Vaefeso 5:16 - Bhibhiliya Nya Guage

¹⁶ Sayisani gwadi gikhati mu gu nagyo. Kholu matshigu ya muhuno ma vivbide.

Vaefeso 5:16 Iomraidhean Croise

Genesi 29:7

Uye a di va embela, khuye: “Gu ngari mihani, gi si gu vbohi gikhati nya gu tombanise mitshambi yatshavbo. Sedzani mati dzinvuta mu bwelele nadzo mu ya dzi havisa.”

Dzindzimo 37:19

Kha va na khala dzitshoni matshiguni nya sigaradzo, matshiguni nya ndzala avo va na khuriswa.

Muhevbudzi 11:2

Kabana iso u gu naso ni livbandre na vavili mwendro livbandre na vararu vathu, kholu khu liti libango muni li na gu dugelelago mafuni momu.

Muhevbudzi 12:1

Alakanya Muvangi wago na wu ngari lidzaha, kholu ma na vboha matshigu nyambasi yadi, a gu myaga u na ganelago gukhuwe: “Guvbanya kha gu nga gu tshamba gambe;”

Muhevbudzi 9:10

Satshavbo u si kodzago gu si thuma khu mandza yago, si thume khidzo u dzi kodzago khidzo, kholu phalani nya vafi u hongolago umo, gu mwalo thumo, makungo, mapimo, ambari wugengeli nya gukari.

Dhaniyeli 2:8

Mufumeli a di va hakha, khuye: “Nyi ngu dziti gwadi gukheni enu mwa gu vbweta gu ndrindra gikhati, kholu mu ngu dziti gukhenu eni nyi fungide gu mi tsayisa mwa gumba nyi ninga tshamuselo nya ndroro yeyi.

Amosi 5:13

Khu guralo, oyu a gengedego, a na degule, kholu gikhati gi na bani givivbide.

Matewu 25:17

Wule a nga tshiyedzwago dzitaleta dzimbili a di dzi velegisa nuye dzimbe dzimbili.

Johane 12:35

Khavbo avbo, Jesu a di va embela, khuye: “Gikhati gegi mu ngari ni guwonegela; gimbilani na mu ngari ni guwonegela gasi mu si manwi khu gidema. Uye a gimbilago gidemani kha guti umo a yago.

Varoma 13:11

Hongoleni hi gire kharato ngudzungudzu olu hi gitigo, gikhati muni egi hi vbanyago ga igyo. Hi ngu dziti gukhethu khigyo egi gikhati nya gukhendzuge khu ligovbeni. Kholu guvbanyiswa gwathu gomo vbafuvbi ngudzu guvbindra gikhati hi nga hakhago khigyo gukhodwa.

1 Vakorinto 7:26

Eni nya gu wona nari gwadi gu khala kharato khu kota nya sigaradzo nya guvbanye ga mafuni momu.

Vagalatiya 1:4

Uye a dzi ningede a gu songwa khu kotani nya sighoho sathu, gasi a hi tshule ga litigo leli nya guvivbe hi vbanyago ga ilo, gu tadzisega kharati guhaladza gwa Nungungulu Babe wathu.

Vagalatiya 6:10

Khu kharato, olu hi ngarigu ni gikhati, hongoleni hi girela esi nya sadi vathu vatshavbo, ngudzungudzu vandriyathu gukhodwani.

Vaefeso 6:13

Khavbo avbo, dzi vhikeleni khu matshari mu ningwago khu Nungungulu, gasi mu pharise gutiya gikhati nya gulingwe, mu kodze gupala sigaradzoni gwatshavbo.

Vaefeso 6:15

gukhathala gwanu khu gu gimbila mu gu tivisa Mahungu nya Yadi nya gurule gu na khale silato nya migondro yanu.

Vakolosi 4:5

Vbanyani khu guti ni mapimo vbakari nya vale va si khodwigo, mu londrola gwadi gikhati mu gu nagyo.