Vaefeso 5:8 - Bhibhiliya Nya Guage

⁸ Enu, gale mu di gu vbanya gidemani. Gasi olu, mu nga tshanganiswa ni Pfhumu, mu womo guwonegelani. Khavbo avbo, dzi phareni kha nga vathu va vbanyago safani nya mihani.

Vaefeso 5:8 Iomraidhean Croise

Dzindzimo 74:20

Alakanya pwanano u giridego, kholu womo wughevenga malangani gwatshavbo nya gidema tigoni.

Isaya 2:5

Enu livelego la Jakobe deluni, hi gimbile guwonegelani ga Pfhumu Nungungulu.

Isaya 42:16

Nyi na gimbidzisa sikhumu khu ndzila si si yitigo, nyi va gimbidzisa khu sindzilana nya gu gima kha sa nga gimbila khiyo, mbeli gwawe nyi na vbindrugedza gidema gi khala guwonegela, ni dzindzila nya sikhidinga dzi na guledzedwa. Silo sesi nyi na si gira satshavbo nyamba tshiya ni gimwegyo.

Isaya 49:6

A di engedza gambe, khuye: “Kha gu eneli gu uwe u khale githumi gyangu basi, gasi gu wusedza mahundzu ya Jakobe, ni gu wuyisa avo va na vbulugago va Israyeli; nyi gu giride gambe wenengedzo nya guwenengedze va nya mayigo, gasi guvbanyisa gwangu gu vboha kala mahegiso nya litigo.”

Isaya 49:9

ni gu embela avo va khothedwego, khuwe: “Dugani pasoni!” Ni ga avo va guromo gidemani, khuwe: “Deluni guwonegelani.” Avo va na hodza dzindzilani, ni malangani yatshavbo nya sigomo va na mana guhodza nya gungi.

Isaya 50:10

Khu mani vbakari gwanu a ningago githawo Pfhumu Nungungulu, a yingisago lito la githumi gyaye? A gu gimbila mugidemani nyambana wenengedzo, a na tumbe lina la Pfhumu Nungungulu, a na vege gitumbo gyaye ga Nungungulu waye.

Isaya 9:2

Vathu va nga bani va gimbila gidemani va wonide wenengedzo nya wukhongolo, ni avo va nga bani va vbanyela mutsani nya lufu, wu wonegide gwawe wenengedzo.

Jeremiya 13:16

Dhumisani Pfhumu Nungungulu wanu, gu si gu vbohi gidema, migondro yanu yi si gu tshunganeli musigomoni nya guthise; avbo mu na gu khedziselago guwonegela, aholu uye a na gu vbindrugedza a resa wutshigu ni gidema nya guthise.

Matewu 3:8

Wonegisani mihandro yi yeyedzago gu vbindrugedza gwanu.

Matewu 4:16

Vathu va nga bani va gu vbanyela mugidemani, va wonide wenengedzo nya wukhongolo ni avo va nga bani va gu vbanyela mugusivbalani nya lufu, va tumbulugedwe khu wenengedzo.”

Luka 1:79

gasi guta wenengedza avo va vbanyelago gidemani ni gusivbalani nya lufu, gumogo ni gu hi gimbidzisa khu ndzila nya gurule.”

Luka 16:8

Pfhumu yi di zundza muthangeli wule nyamba tumbega khu wugengeli waye. Khu lisine, vathangeli nya silo nya mafu va gengede guvbindra vathangeli nya silo sa Nungungulu umo nya wugwewo wawe ni vathu vakwawe.

Johane 1:9

Lito li diri wenengedzo nya lisine, wu ngatago mafuni gasi guta wenengedza muthu watshavbo.

Johane 12:35

Khavbo avbo, Jesu a di va embela, khuye: “Gikhati gegi mu ngari ni guwonegela; gimbilani na mu ngari ni guwonegela gasi mu si manwi khu gidema. Uye a gimbilago gidemani kha guti umo a yago.

Johane 12:36

Na mu ngari ni guwonegela, khodwani guwonegelani, gasi mufela gu khala sanana nya guwonegele.” Jesu, na ganede esi, a di khuga, a gu mwalalega vbakari gwawe.

Johane 12:46

Eni nyi dzude tigoni kha nga wenengedzo gasi muthu watshavbo a khodwago gwangu a si khali gidemani.

Johane 8:12

Jesu a di va embela gambe, khuye: “Eni kheni wenengedzo nya litigo. Uye a nyi landrelago kha na gimbila gidemani, aholu a na bani ari ni guwonegela nya guvbanye.”

