Vafilipi 2:13 - Bhibhiliya Nya Guage

¹³ kholu Nungungulu a ngu mi phasedzela gikhati gyatshavbo khu gu mi ninga gusuva ni guthuma guhaladza gwaye.

Vafilipi 2:13 Iomraidhean Croise

1 Dzipfhumu 8:58

Myonyo yathu yi ndrindredzele yiya iyo gwago, gasi hi kodze gu gimbila gikhati gyatshavbo khu dzindzila dzago, hi sayisa milayo, sileletelo ni sihevbudzo sago, kha nga idzo U nga leletelago khidzo vababe vathu.

2 Dzikoronika 30:12

Mandza ya Nungungulu, ma diri gumogo ni vathu va Judha, va pwanana khu monyo moyo, gasi va gira sileletelo sa mufumeli ni sa manganagana yaye, mayelano ni magana ya Pfhumu Nungungulu.

Ezira 1:1

Khu mwaga nya guhegule nya gufume ga Kiro, mufumeli wa Perisiya (gasi gu tadzisega magana ya Pfhumu Nungungulu, ma nga dugago khu kanani ga muprofeti Jeremiya). Pfhumu Nungungulu a di khendzugisa liphuvbo la Kiro, mufumeli wa Perisiya, a huwelela tigoni gwaye gwatshavbo bwelo khavbo a lova khu khwepa a ganela, khuye:

Ezira 1:5

Khavbo avbo, va di khuga vathangeli nya dzinyumba dza Judha, ni dza Bhejami, vaphasi nya mhamba ni Valevhi, gumogo ni vatshavbo va nga khendzugiswago khu liphuvbo la Nungungulu gasi va gwele va ya vbaha Nyumba ya Pfhumu Nungungulu, a guromo Jerusalema.

Ezira 7:27

A na rungudzwe Pfhumu Nungungulu wa vababe vathu, uye a vegidego mahungu nya nga aya monyoni ga mufumeli wathu, gasi hi zundza Nyumba ya Pfhumu Nungungulu wa Jerusalema.

Nehemiya 2:4

Mufumeli a di khuye: “Wa guvbweta gukhuwe olu nyi gu girela ginani?” Khavbo avbo, nyi di lombelela ga Nungungulu wa ndzadzini,

Joba 33:29

Wona nya gukhuwe, satshavbo sesi, mithumo ya Nungungulu, a girelago vathu nyondro mbili mwendro nyondro tharu,

Dzindzimo 110:3

Vathu vago va nata dzi ningela gwago, litshigu u na somago matshari yago nya gudwane; madzaha ma nata gwago khu sigomoni kha nga hunguva yi thegago gikhati wu khugago Wuronga.

Dzindzimo 119:36

Gira monyo wangu wu gola ngudzu milayo yago gasi nyi si beli manaveloni.

Dzindzimo 141:4

U nga digi monyo wangu wu dogorela guvivba; nyi nga hengeli ni va nya guvivba mithumoni gwawe, mwendro gu hodza navo mibuzo yawe.

Mavingu 21:1

Monyo wa mufumeli, wa gu fanana ni gitsongwana nya mati gi gimbidziswago khu Pfhumu Nungungulu, uye a gu mu rumela ni evbini a gunago.

Isaya 26:12

Uwe Pfhumu Nungungulu, u na hi ninga gurula, kholu khuwe u hi giredego mithumo yathu yatshavbo.

Jeremiya 31:33

Kholu egi khigyo gidzumeledzwano nyi na gu girago ni ndranga ya Israyeli hwane nya matshigu yale, nyi na lova nayo wangu myonyoni gwawe nyi wu vega mapimoni gwawe; Eni nyi na khala Nungungulu wawe, avo va na khala vathu vangu; a ngu ganela Pfhumu Nungungulu.

Jeremiya 32:38

Avo va na khala vathu vangu, Eni nyi na bani nyiri Nungungulu wawe.

Luka 12:32

Jesu a di engedza, khuye: “Mu nga thavi, tshambi dugwana, kholu Babe wanu dzinide gu mi ninga mufumo waye.

Luka 2:14

“Rungudzo ga Nungungulu Ndzadzini, gurula mafuni ga sigodwa saye.”

Johane 3:27

Johane a di phindrula, khuye: “Mwalo a dzi kodzago gu hakha gilo a gu bani a sa ningwa khu Ndzadzini.

