Vafilipi 2:15 - Bhibhiliya Nya Guage

¹⁵ mu yeyedza kharati gukhenu mu vathu nya gululame, nya dzifanelo, gukhenu mu sanana sa Nungungulu, mu khala na mu agide nyambana gihoso vbakari nya vathu nya guwegele nya guvivbedwe khu monyo. Guvbwetega mu ngangamela vbakari nya vathu vovo kha nga myenge ya mafuni,

Vafilipi 2:15 Iomraidhean Croise

Dzindzimo 122:5

Si vegidwe iyo sikhalo nya gulamule mahungu, sikhalo nya wufumu wa nyumbani ga Dhavhidhe.

Ekisodha 34:35

Khu guralo, sanana sa Israyeli si di wona gukhiso khovbe ya Mosi yi ngu ngangamela, aholu Mosi a di fenengela gambe khovbeni khu mwendra, kala a gu ya bela gambe, gasi gu ganela ni Nungungulu.

Mavingu 4:18

Aholu ndzila ya va nya gululama ya gu wenengedza kha nga wuronga nya gugye, wu wenengedzago kala gu gira safa nya mihani.

Mavingu 8:8

Magana yatshavbo ya konani gwangu ma lulamide; ga ayo, gi mwalo nya guvivbe mwendro nya gusengedzele.

Isaya 60:1

Jerusalema, khuga u ema u ngangamela, kholu, wenengedzo wago wu vbohide! Wudhumo wa Pfhumu Nungungulu wu ngu wenengedza vbatshani gwago.

Dhaniyeli 6:4

Khu kotani nya kharato, vamwamangulu ni vathangeli, va di gu zama gu mana gihoso nya guvivbise khigyo Dhaniyeli thumoni gwaye nya mufumo, gambe va disi mani gihoso, kholu a di thuma khu gutumbega.

Matewu 10:16

“Wonani, nya gu mu rumelani kha nga dzinvuta vbakari nya masolwa; khu kharato, gengelani kha nga dzinyoga; mu rula kha nga matuva.

Matewu 17:17

Jesu a di khuye: “Mela nya vathu nyamba khodwa, mu si gitigo nigyo mu girago! Nyi na khala nanu kala lini? Nyi na mi timiselani kala lini? Mu reseni eno gwangu.”

Matewu 5:45

Mwa gu gira kharato mu na khala sanana sa Babe wanu a guromo Ndzadzini. Kholu uye a ngu dugisa lidambo ga va nya gululama ni va nya guvivbedwa khu myonyo; a wisa ndzadzi ga va nya ndruda ni sighohi.

Matewu 5:48

Khu kharato, lulamani mulisineni kha nga Babe wanu wa Ndzadzini a lulamidego.

Luka 1:6

Vatshavbo va vavili va di lulamide mahoni ga Nungungulu; va di gu landrisa milayo ni siguruvedzo sa Pfhumu khu ndruda yatshavbo, guvbanyani gwawe, gima kha va manwa vari ni gihoso.

Luka 6:35

Gasi enu, golani valala vanu, girani esi si gu sadi; lombisani, na mu si lindreli gu livbwa. Mwa gu gira kharato, tshatshazelo yanu yi na bani yiri yikhongolo. Gambe, mu na bani muri sanana sa Wule a khusegidego ngudzu, kholu uye khwadi ambari ga vale va si gu vadi, va si mu bongigo.

Johane 5:35

Johane a diri mwenge wu nga bani wu gu khondra wu wenengedza vbakari gwanu; enu khu matshigwana madugwana, mu di tsakiswa khu mwenge waye.

Mithumo 2:40

Khu magana yaya ni mambe nya mangi, Pedro a di gu fakaza ni gu va tiyisa, khuye: “Dzi vbanyiseni ga melana yoyu nya guwegele.”

Mithumo 20:30

Ambari khu vbakari gwanu va na dugelela vathu va na gu hevbudzago malipha, va gu dzimedza vakhodwa.

Varoma 16:19

Mahungu nya gutumbege gwanu ga Kristo ma pwade malangani gwatshavbo, ma nyi tsakisa ngudzu. Aholu nya guvbweta gukheni mu gengela gasi mu kodze gu landra esi nya sadi; mu rula gasi mu kodze gu dzi vhikela ga esi nya guvivbe.

1 Vakorinto 1:8

Khuye gambe a na mi tiyiselago kala mahegiso, gasi muta manwa na muri mwalo gihoso litshiguni la Pfhumu yathu Jesu Kristo.

2 Vakorinto 6:17

Khu kharato Pfhumu yi ngu ganela gambe, khiyo: “Dugani khu vbakari gwawe mu hambana navo mu nga khuhini gilo nya gunyenyeze.