Mithumo 17:30

Wonani, Nungungulu kha theli kota khu gikhati vathu va nga vbanya gidemani, a ngu tivisa olu ga vathu vatshavbo va malangani yatshavbo gu vbindrugedza mavbanyelo.

Mithumo 26:18

Eni nyi ngu gu rumela guya va tula maho yawe gasi va duga gidemani, va ta guwonegelani; va duga wugumbini wa Sathane, va ta ga Nungungulu, va khodwa gwangu va fela gu divaledwa sighoho sawe, va hakha thomba yi lulamisedwego vbakari nya sihathwa, khu gukhodwa Gwangu.’

Varoma 1:21

Va di gu dziti gukhavo Nungungulu womo, aholu kha va mu thela kota ni gu mu rungudza kha nga edzi gu vbwetegago khidzo. Va di pfhala khu mipimiso yawe nyamba phasa gilo, ni gu myonyo yawe yi gola gu landrisela silo nya gidema.

Varoma 13:12

Wutshigu wu dandride, gugya gu vbohide. Hongoleni hi dige mithumo nya gidema, hi phara matshari hi dwana guwonegelani.

Varoma 2:19

U ngu dzi gira muphari nya kunga nya sikhumu, ni mwenge wu wenengedzago vale va vbanyelago mugidemani.

1 Vakorinto 1:30

Aholu hi tshanganisidwe ni Jesu Kristo, a gu uye a khadego guti gwathu. Khu tshivba ya Kristo hi giridwe vathu nya gululame mahoni gwaye, hi giridwe vathu va Nungungulu, hi dzegisidwe wugumbini nya gighoho.

2 Vakorinto 3:18

Ethu hatshavbo na hi funungude khovbe, hi khedza libona nya wudhumo wa Pfhumu hi ngu vbindrugedza khu wuzundzo ni wudhumo, hi fanana Naye, hi khedziga gikhati gyatshavbo khu tshivba nya Liphuvbo la Pfhumu.

2 Vakorinto 4:6

Kholu Nungungulu ganede, khuye: Khu mugidemani gu na manega guwonegela, khuye gambe a nga gira guwonegela myonyoni gwathu, gasi hi tivise wudhumo wa Nungungulu wu ngangamelago khovbeni ga Jesu Kristo.

2 Vakorinto 6:14

Mu nga hengeli guvbanya ni ava nyamba khodwa. Wu na manega kharini wuhengeli nya gululame ni guwegela? Gu ngu dzi kodza kharini gu hengela guwonegela ni gidema?

Vagalatiya 5:25

Ha gu bani hi gu vbanya khu Liphuvbo, hongoleni gambe hi landre mithumo ya Liphuvbo.

Vaefeso 2:2

Gikhati mu nga bani mu fumedwa khu mavbanyelo nya litigo leli, mu di landrisa milayo ya muthangeli nya dzitshivba nya guvivbe dzi si wonegigo, liphuvbo lolo li fumago olu ga vathu va wugelago Nungungulu.

Vaefeso 4:18

kholu mapimo yawe ma segegide. Va hambane ni guvbanya gwa Nungungulu khu kotani nya wuhangi ni gusegega nya myonyo yawe.

Vaefeso 5:2

Vbanyani khu lihaladzo, kha nga Kristo a nga hi haladzago a dzi ningela khu kotani yathu “a khala mhamba nya phaso nya mahema nya gunungele gwadi ga Nungungulu.”

Vaefeso 6:12

Kholu khandri ha gu dwana ni vathu nya marambo ni nyama, aholu ha gu dwana ni dzitshivba nyamba wonega dzi fumago tigoni momu nya gidema, ha gu dwana ni dzitshivba nya maphuvbo nya guvivbe ya Ndzadzini.

Vakolosi 1:12

Bongani Nungungulu Babe a dzinidego gukhuye mu mane nenu fanelo nya guya hengela guhodza thomba a yi vegisedego libandla laye mufumoni nya wenengedzo.

Vakolosi 1:13

A hi vbulugiside tshivbani nya gidema a gu hi bedza mufumoni wa Mwanaye nya gigodwa.

Tito 3:3

Kholu, gale ethu nethu hi diri mwalo mapimo, hi di si yingeli, hi diri sipumbu, hi diri dzikhumbi nya gunavele silo satshavbo nya guvivbe; hi diri vathu nya guvivbe ni wufu. Hi di gu vengwa khu vatshavbo, a nethu hi di gu vengana.

1 Johane 1:7

Aholu, ha gu vbanya guwonegelani, kha nga olu Uye a guromo muguwonegelani, gu yeyedza gupwani hi ngu hengela gumogo ethu hatshavbo, gambe Novba wa Kristo, Mwamana waye, wu ngu handza sighoho sathu satshavbo.