Vaefeso 5:3 - Bhibhiliya Nya Guage

³ Aholu Wubhayi ni mithumo yatshavbo nya gunyenyeze, ni gu gundrela ni gu khumbugwa si nga khumbugwi vbakari gwanu, kholu enu mu sihathwa sa Nungungulu.

Vaefeso 5:3 Iomraidhean Croise

Dzindzimo 10:3

Kholu muthu nya guvivbedwe khu monyo, a gu bhuma khu manavelo yaye nya guvivbe, muthu nya makolo a gu nyenya, a vala Pfhumu Nungungulu.

Dzindzimo 119:36

Gira monyo wangu wu gola ngudzu milayo yago gasi nyi si beli manaveloni.

Ekisodha 18:21

Uwe hatha vbakari nya vathu vatshavbo, vama nya gukari nya vadi ni lisine, va thavago Nungungulu, vama va tumbegidego, va si dzumeligo gurengeledwa, u va vega kha nga vathangeli nya likhumi mazana, nya lizana, nya livbandre magumi ni nya likhumi.

Ekisodha 20:17

U nga dogoreli nyumba ya muthu kwanu. U nga dogoreli mwangadzi wa muthu kwanu; mwendro githumi gyaye nya mwama mwendro nya nyamayi, ambari mombe yaye, mwendro buru yaye, mwendro gimbe gilo gi mu lumbago, u nga gi dogoreli.

Ekisodha 23:13

Mu na sayisa magana yatshavbo nyi mi embedego. Malina ya vambe vanungungulu ni gu ma khumbuga basi mu nga ma khumbugi. Ma nga tshuki ma pwala maganani gwanu.

Mavingu 28:16

Muthangeli nyambana mapimo, a gu engedzela sitshaniso nya singi, aholu uye a gumba dzumela gu rengeledwa, a na laphisa matshigu yaye nya gufume.

Jeremiya 22:17

Aholu, maho ni monyo wago, ma gu vbweta gu wona basi gu tsakiswa khu dzithomba, ni gu vbaladza novba wu gu mwalo nandru, ni gu fuma vathu khu dzihanyi ni wughevenga.

Jeremiya 6:13

kholu gukhugela ga sanana kala vakhongolo, vatshavbo va gu vbweta gu ghanya. Vaprofeti ni vaphasi nya mhamba, vatshavbo sidambane.

Jeremiya 8:10

Khu guralo, nyi na ningela vagadzi vawe ga vambe vama, ni marembwe yawe ma na ningedwa ga valala vawe; kholu gukhugela sanana kala vakhongolo, vaprofeti ni vaphasi nya mhamba, moyo ni moyo wawe a dzi ningede umo nya wudambane.

Ezekiyeli 33:31

Avo va guta gwago kha nga giolovedzo gyawe, va gu khala mbeli gwago gasi gu yingisa magana yago, aholu kha va ma landrisi. Va gu ganela khu magana khavo va ngu nyi gola, narigu khu myonyoni gwawe va gu alakanyela bhindzu nyambana fanelo.

Levhi 15:18

Mwama a gu lala ni nyamayi gu duga mbewu nya livelego khu milini gwaye, va vavili va na hamba khu mati, va nyenyeza kala gupfolani nya lidambo.

Mikeya 2:2

Va gu dogorela marembwe va gu ma wandra, va gu dogorela dzinyumba, va gu dzega khu kanu; kharato va gu gira dzihanyi ga mwama nya gukari gumogo ni ndranga yaye, ga muthu nya gukari gumogo ni thomba yaye.

Mitengo 25:1

Avbo va na Israyeli va nga bani va vbahide tigoni ga Sitimi, vathu va di bhaya ni vanyamahegyane va na Mowabhi.

Matewu 15:19

Khu monyoni ma ngu duga mahingigedzo nya guvivbe, wughevenga, wubhayi, wuphuphulu, wuvafa, gusingedza ni magana yatshavbo nya guhembulule Nungungulu.

Luka 12:15

A di simama gu ganela, khuye: “Mu ngu pwani, dzi woneleni ni wudogodogo watshavbo, kholu guvbanya nya muthu kha gu valedwi khu thomba yaye, ambari na yi tade nya guwani.”

Luka 16:14

Vafarisi, kha nga ulo va nga bani vari vathu nya ligungo, na va pwide magana ya Jesu, va di mu hembulula.

Mithumo 15:20

Va na ningwe basi nayo nya gumba hodza nyama nya guphasedwe dzinguluve ni nyama nya sirengo nya gufe khu gu tshwedza, ni gu diga wubhayi, ni gumba hodza novba.

Mithumo 20:33

Eni gima kha nya dogorela gya muthu, mwendro dzitsapawu nya parata mwendro nya ndralama, ambari guambala gwa muthu.

