Vaefeso 5:2 - Bhibhiliya Nya Guage

² Vbanyani khu lihaladzo, kha nga Kristo a nga hi haladzago a dzi ningela khu kotani yathu “a khala mhamba nya phaso nya mahema nya gunungele gwadi ga Nungungulu.”

Vaefeso 5:2 Iomraidhean Croise

Genesi 8:21

Pfhumu Nungungulu a dipwa gunengela gwadi nya ningelo wule, a gu ganela, khuye: “Gima kha nyi na nga vala gambe litigo khu kotani nya gughohe ga muthu. Ambari olu muthu gukhugela wananani gwaye a alakanyelago guvivba monyoni gwaye. Aholu, Eni gima kha nyi na nga fuvisa gambe sirengo satshavbo si vbanyago, kha nga edzi nyi giridego.”

Ekisodha 29:18

U na vbisa nvuta yatshavbo vbatshani nya giluvelo. Eyi i mhamba nya miphaso nya guvbiswe ya Pfhumu Nungungulu, phaselo nya mahema nya gusalalegise gasi gu rungudza Pfhumu Nungungulu.

Ekisodha 29:25

Khu hwane u na si dzega gambe mandzani gwawe u si vbisa vbagiluvelotunu, vbatshani nya phaso nya guvbiswe si gira mahema nya gunungele gwadi mbeli gwa Pfhumu Nungungulu; phaso nya guvbisedwe Pfhumu Nungungulu.

Levhi 1:13

Aholu muphasi nya mhamba a na phela khu gu handza mahembe ni dzizondzo matini, a vbedza a vbisa satshavbo vbagiluvelotunu; khuwo phaso nya guvbiswe, ningelo nya guvbiswe nya gunungele gwadi wu salalegisago Pfhumu Nungungulu.

Levhi 1:17

Khavbo avbo, muphasi nya mhamba a na hapfha ginyoni khu vbakari ni vbakari nya mambapi nyamba gi tshapula, a gi vbisa vbagiluvelotunu vbatshani nya dzikhuni dzi guromo niloni; khuwo phaso nya guvbiswe, ningelo nya gunungele gwadi wu salalegisago Pfhumu Nungungulu.”

Levhi 1:9

Aholu mahembe ni dzizondzo, si na hegula khu gu handzwa khu mati, khavbovbo, muphasi nya mhamba, a na vbisa satshavbo vbatshani nya giluvelo, khiyo mhamba nya gunungele gwadi yi salalegisago Pfhumu Nungungulu.

Levhi 3:16

Muphasi nya mhamba a na vbisa satshavbo vbatshani nya giluvelo, si khala guhodza nya phaso nya guvbiswe, nya gunungele gwadi si tsakisa. Mafura yatshavbo ma gu lumba Pfhumu Nungungulu.

Amosi 5:21

Nyi ngu vengana ni gu nyenya mibuzo yanu, ni mitshangano yanu nya mikhuwo, gima kha yi nyi tsakisi.

Mitengo 7:21

ni gimombyana gimwegyo, ginvutana gimwegyo ni hamba mweyo, gasi gu gira phaso nya guvbiswe;

Matewu 20:28

Kholu Mwamana wa Muthu nuye kha tela guta thumedwa, aholu guta thumela ni gu ningela womi waye gasi gu dzegisa va nya gutala.”

Johane 13:34

Nayo wuphya nyi mi ningago, khoyu: Haladzanani, kha nga idzo nyi mi haladzidego khidzo, golanani nenu khu gyanu.

Johane 6:51

Eni nyi guhodza nya guvbanye gu tshigidego khu Ndzadzini. Uye a gu hodzago a na vbanya kala gupindruga; guhodza nyi na ningelago khu givili gyangu, gasi guvbanyisa litigo.”

Varoma 15:16

nya guthumele Jesu Kristo ga va nya mayigo. Kha nga muphasi nya mhamba, thumo wangu khu gu tivisa Mahungu nya Yadi ya Nungungulu gasi va nya mayigo va ningedwe ga Pfhumu kha nga mhamba nya gutsakise Uye, yi agisidwego khu Liphuvbo nya Guage.

Varoma 4:25

Uye a di ningedwa a gu songwa khu kotani nya sighoho sathu, aholu wugide gasi gu hi gira vathu nya gululame mbeli gwa Nungungulu.

