Vafilipi 1:11 - Bhibhiliya Nya Guage

¹¹ na mu tade khu mithumo nya gululame yi girwago gwanu khu Jesu Kristo, gasi a rungudzwe ni gu dhumiswa Nungungulu.

Vafilipi 1:11 Iomraidhean Croise

Dzindzimo 1:3

A gu fanana ni simbo wu yadwego bambe nya tsongo, wu ningago mihandro khu nango yakone, mahagane yaye kha ma wuni; sigiro saye satshavbo sa gu duga gwadi.

Isaya 5:2

A li limide a dusa siwindri, a gira libhiyo, a yala miuvha nya gutsakise; khu vbakari a di vbaha nyumba nya gukhale avbo ghadhi, a vbaha ni gikhwathi nya gugamele avbo dziuvha; a di gu lindrela gukhuye lithembwe li na velega dziuvha nya dzadi, aholu li di velega dziuvha nya guvave.

Isaya 60:21

Vathu vatshavbo va tigoni gwago va na bani vari vathu nya gululame, va na lumbwa khu litigo kala gupindruga; avo va na bani vari pfhundre nyi wu yadego, thumo nya mandza yangu gasi va fela gu wonegisa wudhumo wangu.

Isaya 61:11

Kholu kha nga mafu ma bugisago misimbo yatshavbo, ni lithembwe li bugisago dzimbewu dzi yadwego umo, kharato nuye Mune, Pfhumu Nungungulu, a na bugisa gululama ni wuzundzo vbakari nya mayigo yatshavbo.

Isaya 61:3

Ni gu degudza vatshavbo vale va lilago va Siyoni, ni gu va ambagisa gihugu wulangani nya nguma, ni mafura nya gutsake, wulangani nya gililo, ni ngandzu nya wuzundzo, wulangani nya wuvi; gasi va ranwe gupwani misimbo nya gululame, yi yadwego khu Pfhumu Nungungulu gasi gu dzi dhumisa khiyo.

Matewu 5:16

Khu kharato wu na dzure mwenge wanu mahoni nya vathu, gasi, va wone mithumo yanu nya yadi, va dhumise Babe wanu a guromo Ndzadzini.

Johane 15:16

Khandrenu mu nga nyi hathago, kheni nyi mi hathidego nyi mi rumela, gasi muya ninga mihandro nya yingi ni gu mihandro yanu yi simame. Khu kharato, ni gevbini mu na lombago ga Babe wangu khu lina langu, uye a na mi ningani

Johane 15:2

Ni levbini litamo li nyi lumbago, la gumba ninga mihandro, uye a na li pila; gasi lile li ningago mihandro, a ngu li thena, li fela gu ninga mihandro nya yingi.

Johane 15:8

Babe wangu a na dhumiswa mwa gu ninga mihandro nya yingi; khu kharato, mu na khala vapizane vangu.

Varoma 15:28

Gikhati nyi na vbedzago gu gimbidzisa thumo wowu, na nyi ningede mihengo yatshavbo, nyi na phara liendro nya guhongole Espanya, nyi na vbindra khiyo gwanu nyi mi holela.

Varoma 6:22

Gasi olu, na mu tshulegide wugumbini nya gighoho, mwa gu thumela Nungungulu. Giphaso mu gi manago khu gu agiswa, mu wonwa na mu lulamide mbeli gwa Nungungulu, mu hegisa khu gu hakha guvbanya nya gupindruge.

1 Vakorinto 10:31

Khu kharato, gani mwa gu hodza, gani mwa gu sela, ni gevbini gimbe gilo mu girago, satshavbo girelani gu rungudza Nungungulu.

2 Vakorinto 9:10

Nungungulu, a ningago muyali mbewu ni guhodza, a na andrisa mbewu nya mithumo yanu nya yadi, eyi mu yi girago, ni gu dandrisa mihandro nya gululame gwanu.