Varoma 1:29

Khu kharato, va fumedwe khu guwegela gwatshavbo, ni gunyenyeza gwatshavbo, ni wugundreli, ni guvivba, ni lidiwo, ni wufu, ni wughevenga, ni vhilinganya, ni malipha, ni wulala ni milembo.

Varoma 16:2

Mu hakheni gwadi khu lina la Pfhumu, nga edzi gu vbwetegago khidzo vbakari nya vakhodwa, mu phasedzeleni ga satshavbo a na si vbwetago, kholu uye nuye phasedzede nya vangi, ambari eni neni a nyi phasedzede.

Varoma 6:13

Mu nga ningelini ga gighoho sivbango nya givili gyanu mu si girani silo nya guthumele guvivba. Aholu, dzi ningeleni ga Nungungulu nga vathu va tshatugidego gufa va gu mana guvbanya. Dzi ningedzeleni wurumba wanu gu thumela Nungungulu, mu dzi gira sivbango nya guthumele silo nya gululame.

1 Vakorinto 10:8

Hi nga dzi ningedzeli wubhayini, kha nga edzi va nga gira nya vangi vawe, va fa khu litshigu limwedo basi gipimo nya magumavili na mararu magumi mazana (23.000) vathu.

1 Vakorinto 5:1

Gu pwade ndruma khu mahungu nya wubhayi wu guromo vbakari gwanu, wubhayi nya guthise wu si tidwigo ambari khu va nya mayigo; gupwani moyo wanu dzegide mwangadzi wa babe waye.

1 Vakorinto 6:13

Guhodza gu emede guya girumbuni, kha nga girumbu nigyo gi emedego gu hakha guhodza. Aholu, Nungungulu a na pfhungumula sa sivili: Guhodza ni girumbu. Aholu, givili gyathu kha gi yeli gu thumiswa wubhayi, kholu khya Pfhumu, Pfhumu nuye khwa givili.

1 Vakorinto 6:18

Thavani wubhayi! Kholu mambe mafumbu yatshavbo nya sighoho a girago muthu, kha si nyenyezisi givili gyaye. Aholu, oyu a girago wubhayi a ngu nyenyezisa givili gyaye.

2 Vakorinto 12:21

Gasi Nungungulu wangu a si nyi theli dzitshoni vbakari gwanu, nya gu vboha gambe iyoyo. Ni gulilela vale va nga girago sihoso gale, va si vbindrugedzi guvivbani gwatshavbo, ni gu dzi nyenyezisa khu wubhayi va wu giridego.

Vaefeso 5:12

Kholu, gu khala ni dzitshoni gu ganela khu esi va girago mu gusihalani.

Vaefeso 5:5

Dzitini gwadi gukhenu muthu nya wubhayi, nya liphuphulu ni ligungo, ni va nya gukhozela vanungungulu nya malipha, gima kha va na hodza thomba mufumoni wa Kristo ni wa Nungungulu.

Vafilipi 1:27

Zamani gu vbanya khu mavbanyelo ma yelanago ni Mahungu nya Yadi ya Kristo. Gani nyi ngu dzi kodza guta iyo gwanu nyita mi wona, gani nyi ngu tandrega, nya gu vbweta basi nyipwe mahungu nya gupwani enu mu ngu simama gu tsarama khu monyo moyo, mu dwanela gu vhikela gukhodwa nya Mahungu nya Yadi.

Vakolosi 3:5

Songani myonyoni gwanu gunavela gwatshavbo nya wuthu wa mafuni: Wubhayi, horo, wuphuphulu, mahingigedzo nya guvivbe ni ligungo a gu idzosaye ni gu khozela vanungungulu nya malipha.

1 Vatesalonika 4:3

Nungungulu a gu vbweta mu vbanye khu ndruda, mu gimbilele hwindzo ni wubhayi,

1 Vatesalonika 4:7

Nungungulu kha hi ranela guvivba, a di hi ranela gu vbanya khu ndruda.

1 Thimoti 2:10

Va na ambale nga edzi gu yelago khidzo vanyamayi, va dzi garadze khu gu tsakisa Nungungulu khu mithumo ya yadi, kha nga edzi gu lombago khidzo ga vanyamayi va khodwago.

1 Thimoti 3:3

Oyu a si dzi ningedzeligo wadwani, ambari gudwanisa, aholu, a kodzago gu timisela, a si vegigo likhulo, a siri mugoli nya dzitsapawu.

1 Thimoti 6:10

Kholu nala nya silo satshavbo khu dzitsapawu. Khu gu fumedwa khidzo, nya vangi va digide gukhodwa vaya bela guvivbani.

