Vaefeso 6:9 - Bhibhiliya Nya Guage

⁹ Enu nenu mu thumedwago, vbanyani nenu kharato ni sithumi sanu. Digani gu si thusedzela, dzitini gukhenu enu ni avo, mwatshavbo mu na ni Pfhumu mweyo basi, yi guromo Ndzadzini, yi si hatheligo vathu.

Vaefeso 6:9 Iomraidhean Croise

Nehemiya 5:5

Gasi khu kharato, ethu ni vandriyathu hi nyama mweyo, ni sanana sathu, si ngu fanana ni sanana sawe; aholu hi ngu gurumedzega gu dzega madzaha yathu ni dzimbiri dzathu dziya khala dzikhumbi, ni olu vambe vanyamahegyane vathu vomo wugumbini. Gimwalo hi yelago gu gi kodza gu gira kholu, marembwe yathu nya sivbila naya nya vhinya kha ma nga gu hi lumba gambe, momo mandzani nya vambe vathu.

Joba 34:19

Nungungulu kha khedzi giyemo nya vathangeli, mwendro gu gola sitetema, a nyenya sisiwana, kholu vatshavbo sivangwa nya gugirwe khu mandza yaye.

Dzindzimo 140:12

Pfhumu Nungungulu, nyi ngu dziti gukheni u ngu lamulela gisiwana, u ngu lulamisa mahungu ya ava va hamugago.

Muhevbudzi 5:8

Wa gu tshuka u wona tigoni na gu tshaniswa sisiwana ni gu hambaniswa nayo, u nga samali kholu uye a gu khongolo a na ni mumbe vbatshani gwaye a mu kalavelago a gu khongolo guvbindra uye, vbatshani ga avo va vavili, womo gambe uye a khusegidego ngudzu gu va vbindra a va kalavelago nuyeavo.

Isaya 47:6

Na nyi khuvegide ngudzu khu kota ya vathu vangu, nyi di nyenyezisa thomba yangu nyi yi ningela mandzani gwago. Aholu uwe gima khwa va pwela gisiro; ambari ni sikhosane u di si rwega mirwalo nya gulemele ngudzu.

Dhaniyeli 3:15

Gasi olu, nyi embeleni gu ni gevbini gikhati mu na gu pwago gudzuma nya pundru, nya ngoma, nya gitendre, nya hwambi, nya tsholi, nya sengele ni satshavbo siwombawomba si ningago wutsendze, khidzimani mu khozela gifananiso nyi nga gi emisago. Mwa gumba girani kharato mu na dzegela gu modwa mu rinywa niloni gidhingiseloni nya gudzure ngudzu. Hi na wona gukhethu khu wevbini Nungungulu a na gu mi vbulugisago mandzani gwangu.

Dhaniyeli 3:6

Uye a na gumba khidzima a gi khozela, a na dzegela gu rinywa niloni gidhingiseloni nya gudzure ngudzu.”

Levhi 19:13

U nga bi mwendro gudzega gilo gya muthu kwanu. U nga hweli gulivba githumi gyago u khala ni hakhelo yaye kala limbe litshigu.

Malakiya 3:5

Nyi nata wonega vbakari gwanu gasi guta lamula, nyi na khala fakazi yile nya guwone gwadi ni gu wugela valoyi, sibhayi, ni vale va sambanyago malipha; nyi tsayisa ni vale va kanganyisago sithumi, va tshanisa dzinoni, sigulungu, ni valuveli, vale va si nyi ningigo githawo, a ngu ganela Pfhumu Nungungulu nya Tshivba Yatshavbo.

Matewu 22:10

Sithumi, na si phalalegide ni dzindzila, si di rana vatshavbo si nga va manago: Nya vadi navo nyamba vadi, kala gu tadza nyumba nya buzo khu vathu.

Matewu 22:8

Khavbo avbo, a di embela sithumi saye, khuye: ‘Guhodza gu vidzidwe aholu avo nyi nga bani nyi va rambide kha va yedwa khu guta.

