Vaefeso 6:6 - Bhibhiliya Nya Guage

⁶ Mu nga va thumelini basi khu gu va thava, nga khwatshi mwa gudwanela gu tsakisa vathu, aholu thumani nga sithumi sa Kristo, mu gira guhaladza gwa Nungungulu khu monyo wanu watshavbo.

Vaefeso 6:6 Iomraidhean Croise

Jeremiya 24:7

Nyi na va ninga monyo nya gu nyiti gukhavo eni kheni Pfhumu Nungungulu; avo va na khala vathu vangu, eni nyi na khala Nungungulu wawe; kholu va na wuya avbo gwangu khu monyo wawe watshavbo.

Jeremiya 3:10

Ndriyaye Judha, nyamba tumbega, kha dzi kodza gu wuya gwangu khu monyo waye watshavbo, aholu a di nyi kanganyisa, a ngu ganela Pfhumu Nungungulu.

Matewu 12:50

Kholu, watshavbo uye a girago guhaladza ga Babe wangu a guromo Ndzadzini, khuye a gu ndriyangu ni mayi wangu.”

Matewu 7:21

“Khandri watshavbo wule a gukhuye: Pfhumu, Pfhumu, a na belago Mufumoni wa Ndzadzini. Aholu a na bela basi uye a girago gugola ga Babe wangu a guromo Ndzadzini.

Marko 3:35

Kholu muthu watshavbo a girago gugola gwa Nungungulu khuye a gu ndriyangu nya mwama, nuye nya nyamayi ni mayi wangu.”

Varoma 6:17

Khu guralo, a na bongwe Nungungulu! Kholu enu gale mu nga bani muri dzikhumbi nya gighoho, olu mu ngu landrisa khu myonyo yanu yatshavbo ndzila nya sihevbudzo mu hakhidego.

1 Vakorinto 7:22

Kholu oyu a ranidwego khu Pfhumu nari khumbi, ata khodwa ga Kristo, khade muthu nya gutshulege; a gu lumba Pfhumu. Ni wule a ranidwego khu Pfhumu nari muthu nya gutshulege, khade khumbi ya Kristo.

Vagalatiya 1:10

Ina nya gu gola ngudzu gu zundzwa khu vathu guvbindra gu zundzwa khu Nungungulu, gani? Mwa gu alakanya gukhenu nya gudwanela gu tsakisa vathu, gani? Nari gu khwatshi khiso nyi si dwanelago, na nyi siri githumi gya Kristo.

Vaefeso 5:17

Khavbo avbo, mu nga khali sipumbu, aholu dzi garadzeni khu gu tugula egi Pfhumu a golago gukhuye mu gire.

Vafilipi 2:12

Khu kharato, vandriyangu, sigodwa sangu, kha nga mu nyi yingisidego gikhati gyatshavbo nyi khadego vbakari gwanu, nyi yingiseni gambe ni olu nyi guromo hwindzo. Thumelani guvbanyiswa gwanu khu githawo ni gu dzi nogisa,

Vakolosi 1:9

Khu Kharato, gukhugela litshigu hi pwidego mahungu yaya nya gutsakise, kha hi garali khu gu lombelela khu enu. Ha gu lomba gukhethu Nungungulu a mi tadzisele khu gu mi tulela guti guhaladza gwaye, a mi ninga gugengela ni gupima khu Liphuvbo Laye.

Vakolosi 4:12

Hakhani gambe malosedzela ya Epafrasi a gu moyo nya libandla lanu a guromo thumoni wa Kristo Jesu. Uye milombeloni gwaye a ngu lombelela ngudzu ga Nungungulu gukhuye mu simame gutiya, mu landrisa khu guvbelela guhaladza gwa Nungungulu.

1 Vatesalonika 2:4

Aholu, ha gu ganela edzi Nungungulu a dzinago khidzo khu Mahungu nya Yadi, aya a nga hi dongisela. Kha hi gireli gu tsakisa vathu, aholu, gu tsakisa Nungungulu, atigo esi si guromo monyoni ga moyo ni moyo nya ethu.

1 Vatesalonika 4:3

Nungungulu a gu vbweta mu vbanye khu ndruda, mu gimbilele hwindzo ni wubhayi,

Vahebheru 10:36

Timiselani gasi mu gira guhaladza ga Nungungulu, mu mane guya hakha esi a mi tumbisago.

Vahebheru 13:21

Nungungulu nya gurule a na mi ninge satshavbo esi si gu sadi, gasi mu girani guhaladza gwaye. Khu Kristo Jesu, a na thume gwathu satshavbo esi a si golago. A na rungudzwe Kristo kala gupindruga! Amen.

1 Pedro 2:15

Kholu Nungungulu a gu vbweta gukhuye enu mu gire esi nya sadi, gasi sipumbu ni mapemi va si mani gilo nya guganele khu enu.

1 Pedro 4:2

Khu guralo, gukhugela ga matshigu yanu ma nga tshadego nya guvbanye mafuni momu, vbanyani khu gu landrisa guhaladza ga Nungungulu, nasiri gu landrisa gudogolela nya wuthu.

1 Johane 2:17

Mafu ma ngu vbindra, gumogo ni satshavbo sile si godwago khu vathu, aholu, oyu a girago guhaladza ga Nungungulu, a na vbanya kala gupindruga.