Vaefeso 1:12

Kharati, ethu, gukhugela guhegulani, hi vegidego gitumbo gyathu ga Kristo, hi na embelela wudhumo waye.

Vaefeso 1:14

Khilo gitumbiso nya thomba yathu, eyi Nungungulu a yi vegisedego vathu vaye; olu hi ngarigu vbakari nya gulindrele, khilo Liphuvbo li hi ningago gutumba guya hakha thomba, gasi wu rungudzwe wudhumo waye.

Vaefeso 2:10

Kholu khuye a nga hi wumbago; a hi vangide, a hi tshanganisa ni Kristo Jesu gasi hi mane guvbanya nya gutale khu mithumo ya yadi, mithumo Nungungulu a yi dongisedego khu gale gukhuye hi vbanya khiyo ethu.

Vaefeso 5:9

Guwonegela khugo gu vangago mihandro nya wuwadi watshavbo, ni gululama, ni lisine.

Vafilipi 4:17

Khandri gu khwatshi nya gudwanela miningelo, aholu nyi ngu gola mu engedzedwa wuhindzi wanu.

Vakolosi 1:10

Kharati, mu na kodza gu landrisa guhaladza gwa Pfhumu, mu gu mu tsakisa mithumoni yatshavbo; mu na ninga mihandro nya mithumo ya yadi, mu dandra khu guti Nungungulu.

Vakolosi 1:6

Mahungu nya Yadi mu ma hakhidego, ma ngu simama gu ninga mihandro nya yadi ni gu andra tigoni gwatshavbo kha nga edzi ma nga girago vbakari gwanu, gukhugela litshigu mu hakhidego mahungu nya wuwadi wa Nungungulu mu gu wuti khu lisine.

2 Vatesalonika 1:12

Khu magirelo yoyo, Pfhumu yathu Jesu Kristo, a na dhumiswa khu gu dzi vegisa gwanu, enu nenu mu na dhumiswa khuye, khu wuhigo wa Nungungulu wathu ni wa Pfhumu Jesu Kristo.

Tito 3:14

Vandriyathu gu vbwetega va hevbula gu gira esi nya sadi ni gu phasa ava va hamugago, gasi guvbanya gwawe gu ninga giphaso.

Vahebheru 12:11

Khu lisine, olu gutsayiswa gwatshavbo kha gu wonegi na gu tsakisa, gwa gu wonega nga gusaniswa. Aholu, khu gikhati gyakone, gu ngu ninga handro nya gurule ni gululama ga vale va dandrisidwego khugo.

1 Pedro 2:12

Mavbanyelo yanu vbakari nya va nya mayigo gu vbwetega nari mavbanyelo nya yadi. Gasi va gu mi singedza guvivba, va konwe khu mithumo yanu nya yadi, va fela gu rungudza Nungungulu litshigu a natago.

1 Pedro 2:5

Hidzimelani nenu mu dzi ningedzela ga Nungungulu, gasi a mi thumise kha nga siwindri nya guvbanye, guvbahani nya nyumba nya Liphuvbo ya Nungungulu. Nyumbani momo, enu mu womo kha nga tsawa nya vaphasi nya mhamba va agisidwego, va hathidwego gasi gu ningela miphaso yi tsakisago Nungungulu khu ga Jesu Kristo.

1 Pedro 2:9

Aholu, enu mu lifumbu li hathidwego, mu vaphasi va Pfhumu, mu lihundzu li agisedwego Nungungulu, mu vathu mu lumbago uye. Enu mu hathidwe gasi mu huwelela tshivba ya Nungungulu, a mi ranidego mu duga gidemani, muta wenengedzoni gwaye nya gusamadzise.

1 Pedro 4:14

Enu mu kategide mwa gu vadwa khu kotani nya lina la Kristo, kholu, gu yeyedza gupwani Liphuvbo nya wudhumo a gu Liphuvbo la Nungungulu lomo avbo gwanu.