2 Thimoti 3:2

Kholu vathu va na dzi khusedza va khala va magundrele, va nya gugola dzitsapawu, va nya matshandza, va nya gu dzi gugumugisa, va nya gu wugela Nungungulu, gumba yingisa vavelegi, gumba bonga, va nyamba khodwa.

Tito 1:11

Gu vbwetega u va sege magana yawe, kholu va ngu dzuwungela dzindranga dzatshavbo va gu hevbudza esi si si yeligo na va gu dwanela gu mana dzitsapawu khu silo nya dzitshoni.

Tito 1:7

Kholu muthangeli nya Libandla, a rwadego thumo nya gusayise silo sa Nungungulu, gu vbwetega nari muthu nyambana gihoso, nyamba dzi gugumugisa, nyambana wukhusu, a si gu bewudzi, nyambana sighirimuka, a si gu pari nya wugwewo nya guvivbe.

Tito 2:3

Embela nayo vasingalagadzi nya vanyamayi va vbanye nga vathu va agidego, va nga khali va nya milembo, ambari gu dzi gira dzikhumbi nya wadwa, aholu va na hevbudze esi si gu sadi,

Vahebheru 12:16

Dzi woneleni, gasi ni moyo nya enu a si khali muthu nya gudange nayo ni gumbana githawo ga silo si agidego, kha nga Esawu a nga rengisa wukoma waye khu gufela mbiya nya guhodze.

Josuwa 7:21

Nyi di wona vbakari nya sombo si phangidwego, gifenengelo nya gumbure gya Bhabhiloni, ni mazana mavili (200) nya masekeli nya dzisikulu nya parata ni giwindri nya ndralama nya livbandre magumi dzisikulu, nyi di si dogorela nyi si dzega; nyi si kembela mafuni vbavbatshi nya tshatsha wangu, parata nyi yi vega khu vbavbatshi.

1 Pedro 5:2

Havisani gwadi tshambi wa Nungungulu wu guromo vbakari gwanu; wu sayiseni na mu tshulegide myonyo kha nga idzo a dzinago khidzo Nungungulu; nasiri khu gugurumedzwa. Mu nga thumeli gu hakha dzitsapawu. Aholu thumani khu gudzina gwanu.

2 Pedro 2:10

Ngudzungudzu avo va landrelago gunavela nya silo nya guvivbe, va nyenya mufumo wa ndzadzini. Vahevbudzi vovo nya malipha va gu dzi girisa ni gu dzi gugumugisa, aholu, kha va khali hwanga gu vala sivangwa nya gwage sa Ndzadzini.

2 Pedro 2:14

Kha va khedzi nyamayi nyamba mu dogorela, kha va garali khu gu gira sighoho. Va gu kanganyisa vathu nyamba tiya. Mapimo yawe khya gu alakanya gu mana dzitsapawu. Avovo va vadwe khu Nungungulu.

2 Pedro 2:3

Kotani nya misuwo nya dzitsapawu, vahevbudzi vovo nya malipha va na mi kalavela, va ganela mitsheketo nya gu yi vange. Gale na dongide mulamuli wawe, ni mumbembisi wawe wugide kha na hwela.

Gutuledwa 2:14

Aholu, u na ni nandru; kholu u navo vbakari gwago valandreli nya nayo wa Bhalahama wu nga hevbudzwago khu Bhalahaki, gasi gu tshunganedzisa sanana sa Israyeli, si hodza nyama nya sirengo nya guphasedwe sithombe nya vanungungulu nya malipha, ni gu gira wuphuphulu.

Gutuledwa 2:21

Eni nyi mu ningide gikhati nya gu vbindrugedze, aholu, uye kha dzini gu vbindrugedza mavbanyelo a diga wuphuphulu waye.

Gutuledwa 21:8

Gasi va nya wugara, ni mahedheni, ni sighohi, ni sighevenga, ni sibhayi, ni dzindroyi, ni va nya malipha, va nya wunyanga, vatshavbo va dongisedwe wulanga wawe tsivani nya nilo ni solufa, a gu gufa nya wuvili.”

Gutuledwa 22:15

Va na tshala vbavbandze dzimbwa, dzindroyi, va nya wubhayi, va nya gu khozela sikwembu ni vanungungulu nya malipha, sighevenga ni vatshavbo vale va golago ni gu thuma mithumo ya malipha.

Gutuledwa 9:21

Kha va vbindrugedza mavbanyelo, gambe va di simama ni mithumo yawe nya guvivbe: A gu wughevenga, wuloyi, wubhayi ni wuvafa.

1 Samuweli 8:3

Aholu, sanana saye kha sa nga landra dzindzila dza babe wawe; kholu va di ndreya khu gugola ngudzu dzitsapawu, va dzumela gu rengeledwa, va si lamuli khu lisine.