Vaefeso 6:12 - Bhibhiliya Nya Guage

¹² Kholu khandri ha gu dwana ni vathu nya marambo ni nyama, aholu ha gu dwana ni dzitshivba nyamba wonega dzi fumago tigoni momu nya gidema, ha gu dwana ni dzitshivba nya maphuvbo nya guvivbe ya Ndzadzini.

Vaefeso 6:12 Iomraidhean Croise

Joba 2:2

Pfhumu Nungungulu a di wudzisa Sathane, khuye: “Gasi uwe wa guta khu hayi?” Sathane a di hakha, khuye: “Nya gu legalega nyi zulazula tigoni gwatshavbo.”

Matewu 16:17

Jesu a di mu hakha, khuye, “U kategide, Simoni, mwamana wa Jona, kholu isoso khandri u di tiviswa khu muthu; aholu, u di tiviswa khu Babe wangu a guromo Ndzadzini.

Marko 4:19

aholu, va gu dzi garadza khu silo nya mafu, va gu padwa khu dzithomba ni gudogorela mafumbo yatshavbo nya silo; satshavbo esi si ngu midza mahungu ma si theli mihandro myonyoni gwawe.

Luka 13:24

Uye a di va hakha, khuye: “Zamani gu bela khu mwanya yoyu nya wudugwana, kholu, nyi ngu mi embelani gukheni nya vangi va na zama gu bela khavbo, aholu kha va na dzi kodza.

Luka 22:53

Matshigu yatshavbo nyi diri nanu Nyumbani ga Nungungulu, kha mwa nyi mola! Gasi egi khigyo gikhati gyanu, a gu mufumo nya gidema.”

Johane 12:31

Olu gi vbohide gikhati nya gulamudwe litigo leli; ni gututumiswa mufumeli waye.

Johane 14:30

Kha nyi na ganela ngudzu nanu, kholu a ngu vboha mufumeli nya litigo leli. Uye gimwalo gilo a na girago avba gwangu,

Johane 16:11

Va ghohide khu gu mbati gukhavo ginani gulamula gwa Nungungulu, kholu mufumeli nya litigo lamudwe.

Mithumo 26:18

Eni nyi ngu gu rumela guya va tula maho yawe gasi va duga gidemani, va ta guwonegelani; va duga wugumbini wa Sathane, va ta ga Nungungulu, va khodwa gwangu va fela gu divaledwa sighoho sawe, va hakha thomba yi lulamisedwego vbakari nya sihathwa, khu gukhodwa Gwangu.’

Varoma 8:38

Khu lisine nyi ngu tumba ni gu tiya gukheni: Gani gufa, gani guvbanya; gani dzingilozi, mwendro dzimbe dzitshivba ni vafumeli nya maphuvbo; gani khu esi si hi dugelelago olu, gani khu esi si na hi dugelelago mindru ga litshigu;

1 Vakorinto 15:50

Khu maganelelo yaya, vandriyangu, nya guvbweta gu mi embela kheni, muthu nya mafu kha dzi kodzi uye wurumba waye, gu hakha thomba nya Mufumo wa Nungungulu. Egi gi gu ni lufa kha gi yeli gu hakha thomba nya guvbanye nya gupindruge.

2 Vakorinto 11:14

Kha si samadzisi, kholu ambari Sathane a ngu dzi gira ngilozi ya Nungungulu.

2 Vakorinto 4:4

kholu vanungungulu nya mafu yaya va segide mavhalo yawe, gasi va si woni gu wonegela nya Ivhangeli nya gungangamele ya Kristo, a gu giemo gya Nungungulu.

Vagalatiya 1:16

a di nyi tulela guti Mwanaye, gasi nyiya tivisa Mahungu yaye nya Yadi ga va nya mayigo. Gima kha nya hongola nyiya lomba wusingalagadzi ga muthu,

Vaefeso 1:21

A mu vegide vbatshani nya mufumo ni wufumu, ni wugulu, ni tshivba ni malina yatshavbo ma thangisidwego, nasiri mafuni momu basi, aholu ni ga litigo li nga gutago.

Vaefeso 1:3

A na rungudzwe Nungungulu, Babe wa Pfhumu yathu Jesu Kristo, A hi kategisago khu makategwa yatshavbo ya Ndzadzini khu ga Kristo.

Vaefeso 2:2

Gikhati mu nga bani mu fumedwa khu mavbanyelo nya litigo leli, mu di landrisa milayo ya muthangeli nya dzitshivba nya guvivbe dzi si wonegigo, liphuvbo lolo li fumago olu ga vathu va wugelago Nungungulu.

Vaefeso 3:10

Gasi olu, vafumeli vatshavbo va mafuni ni vafumeli nya dzitshivba dza Ndzadzini, gu vbwetega va tiviswe gueta gwatshavbo nya guti gwa Nungungulu khu libandla la Kristo.

Vakolosi 1:13

A hi vbulugiside tshivbani nya gidema a gu hi bedza mufumoni wa Mwanaye nya gigodwa.

Vakolosi 2:15

Pade vafumeli ni dzitshivba nya maphuvbo, a va thela dzitshoni vbakari nya vathu, a gu va hunga nga sibotshwa a gu yeyedza wungwazi waye.

2 Thimoti 2:5

Muthu a gu hongola mapalisanatunu nya gututume a gu hakha na vbedzide thumo.

Vahebheru 12:1

Khu guralo, ethu hi randredwe khu dzifakazi nya vathu nya vangi ngudzu. Hongoleni hi dige satshavbo esi si hi segelago ndzila, hi diga ni gighoho gi hi namarelago khu tshivba, hi tutuma nyamba vbela tshivba, hi landra pfhuka wu nga tshadego mbeli gwathu.

Vahebheru 12:4

Kholu, enu nenu, umo nya litunga mu dwanago ni gighoho, mu si gu dwani kala gufa.

1 Pedro 3:22

A litidego ndzadzini aya khala nyamudye ga Nungungulu, a fumela dzingilozi dzatshavbo ni vafumeli ni dzitshivba dzatshavbo dza ndzadzini.