Varoma 8:3

Nungungulu kodzide gu gira iso Nayo wu nga si tandrega khu gu vbungudwa tshivba khu tumbunugo nya wuthu. Uye konide gighoho ndrani nya tumbunugo nya muthu, khu gu hi rumela Mwanaye, a dzudego khu tumbunugo nya idzosaye ni tumbunugo nya muthu nya gighohi. Kharato Nungungulu pade gighoho.

Varoma 8:37

Aholu ga satshavbo sesi, ethu hi pade khu tshivba ya wule a nga hi haladzago.

1 Vakorinto 16:14

Thumani silo satshavbo khu lihaladzo.

1 Vakorinto 5:7

Dzudzugani hwindzo mela wa gale nya gighoho, mufela gu khala vathu vaphya, nya guvbelele khu wuwadi; mu na khala sibaba nyambana mela, kholu Kristo, Nvutana yathu nya Phasika, songidwe.

2 Vakorinto 2:14

A na rungudzwe Nungungulu, a endredzago mithumo yathu yi gimbila gwadi khu ga Kristo. Khu thumo wathu Nungungulu a ngu phalalegisa malangani yatshavbo mahungu nya gutivise Jesu kha nga mahema nya gunungele gwadi.

2 Vakorinto 2:15

Ethu, ga Nungungulu hi mahema nya yadi ga vale va vbanyiswago ni ga vale va mbembago.

2 Vakorinto 8:9

Mu ngu wuti wuhindzi wa Pfhumu yathu Jesu Kristo: Uye a nga bani fumide, a di dzi gira gisiwana khu kota yanu, mufela gu mana gufuma khu kota nya wusiwana waye.

Vagalatiya 1:4

Uye a dzi ningede a gu songwa khu kotani nya sighoho sathu, gasi a hi tshule ga litigo leli nya guvivbe hi vbanyago ga ilo, gu tadzisega kharati guhaladza gwa Nungungulu Babe wathu.

Vagalatiya 2:20

Khu kharato, olu khandri eni gambe nyi vbanyago, khu Kristo a vbanyago avbo gwangu. Olu, khu guvbanya nyi gu nago milini gwangu, nya gu vbanya khu gukhodwa ga Mwamana wa Nungungulu a nyi haladzidego kala gu ningela guvbanya gwaye khu kota yangu.

Vaefeso 1:4

Gale, na gu si vangwi litigo, Nungungulu a hi hathide khu ga Kristo gasi hi khala sihathwa ni vathu nya ndruda nyambana gihoso mahoni gwaye.

Vaefeso 3:17

Nyi ngu lomba gambe ga Nungungulu gukheni Kristo a na vbanye myonyoni gwanu khu gukhodwa, mu tiya gwadi, mu tsitsa mikhamba nya gutiye lihaladzoni.

Vaefeso 3:19

lihaladzo leli la Kristo, ambari ulo a gu mwalo muthu a dzi kodzago gu liti khu guvbelela, gasi enu mu mane gutala khu wufumu watshavbo wa Nungungulu.

Vaefeso 4:15

Aholu ha gu tivisa lisine khu lihaladzo, hi na dandra siloni gwatshavbo, kala hi gu manela Kristo a gu uye hungo.

Vaefeso 4:2

Vbanyani gikhati gyatshavbo khu gu dzi sodzisa ni gurula, ni gutimisela. Mu yeyedzana, kharato, lihaladzo vbakari gwanu.

Vaefeso 5:15

Khu kharato, vandriyangu, dzi woneleni guvbanyani gwanu. Mu nga vbanyi kha nga sipumbu, aholu kha nga vathu nya guti.

Vaefeso 5:25

Enu vama haladzani vagadzi vanu kha nga idzo Kristo a haladzago khidzo libandla laye, kala a gu ningela womi waye khu gufela ilo.

Dhewuteronome 27:6

Giluvelo gegi mu na gu vbahelago Pfhumu Nungungulu wanu, mu na gi emisa khu siwindri nyamba vatwa, mu ningela avbo miphaso nya guvbiswe.

