Vaefeso 4:6 - Bhibhiliya Nya Guage

⁶ Womo Nungungulu moyo basi, Babe wa vatshavbo, a fumago ga vatshavbo, a thumago khu vatshavbo, a vbanyago ga vatshavbo.

Vaefeso 4:6 Iomraidhean Croise

Genesi 14:19

a ta mu kategisa khu magana yaya, khuye: “Nungungulu a khusegidego ngudzu, muvangi nya ndzadzi ni mafu, a na kategise Abrama!

Dzindzimo 95:3

Kholu Pfhumu khuye Nungungulu nya khongolo; a ngu fumela vanungungulu vatshavbo a va pala khu wugulu.

Isaya 63:16

Aholu uwe khuwe Babe wathu, ambari Abrahama na si hiti, ni Jakobe a si khathali khu ethu; Uwe Pfhumu Nungungulu, khuwe Babe wathu; U Mudzegisi wathu, gukhugela guhegulani, khilo lina lago ilolo.

Malakiya 2:10

Ina hatshavbothu hi mwalo babe moyo basi, gani? Ina khandruye Nungungulu wamoyo a hi vangidego, gani? Khu ginani hi venganago khu gyathu, hi nyenyezisa gidzumeledzwano gya vakokwe vathu?

Mitengo 16:22

Aholu avo va di thega vbavbatshi khu khovbe va ganela, khavo: “Ama Nungungulu, Nungungulu nya maphuvbo ya vathu vatshavbo! Muthu moyo basi a ghohidego, ina U na gorogela tshangano watshavbo, gani?”

Matewu 6:13

U nga hi digi hi gu thega mugusengwani, aholu hi vbulugise guvivbani.’ Khwago mufumo ni tshivba ni wudhumo kala gupindruga. Amen.

Matewu 6:9

“Khu kharato, lombelelani, kharati: ‘Baba wathu u guromo Ndzadzini, lina lago li na rungudzwe.

Johane 14:23

Jesu a di hakha, khuye: “Uye a nyi golago, a na vegedza milayo yangu; Babe wangu a na mu gola; gasi eni ni Babe hi nata avbo gwaye hita khala naye.

Johane 17:26

Nyi va tiviside lina lago; nyi ngu nga gu va tivisa gambe, gasi lihaladzo u nyi golago khilo li khale gwawe, eni neni nyi khale gwawe.”

Johane 20:17

Jesu a di mu embela, khuye: “U nga nyi hungateli, kholu nyi si gu liti ga Babe wangu. Aholu, uwe indra embela vandriyangu khuwe nyi ngu hadza gu lita ga Babe wangu, a gu Babe wanu nenu; ga Nungungulu wangu, a gu Nungungulu wanu nenu.”

Varoma 11:36

Satshavbo sa guta khu ga Nungungulu; satshavbo sa gu tumbuluga tshivbani gwawe gasi gu thumela uye. A na rungudzwe Nungungulu kala gupindruga. Amen.

1 Vakorinto 12:6

Yomo mithumo nya guhambane, aholu Nungungulu Moyo basi. Khuye a ningago vathu vatshavbo tshivba nya guthume.

1 Vakorinto 8:6

Gasi ethu ha guti gukhethu womo Nungungulu moyo basi, a gu Babe ni muvangi nya silo satshavbo; ethu ha gu vbanyela uye. Gambe yomo Pfhumu Mweyo basi, Jesu Kristo. Silo satshavbo si vangidwe khu tshivba yaye, ni ethu hi womo khu kotani gwaye.

2 Vakorinto 6:16

Gu mwalo gupwanana Nyumba ya Nungungulu ni vanungungulu nya malipha. Kholu ethu hi Nyumba ya Nungungulu a vbanyago, kha nga a ganelago uye mune Nungungulu, khuye: “Nyi na vbanya, nyi gu gimbila vbakari gwawe; eni nyi na khala Nungungulu wawe, avo va na khala vathu vangu.”

Vaefeso 1:21

A mu vegide vbatshani nya mufumo ni wufumu, ni wugulu, ni tshivba ni malina yatshavbo ma thangisidwego, nasiri mafuni momu basi, aholu ni ga litigo li nga gutago.

Vaefeso 2:22

Khu tshivba yaye mu ngu tshanganiswa nenu ga nyumba yeyi yi vbahwago kala mu gu khala nyumba a vbanyago umo Nungungulu khu Liphuvbo nya Guage.

Vaefeso 3:17

Nyi ngu lomba gambe ga Nungungulu gukheni Kristo a na vbanye myonyoni gwanu khu gukhodwa, mu tiya gwadi, mu tsitsa mikhamba nya gutiye lihaladzoni.

Vaefeso 6:23

Gurula ni lihaladzo ni gukhodwa si na tshige ga vandruye vatshavbo, khu ga Nungungulu Babe ni ga Pfhumu Jesu Kristo.

Dhewuteronome 6:4

Upwa, Israyeli! Pfhumu Nungungulu wathu, khuye basi a gu Pfhumu.

1 Johane 3:24

Oyu a yingelago milayo ya Nungungulu a ngu hengela guvbanya ni Nungungulu, Nungungulu nuye a ngu hengela guvbanya naye. Ha gu siti isoso khu kotani nya Liphuvbo a hi ningidego.