Vafilipi 2:17 - Bhibhiliya Nya Guage

¹⁷ Ambari gu lomba gu ningela womi wangu nyi gira mhamba nya phaso gasi gu pata ni miningelo yanu nya gukhodwe ga Nungungulu. Eni si ngu nyi tsakisa, gambe nyi ngu hengela gutsaka gogu ni enu mwatshavbo.

Vafilipi 2:17 Iomraidhean Croise

Mitengo 28:6

Owu khu phaso nya guvbiswe nya litshigu ni litshigu, wu vegidwego kha nga nayo gigomoni ga Sinayi, gasi wu khale phaso nya gunungele gwadi wu vbisedwago Pfhumu Nungungulu.

Mitengo 28:7

Ningelo wakone nya wadwa, wu na bani wuri wa gipandre nya wu na nya deva ga gihambana nya guhegule; vbinyu nya yadi yi fanede gu khala mhamba nya guvbaladzedwe Pfhumu Nungungulu Wulangani nya Guage.

Mithumo 20:24

Aholu kha nyi khathali khu womi wangu. Egi gi vbwetegago khu gu eni nyi vbohisa mahegiso liendro langu, nyifela gu vbedzisa ndrima nya thumo nyi pharisidwego khu Pfhumu yathu Jesu Kristo, nya gutivise Mahungu nya Yadi nya lihaladzo la Nungungulu.

Mithumo 21:13

Aholu uye a di hi hakha, khuye: “Khu ginani mu lilago kharato mu nyi thela wuvi? Eni nyi dzi dongisede, nasiri guya hungeledwa basi, ambari guya songwa Jerusalema khu kotani nya lina la Pfhumu Jesu.”

Varoma 12:1

Nyi ngu mi lomba vandriyangu khu wuhindzi wa Nungungulu, gukheni mu dzi ningele wurumba wanu mu khale mhamba nya guvbanye, nya gukatege, nya gunengedzise Nungungulu. Eyi khiyo mhamba nya lisine nya maningano yi tsakisago Nungungulu.

Varoma 15:16

nya guthumele Jesu Kristo ga va nya mayigo. Kha nga muphasi nya mhamba, thumo wangu khu gu tivisa Mahungu nya Yadi ya Nungungulu gasi va nya mayigo va ningedwe ga Pfhumu kha nga mhamba nya gutsakise Uye, yi agisidwego khu Liphuvbo nya Guage.

2 Vakorinto 12:15

Eni nyi ngu dzumela gu ningela satshavbo nyi gu naso, ambari wurumba wangu khu kota nya enu. Nya gu mi yeyedzani lihaladzo nya lingi, khavbo mu na gu nyi golago vbadugwana?

2 Vakorinto 4:12

Khu guralo, gufa ga gu thuma ga ethu, aholu ga enu, gu thuma guvbanya.

2 Vakorinto 6:10

Gukhwatshi hi swihade, aholu hi ngu nengela gikhati gyatshavbo; gukhwatshi hi sisiwana, aholu hi fumiside nya vangi; gukhwatshi hi mwalo gilo, aholu hi naso satshavbo.

2 Vakorinto 7:4

Nyi na ni gutumba nya gukhongolo ngudzu khu enu, nyi ngu dzi zundza ngudzu khu enu; nyi tade khu gu thaveledwa, nyi tade khu gutsaka, vbakari nya gusaniseke gwathu gwatshavbo.

Vafilipi 1:20

Egi nyi lilago wutshigu ni mihani, na nyi gu tumba khu monyo wangu watshavbo, khu gukheni nyi si khali dzitshoni. Gani olu, muhuno kha nga gikhati gyatshavbo, Kristo a na dhumiswa givilini gwangu, khu guvbanya ambari khu gufa gwangu.

Vafilipi 2:18

Enu nenu tsakani gumogo ni eni.

Vafilipi 2:30

khaguva a di hadza gufa khu kotani nya thumo wa Kristo, a ningela womi waye khu gufela gu nyi phasedzela khu esi enu mu si dzi kodzigo gu nyi ningani.

Vafilipi 4:18

Eni nyi naso satshavbo khu gutala nya iso. Olu nyi hakhidego satshavbo esi mu nga nyi rumela khu mandzani ya Epafrodito, nyi si mane khu gutala guvbindra esi nyi si vbwetago. Ningelo yoyu kha nga mahema nya yadi nya mhamba yi hakhwago khu Nungungulu yi mu salalegisa.

Vakolosi 1:24

Olu nyi ngu nengela khu gusaniseka gwangu, nyi sanisekago khu kotani gwanu; nya gu tadzisa milini gwangu, avba gu nga bani gu tshade gusanisekani ga Kristo khu kotani nya Libandla a gu givili gyaye.

1 Vatesalonika 2:8

Khu gu mi haladzani ngudzu, hi di dzi emisede gumba mi ningani Mahungu nya Yadi basi, aholu, ni gu ningela gambe guvbanya gwathu khu enu, kholu enu mu khade nga sanana sathu nya sigodwa.

2 Thimoti 4:6

A gu bani ari eni, nyi lulamide gu khala mhamba kholu, gikhati gyangu nya gufe gi ngu vboha.

1 Pedro 2:5

Hidzimelani nenu mu dzi ningedzela ga Nungungulu, gasi a mi thumise kha nga siwindri nya guvbanye, guvbahani nya nyumba nya Liphuvbo ya Nungungulu. Nyumbani momo, enu mu womo kha nga tsawa nya vaphasi nya mhamba va agisidwego, va hathidwego gasi gu ningela miphaso yi tsakisago Nungungulu khu ga Jesu Kristo.

1 Johane 3:16

Kharato, khavbo hi dzitigo gukhethu ginani lihaladzo: Kristo ningede guvbanya gwaye khu kotani gwathu. Khu guralo, ethu nethu hi ngu yela gu ningela guvbanya gwathu khu kotani ya vandriyathu.