Vafilipi 2:14 - Bhibhiliya Nya Guage

¹⁴ Girani silo satshavbo nyamba ngurangura mwendro gu ganedzisana,

Vafilipi 2:14 Iomraidhean Croise

Dzindzimo 106:25

Va di khala mitshatshani gwawe va phela gu ngurangura, va bomba gu yingisa lito la Pfhumu Nungungulu.

Mavingu 13:10

Matshandza ma gu vanga mazondra, aholu wugengeli wa gu manwa khu vale va dzumelago gulaywa.

Mitengo 14:27

“Kala lini na nyi gu timisela tshangano yoyu nya guvivbe na wu gu nyi wugela? Nyi pwide gungurangura ga va na Israyeli va nyi girelago litshigu ni litshigu.

Matewu 20:11

Na va hakhide, va di phela gu bhongela mune gipeto, khavo:

Marko 14:5

Kholu nari pwani ma di rengiswa khu tengo nya guvbindre gipimo nya mazana mararu dzitsapawu nya parata na ma phaside sisiwana. Va di swireka va guhembulula nyamayi wule.”

Marko 9:14

Na vbohide avbo va nga bani va romo vambe vapizane, va di wona vathu nya vangi gumogo ni vahevbudzi nya Nayo na va va randrede va gu ganedzisana navo.

Luka 5:30

Vafarisi ni vahevbudzi nya Nayo va di ngurangura, va gu wudzisa vapizane va Jesu, khavo: “Khu ginani mu hodzago ni gu sela gumogo ni vakhuphisi ni sighohi?”

Mithumo 15:2

Gu di manega gu ganedzisana nya gukhongolo, kholu Pawulo ni Bharinabha va di hambana ngudzu ni sihevbudzo sawe. Va di pwanana vatshavbo va rumela Pawulo ni Bharinabha ni vambe vandruye, va gwela Jerusalema guya wudzisa mahungu yaya ga vapostoli ni madhota.

Mithumo 15:39

Gu di manega gu ganedzisana nya gukhongolo va hegisa khu gu hambana. Khavbo avbo, Bharinabha a di dzega Marko a khilela ngalava a gu hongola naye Kipre.

Mithumo 15:7

Gu di manega gu ganedzisana nya gukhongolo ngudzu, Pedro a khuga a ema, a ganela, khuye: “Vandruye, mu ngu dzitini nya gukhenu Nungungulu a nyi hathide vbakari gwanu, gukhugela matshiguni nya guhegule, gasi va nya mayigo vapwe Ivhangeli khu kanani gwangu, va khodwa.

Mithumo 6:1

Khu matshigu yale, tengo nya vathu va nga dzumela gu khodwa, wu di gu engedzelana litshigu ni litshigu. Gu di manega gisolo tsawani nya Vagreki va gu phela gu wugela tsawa nya Vahebheru. Kholu sifurugadzi nya tsawa nya Vagreki si di gu divadwa gikhatini nya gukabaniswe silo nya siphasedzelo.

Varoma 12:18

Sa gu kodzega, zamani guvbanya khu gurula ni vathu vatshavbo.

Varoma 14:1

Wule a sa tiyago gukhodwani gwaye, mu hakheni gwadi, mu nga ganedzisani naye khu kotani nya mawonelo yaye.

Varoma 16:17

Nyi ngu mi tivisani, vandruye, gukheni dzi woneleni ga vale va wusago guhambana ni gu yala gukanakana sihevbuloni mu hakhidego. Gimbilelani hwindzo navo,

1 Vakorinto 10:10

Mu nga ganedzi, kha nga va nga gira vambe, va gu mbemba khu gufa.

2 Vakorinto 12:20

Nyi na ni hwanga guta iyo gwanu, nyita mi mana na mu vbindrugedzide mavbanyelo yale nyi ma golago, enu nenu mu nyi wona na nyi vbindrugedzide mavbanyelo. Nyi na ni hwanga nya gukheni nyi nata mi mana na mu bede mayungani, lidiwo, mazondra, gunyenyana, gu dwana, gusingedzana, milembo, ni gumba pwanana.

Vagalatiya 5:15

Aholu enu mwa gu vbanya nga sirengo, mu gu hodzana ni gu bayisana, dzi woneleni, mu nga hegisa khu gu vbedzana khu gyanu.

Vagalatiya 5:26

Hi nga khali vathu nya matshandza, hi wugelana ni gu girelana lidiwo.

Vafilipi 2:3

Mu nga girini gilo khu monyo nya gudwanele gu dzi khusedza mwendro khu matshandza nya mahala, aholu, girani khu gu dzi sodzisa, mu dzi gira va nyalidede ga vathu vatshavbo.

1 Vatesalonika 5:13

Va sayiseni khu ligolo ni lihaladzo, khu thumo yoyo va gu nawo. Vbanyani khu gurula vbakari gwanu.

1 Vatesalonika 5:15

Mu nga bweledzelani guvivba khu guvivba. Aholu girelanani wuwadi vbakari gwanu ni vatshavbo.

Vahebheru 12:14

Vbanyani khu gurula ni vathu vatshavbo, mu dzi garadza khu gu vbanyela Pfhumuni, kholu nyamba gira kharalo, mwalo muthu a na gu wonago Pfhumu.

Jakobe 1:20

Kholu, likhulo nya muthu kha li giri gululama gu godwago khu Nungungulu.

Jakobe 3:14

Aholu, mwa gu khala lidiwo, likhulo ni wugundreli myonyoni gwanu, mu nga liphi gukhenu mu na ni guti.

Jakobe 5:9

Vandriyangu, mu nga ganedzisani khu gyanu, gasi mu si lamudwi. Wonani nya gukhenu Mulamuli womo vbamwanyatunu.

1 Pedro 3:11

A na ndreye ga silo nya guvivbe, a gira iso nya sadi; a na vbwete gurula, a gu landrisa.

1 Pedro 4:9

Hakhani gwadi vapfhumba, nyamba garadzega.

Judha 1:16

Vathu vovo va gu ngurangura gikhati gyatshavbo ni gu singedzela vakwawe, va gu landrisela gudogorela nya myonyo yawe, va dzi khusedza, va pfhadza vakwawe.