Matewu 24:48

Aholu, githumi gile gya gu bani giri ni monyo nya guvivbe, gi pimisa monyoni gwaye, kharati: ‘Pfhumu yangu yi ngu hwela,’

Matewu 24:51

Githumi gile gi nata tsayiswa khu tshivba, bwelo khavbo, gi valedwa kha nga muthu nyamba tumbega; avbovbo gi na lila ni gu ketsa magwaha.

Matewu 7:12

Khu kharato, iso mu vbwetago gukhenu vathu va mi girele, va gireleni nenu, kholu khidzo kharati wu hevbudzago Nayo ni sihevbudzo sa vaprofeti.

Luka 6:31

iso mu golago gukhenu va mi girele, va gireleni nenu.

Johane 13:13

Enu mu ngu nyi rana Pfhumu ni Muhevbudzi wanu; khidzo kharato, kholu kheni kamwe.

Mithumo 10:34

Khavbo avbo, Pedro a di khusa lito a ganela, khuye: “Nyi ngu wona khu lisine nya gukheni Nungungulu kha hatheli vathu,”

Varoma 2:11

Kholu Nungungulu kha hatheli vathu.

1 Vakorinto 1:2

ha gu lovela Libandla la Nungungulu li guromo dhoropani ga Korinto, enu mu ranedwego gu khala sihathwa, mu agisidwego khu gutshanganiswa gumogo ni Kristo Jesu. Ha gu lovela gambe ni vatshavbo vale va phalalegidego ni litigo latshavbo va lombelelago khu lina la Pfhumu yathu Jesu Kristo, a gu Pfhumu yawe navo.

1 Vakorinto 7:22

Kholu oyu a ranidwego khu Pfhumu nari khumbi, ata khodwa ga Kristo, khade muthu nya gutshulege; a gu lumba Pfhumu. Ni wule a ranidwego khu Pfhumu nari muthu nya gutshulege, khade khumbi ya Kristo.

Dhewuteronome 10:17

Kholu, Pfhumu Nungungulu wanu, Nungungulu nya vanungungulu ni Pfhumu nya dzipfhumu, Nungungulu nya khongolo, nya tshivba, nya guthavisege, a si hatheligo vathu, gambe a si dzumeligo gu rengeledwa;

Vakolosi 3:25

Aholu, oyu a girago guvivba a na tshatshazedwa khu guvivba a giridego. Avba kha gu na hathwa khu khovbe nya muthu.

Vakolosi 4:1

Enu mu thumedwago, ningani sithumi sanu ogu gu fanedego ni gu ningana, na mu gu dziti gukhenu enu nenu mu na ni Pfhumu Ndzadzini.

Jakobe 2:13

Gikhati Nungungulu a na gu lamulago, kha na tsetselela ava va ngamba tsetselela vakwawe, aholu, ava va nga tsetselelago vakwawe, kha va na ningwa nandru Litshigu nya Gulamudwe.

Jakobe 2:8

Khu guralo, mwa gu landra nayo yoyu nya Wufumu, mu ngu gira gwadi, owu wu ganedwago khu Milowo nya Guage, khiyo: “Gola muthu kwanu nga edzi u dzi golago khidzo uwe wurumba wago,” avbovbo mu ngu girani gwadi.

Jakobe 5:4

Kha mu hakhisi vathu va thumago marembweni gwanu. Upwani gudilela gwawe, dzihuwa dza vale va nga thuma guvbwera, dzi vbohide kala dzindzeveni ga Pfhumu Nungungulu, nya Tshivba Yatshavbo.

1 Samuweli 15:17

Samuweli a di engedza a mu embela, khuye: “Ambari ulo u nga bani u dzi wona kha nga gyanana guwonani gwago, ina khwa khala muthangeli nya mahundzu yatshavbo ya na Israyeli, ni gu todzwa khu Pfhumu Nungungulu gu khala mufumeli wawe, gani?”