Vaefeso 6:5 - Bhibhiliya Nya Guage

⁵ Enu sithumi, yingelani khu monyo wanu watshavbo ava mu va thumelago mafuni momu, khu githawo ni gu dzi sodzisa nga khwatshi mwa gu thumelani Kristo.

Vaefeso 6:5 Iomraidhean Croise

Genesi 16:9

Ngilozi ya Pfhumu Nungungulu yi di mu embela, khiyo: “Bwelela ga mune wago, u ya dzi thesa vbavbatshi mbeli gwaye.”

1 Dzikoronika 29:17

Nungungulu wangu, nyi ngu dziti gukheni, Uwe u ngu khedza myonyo ni gu gambe, U ngu salalegiswa khu gululama; khu guralo, eni neni khu gutsaka nya monyo wangu nyi ngu gu ninga silo sesi, olu nyi wonide khu gunengela iso vathu vago va guromo avba va ningedego khu gugola nya myonyo yawe.

Dzindzimo 123:2

Kha nga sithumi nya vama si virelago gu tshudwa khu mune wawe niso nya vanyamayi, si virelago gu tshudwa khu pfhumugadzi yawe, kharato nethu ha gu khedzisela uwe Pfhumu Nungungulu wathu, na hi gu lirela gukhethu u hi pwela wusiwana.

Dzindzimo 86:11

Nyi hevbudze Pfhumu ndzila yago, gasi nyi kodza gu gimbila lisineni.

Malakiya 1:6

Pfhumu Nungungulu a ngu ganela ga vaphasi nya mhamba, khuye: Gyanana gi ngu gola babe waye ni githumi nigyo gi ngu ninga githawo ga mune waye; eni nya gu bani nyiri babe wanu, khu gevbini githawo mu nyi ningago?

Matewu 6:22

“Kandriya nya givili khu maho. Maho yago ma gu bani ma wona gwadi, givili gyago gyatshavbo gi na wenengedzwa.

Matewu 6:24

“Mwalo a dzi kodzago gu thumela dzipfhumu dzimbili. Kholu a na zondra mweyo a gola yimbe; mwendro saye gu girela ndruda mweyo a gu nyenya yimbe. Kha mu dzi kodzi gu thumela Nungungulu ni dzithomba.

Matewu 8:9

Kholu eni neni, nyi muthu nyi gu na ni vakhongolo vangu, nyi na ni masotshwa nyi ma rumago. Mumbe gu mu ruma, kheni, indra, a gu hongola; mumbe, kheni: Delu, ata; ga githumi gyangu, kheni: Gira egi, gi gu gira.”

Mithumo 2:46

Khu litshigu ni litshigu va di hengela monyo moyo, va hongola Nyumbani ga Nungungulu, va kabana gibaba, va hodza guhodza gwawe khu gutsaka ni gu nengela, myonyo yawe na yi tangade.

Varoma 9:3

Nyi di gu dogorela gu vadwa, givili gyangu gi dzudzugwa ni gu hambaniswa ni Kristo, nari gupwani iso sa gu dzi kodza gu phasedzela vandriyangu nya mavelego.

1 Vakorinto 2:3

Nyi di khala nanu khu gu dzi sodzisa ni githawo, nyi ndrendremela ngudzu khu hwanga.

1 Vakorinto 7:22

Kholu oyu a ranidwego khu Pfhumu nari khumbi, ata khodwa ga Kristo, khade muthu nya gutshulege; a gu lumba Pfhumu. Ni wule a ranidwego khu Pfhumu nari muthu nya gutshulege, khade khumbi ya Kristo.

2 Vakorinto 1:12

Kholu wudhumo wathu khu wufakazi nya livhalo lathu. Ha gu dzipwa matshandza kholu mahikani gwathu hi ngu dzipwa nya gukhethu hi vbanyide ni vathu vatshavbo vbakari gwanu, khu gululama ni ndruda mbeli ga Nungungulu; nasiri khu guti nya wuthu, aholu khu wuhigo wa Nungungulu.

2 Vakorinto 7:15

Lihaladzo laye khu enu la gu engedzela ngudzu, a gu dundruga gu yingisa gwanu mwatshavbo edzi mu nga mu hakha khidzo khu githawo nya gikhongolo ngudzu.

Vaefeso 5:22

Enu vagadzi yingelani vama vanu, gukhwatshi khu Pfhumu mu mu yingelago,

Vaefeso 6:24

Wuhigo wa Nungungulu wu na khale ni vatshavbo vale va golago Pfhumu yathu Jesu Kristo khu lihaladzo nya guvbelele.

Vafilipi 2:12

Khu kharato, vandriyangu, sigodwa sangu, kha nga mu nyi yingisidego gikhati gyatshavbo nyi khadego vbakari gwanu, nyi yingiseni gambe ni olu nyi guromo hwindzo. Thumelani guvbanyiswa gwanu khu githawo ni gu dzi nogisa,

Filemoni 1:16

Nasiri gambe gu mu gira kha nga khumbi; aholu mu hakhe kha nga ndriyago, nyi mu golago ngudzu eni, aholu ngudzungudzu uwe, a gu ndriyago khu wuthu ni ga Pfhumu.

Josuwa 24:14

Gasi olu, ningani githawo Pfhumu Nungungulu, mu Mu thumela khu gutumbega nya lisine; dzudzugani hwindzo vanungungulu va nga thumedwa khu vababe vanu khisikheyi nya tsongo wa Ewufrate ni Egipito, mu khozela Pfhumu Nungungulu.

1 Pedro 3:2

Kholu va na wona mavbanyelo yanu nya yadi nya githawo.