Johane 6:45

Vaprofeti va lovide gukhavo: ‘Vatshavbo va na hevbudzwa khu Nungungulu.’ Muthu watshavbo a pwidego ni guhevbudzwa khu Babe, a nguta gwangu.

Johane 6:65

A di engedza gambe, khuye: “Khu kharato nyi ngu mi embelani, kheni: Mwalo atago gwangu a gumba ningwa khu Babe wangu.”

Mithumo 11:21

Tshivba ya Pfhumu yi diri navo. Vathu nya vangi va di khodwa, va gu vbindrugedza mavbanyelo, va wuya ga Pfhumu.

Varoma 12:3

Khu kota nya thumo Nungungulu a nyi ranedego uwo vbakari gwanu, nyi ngu laya moyo ni moyo wanu gukheni mu nga dzi sayeli guvbindra fanelo. Aholu dzi sodziseni, muthu ni muthu a dzi vega vbawulangatunu gwaye gukhedza khu wuhigo ni wukhodwa a ningidwego khu Nungungulu.

Varoma 9:11

Nasi gu hefemuli, sanana si si guti gughoha, mwendro gu gira gululama, gasi gu yeyedza gwadi gupwani makungu ya Nungungulu ma girwa khu gu hatha nya gu gole gwaye, nasiri gukhedza khu mithumo, aholu gola ga Nungungulu a ranago.”

Varoma 9:16

Kholu kha pimi khu gugola mwendro khu gu dzi garadza nya muthu, aholu a gu pima khu guhaladza gwaye basi.

1 Vakorinto 12:6

Yomo mithumo nya guhambane, aholu Nungungulu Moyo basi. Khuye a ningago vathu vatshavbo tshivba nya guthume.

1 Vakorinto 15:10

Aholu khu wuhigo wa Nungungulu nyi womo kha nga idzo nyi gu idzo. Gambe wuhigo a nyi ningidego, kha nyi ninga mahala. Eni nyi ngu thuma ngudzu guvbindra vatshavbo vapostoli. Ambari ulo khandreni nyi girago esi satshavbo, wuhigo wa Nungungulu wu thumago gumogo ni eni.

2 Vakorinto 3:5

Kha hi dzi kodzi gu ganela khethu ha gu gira esi khu mapimo yathu, ahihi; kholu mapimo yathu ma guta khu ga Nungungulu.

Vaefeso 1:11

Khu gwaye Kristo, hi hathidwe nethu guya ningwa thomba nya guvbanyiswe hi lulamisedwego khu gale, lihaladzo a thumago silo satshavbo khu gudzina ni gugola gwaye.

Vaefeso 1:5

Uye a hi hathide a hi vegisede wuhigo nya gu hi gire sanana Saye khu ga Kristo.

Vaefeso 1:9

A hi tulede guti sihalo nya gikungo nya guhaladze gwaye khu ga Kristo, kha nga edzi a nga bani a vegiside khidzo khu gale,

Vaefeso 2:8

Kholu mu vbanyisidwe khu wuhindzi khu kotani nya gukhodwe gwanu. Guvbanyiswa khandri mwa gu gu mana khu tshivba yanu, kholu giningwa gya Nungungulu.

2 Vatesalonika 1:11

Khu guralo, hi ngu lomba ga Nungungulu wathu gikhati gyatshavbo khu enu, gasi a mi phasani gu girani dzifanelo nya guranwe gwanu, a mi ningani tshivba ni masuwo nya gutshambe, ni gu tiyisa gukhodwa gwanu.

2 Thimoti 1:9

Khuye a hi vbanyisidego ni gu hi rana, nasiri khu mithumo yathu, aholu khu gudzina ni wuhigo waye, a nga hi dongisela galeyo gu hi ninga khu Kristo Jesu.

Vahebheru 13:21

Nungungulu nya gurule a na mi ninge satshavbo esi si gu sadi, gasi mu girani guhaladza gwaye. Khu Kristo Jesu, a na thume gwathu satshavbo esi a si golago. A na rungudzwe Kristo kala gupindruga! Amen.

1 Pedro 1:3

A na rungudzwe Nungungulu, Babe wa Pfhumu yathu Jesu Kristo, khu lihaladzo laye nya likhongolo, a hi ningidego guvbanya nya guphya khu guwuga ga Pfhumu yathu Jesu Kristo khu ga vafudego. Khu guralo, myonyo yathu yi tade khu gutumba nya guvbanye.