Vaefeso 5:27

Khu magirelo yaya, a dzi dongisede abune libandla nya gungangamele nyambana livala, nyambana dzikonye mwendro gimbe gilo nya nga isoso; libandla nya guage nyambana gusolega.

Dhewuteronome 32:5

Si Mu ghohede, sanana Saye nya guwegele, khu guralo kha muri sanana saye, aholu mu gilo gyaye, nya gunyenyeze; gitugulwana nya guwegele ni malipha.

Vafilipi 1:10

Gasi mu kodza gu hatha iso si gu sadi, ni gu vbanyani khu ndzila ni lisine mu khala na mu agide mu ta manwa muri mwalo gihoso, kala li gu vboha litshigu la Kristo;

Vafilipi 3:6

nyi di phara Nayo khu tshivba ni tshivba, nyi gu sanisa Libandla la Kristo. Nyi di gu vbanya nyambana gihoso nayoni.

1 Vatesalonika 5:23

Nungungulu nya gurule a na agise ni gu sayisa sivili sanu ni mihefemulo yanu kala a wuya Pfhumu yathu Jesu Kristo.

1 Thimoti 3:10

Avo navo va na hegule khu gu khedzwa, khu hwane nya avbovbo, gya gumba manega gihoso, va ngu fanela gu phela thumo wawe.

1 Thimoti 3:2

Kholu, muthangeli gu vbwetega muthu a lulamidego, mwama nya wadi nya gurule a gu ni nyamayi moyo basi, a dzi pharago, a gengedego, a kodzago gu hakha vapfhumba ni gu hevbudza.

1 Thimoti 5:14

Khu kharato, nya gu vbweta gukheni, dzinoni dzi ngarigo sagadzyana dzi dzegwe, dzi velega sanana, dzi sayise dzindranga dzawe, nyamba ninga wulanga nala a ganela guvivba khu gukhodwa gwathu.

1 Thimoti 5:20

Avo va ghohago va kawuke mwandrani, gasi vale vambe va fela gu khala hwanga.

1 Thimoti 5:7

Va dundrugise gambe esi, gasi va landrise fanelo yawe.

Tito 1:6

Muthangeli gu vbwetega nari muthu nyambana gihoso ni vathu, a gu ni nyamayi moyo basi; sanana saye siri vakhodwa, nyambana ndruma nya guvivbe ni gumba yingisa.

Tito 2:10

ambari gu va bela. Aholu, dzi na yeyedze gukhidzo dzi tumbegide ga satshavbo dzi girago, gasi gu rungudzwa sihevbudzo hi hakhidego khu ga Nungungulu, Muvbanyisi wathu.

Tito 2:15

Hevbudza silo sesi satshavbo, u laya ni gu kawuka khu tshivba yatshavbo u ningidwego. U nga dzumeli ni moyo a gu yeyisa.

Vahebheru 7:26

Jesu khuye Muphasi nya Khongolo nya mhamba hi mu vbwetago. Uye agide, uye mwalo gihoso ambari gighoho, uye hambanisidwe ni sighohi, a gu khusedzwa guvbindra vbatshani ndzadzini.

1 Pedro 2:12

Mavbanyelo yanu vbakari nya va nya mayigo gu vbwetega nari mavbanyelo nya yadi. Gasi va gu mi singedza guvivba, va konwe khu mithumo yanu nya yadi, va fela gu rungudza Nungungulu litshigu a natago.

1 Pedro 2:9

Aholu, enu mu lifumbu li hathidwego, mu vaphasi va Pfhumu, mu lihundzu li agisedwego Nungungulu, mu vathu mu lumbago uye. Enu mu hathidwe gasi mu huwelela tshivba ya Nungungulu, a mi ranidego mu duga gidemani, muta wenengedzoni gwaye nya gusamadzise.

2 Pedro 3:14

Sigodwa sangu, nga olu mu lindrelago litshigu lolo, girani tshivba mu khale ga Nungungulu, nyambana gisolo, ambari gighoho mbeli gwaye.

Gutuledwa 2:5

Nga dundruga avbo u nga thega khavbo; nga dzi vbindrugedza, u landrisa nyaluphye mithumo yago nya guhegule. Aholu, wa gumba dzi vbindrugedza, nyi nata iyo gwago nyita dusa kandriya yago wulangani gwaye.

Gutuledwa 3:9

Nyi na gu ninga tshangano nya valandreli va Sathane, vale va dzi randrago Vajudha nari va gu lipha. Va na khidzima migondroni gwago, gasi va dziti nya gukhavo nyi ngu gu gola.