluvelotunu gwangu? Kholu enu kha mu nyi salalegisi gambe, kha nyi na hakha gambe miphaselo yanu. A ngu ganela Pfhumu Nungungulu nya Tshivba Yatshavbo.

Matewu 16:24

Jesu a di embela vapizane vaye, khuye: “Uye a vbwetago gu nyi landrela, a na dzi nyenye wurumba waye, a vbagare gihambano gyaye a nyi landrela.

Luka 14:26

“Uye atago gwangu a mba diga babe, mayi, mwangadzi, sanana, vandriyaye, ni gu dzi diga uye mune, kha dzi kodzi gu khala mupizane wangu.

Mithumo 13:13

Na va khugide khu Pafosi, iyo va nga ya khilela ngalava, Pawulo ni vangana vaye va di hongola Periga, talala wa Panfiliya gasi Johane a di va diga a gu bwelela Jerusalema.

Mithumo 15:38

Pawulo kha nga wona gwadi gu hengela ni wule a nga va diga Panfiliya a si hengeli navo thumo.

1 Vakorinto 10:24

Muthu a nga dwaneli basi esi si mu tsakisago wurumba waye, aholu muthu ni muthu a na dwanele esi si tsakisago muthu kwawe.

1 Vakorinto 10:33

Girani kha nga eni nyi dzi garadzago khu gu vbweta gutsakisa vathu vatshavbo, siloni gwatshavbo, nasiri gudwanela esi si nyi nengedzisago wurumba wangu, aholu khu gudwanela esi si phasago va nya gutala, vafela gu vbanyiswa.

1 Vakorinto 13:5

Lihaladzo kha li giri esi nyamba yela, kha li dwaneli gu dzi tsakisa, kha li khali likhulo, mwendro guvbisega khu kota nya gu pimise guvivba li giredwago.

2 Vakorinto 1:5

Kha nga olu gu dandrago ga ethu gusaniseka ga Kristo, kharato gambe, khu Kristo gu ngu dandra guthaveledwa gwathu.

Vafilipi 2:4

Muthu ni muthu a nga dwaneli basi gu sayisa esi si gu saye, aholu, a na dzi garadze gambe khu sile si gu sa vangana.

2 Thimoti 1:15

Uwe u ngu dziti nya gukhuwe vatshavbo va tigoni ga Aziya va nyi digide ambari nuye Figelo ni Herimogeni.

2 Thimoti 3:2

Kholu vathu va na dzi khusedza va khala va magundrele, va nya gugola dzitsapawu, va nya matshandza, va nya gu dzi gugumugisa, va nya gu wugela Nungungulu, gumba yingisa vavelegi, gumba bonga, va nyamba khodwa.

2 Thimoti 4:10

kholu, Dhemasi a nyi digide khu gu vbweta silo nya mafu, hongode Tesalonika, Kresiseti hongode Galatiya, Tito hongode Dhalimasiya.

2 Thimoti 4:16

Gulamudwani gwangu nya guphele mwalo na moyo a nga nyi emela, vatshavbo va di nyi diga. Nungungulu a na va tsetselele.