Vafilipi 4:18

Eni nyi naso satshavbo khu gutala nya iso. Olu nyi hakhidego satshavbo esi mu nga nyi rumela khu mandzani ya Epafrodito, nyi si mane khu gutala guvbindra esi nyi si vbwetago. Ningelo yoyu kha nga mahema nya yadi nya mhamba yi hakhwago khu Nungungulu yi mu salalegisa.

Vakolosi 3:14

Vbatshani nya satshavbo vegani lihaladzo a gu ilo li tshanganisago silo satshavbo.

1 Vatesalonika 4:9

Mahungu nya lihaladzo ga vandriyathu khu gukhodwa, kha gu vbwetegi gu ganela gambe khiso, kholu enu mu hevbudzidwe khu Nungungulu gu haladzanani.

1 Thimoti 2:6

a nga ningelago guvbanya gwaye khu gufela gu vbanyisa vathu vatshavbo. Khayo Mahungu ma khalago wufakazi, ma vegidwego khu gikhati gyakone.

1 Thimoti 4:12

Kha gu vbwetegi ni moyo a gu yeyisa khu gukhuye u ngari gikhwathana. Gu vbwetega u khale giwonelo ga vakhodwa khu maganelelo, ni magirelo ni lihaladzo, ni gukhodwa, ni mavbanyelo nya yadi.

Tito 2:14

Uye a di dzi ningela wurumba waye kotani gwathu, afela gu hi vbulugisa guvivbani gwatshavbo, a hi gira vathu nya guage va lumbago uye basi, va dzi vegisedego gu gira esi nya sadi.

Vahebheru 8:3

Kholu muphasi watshavbo emisedwe gu ningela ga Nungungulu miphaso ni dzimhamba. Khu guralo, gu vbwetega Muphasi wathu nya khongolo nya mhamba a phare nuye gilogyo nya guningele.

Vahebheru 9:14

A gu bani ari guralo, nga pimisani edzi novba wa Kristo wu gu wukhongolo khidzo! Uye, khu tshivba nya Liphuvbo nya gupindruge, a dzi ningede ga Nungungulu kha nga mhamba yi vbeledego. Novba waye wa gu hi handza khu ndrani, wu dusa mithumo yathu nya gufe. Gasi hi kodza gu thumela Nungungulu a vbanyago.

Vahebheru 9:23

Silo sesi si nga bani siri gupimedzela nya silo nya lisine sa ndzadzini si yede gu agiswa khu maagiselo yoyo; aholu, silo nya lisine sa ndzadzini wurumba waye, sa gu lomba gu agiswa khu dzimhamba nya lisine guvbindra edzi dza gale.

Vahebheru 9:26

Nari pwani a di gira kharato, a di vbweta gusaniseka dzinyondro nya dzingi, gukhugela guvangwa nya litigo. Olu gikhati gi yago guhegisani, uye a dzi wonegiside gumogo basi guvbela, afela gu fuvisa gighoho khu mhamba nya gufe gwaye.

1 Pedro 4:8

Aholu ga silo satshavbo, haladzanani khu gyanu nyamba pfhadzedzela, kholu, lihaladzo li ngu dzi kodza gu tsetselela sighoho nya singi.

1 Johane 3:16

Kharato, khavbo hi dzitigo gukhethu ginani lihaladzo: Kristo ningede guvbanya gwaye khu kotani gwathu. Khu guralo, ethu nethu hi ngu yela gu ningela guvbanya gwathu khu kotani ya vandriyathu.

1 Johane 3:23

Esi a rumago khesi; nya gukhuye hi na khodwe linani ga Mwanaye Jesu Kristo, ni gu haladzana khu gyathu nga edzi Uye a nga hi rumago khidzo.

Gutuledwa 1:5

Ni ga Jesu Kristo fakazi nya guthembege, matiwula nya vafi vatshavbo a gu Pfhumu nya vafumeli va mafuni. Uye a hi haladzago a nga hi tshulago sighohoni gwathu khu novba waye;

Gutuledwa 5:9

Ma di gu emba ndzimo nya yiphya, khayo: “U na ni fanelo nya gu hakhe libhuku ni gu namula sifungo saye, kholu u songidwe; khu novba wago, u dzegiside vathu nya mahundzu, malimi, mafumbu, ni mayigo yatshavbo. U gu va ningela ga Nungungulu.