Vaefeso 4:5 - Bhibhiliya Nya Guage

⁵ Yomo Pfhumu mweyo basi, ni gukhodwa gumogo basi, ni gubhapatiswa gumogo basi:

Vaefeso 4:5 Iomraidhean Croise

Zakariya 14:9

Pfhumu Nungungulu a na bani ari uye Pfhumu nya litigo latshavbo; litshigu lolo, Pfhumu Nungungulu a na bani ari moyo basi, ni lina laye li na bani liri ilo longa basi.

Matewu 28:19

Khu kharato, indrani mu gimbila mu hevbudza mayigo yatshavbo, mu bhapatisa vathu khu lina la Babe, ni la Mwamana, ni la Liphuvbo nya Guage.

Mithumo 10:36

Rumede magana yaye ga sanana sa na Israyeli, a gu si rumela mahungu maphya nya yadi nya gurule khu Jesu Kristo, a gu Uye Pfhumu nya vathu vatshavbo.

Mithumo 2:36

Nyumba yatshavbo ya Israyeli yi na khale na yi gu dziti khu lisine latshavbo nya gu khiyo Jesu yoyu mu nga mu khokhothela vbagihambanotunu, Nungungulu a mu dandrisile a khala Pfhumu ni Kristo.”

Varoma 3:30

kholu womo Nungungulu moyo basi, a nga tshanganisago naye va nya gu hana wugwera khu gukhodwa, a tshanganisa gambe va nya mayigo khu gukhodwa.

1 Vakorinto 1:13

Gasi uye Kristo kabanisedwe khu sipandre, gani? Uye Pawulo a di khokhothedwe vbagihambanotunu afela enu, gani? Mwendro sanu mu bhapatisidwe linani ga Pawulo, gani?

1 Vakorinto 1:2

ha gu lovela Libandla la Nungungulu li guromo dhoropani ga Korinto, enu mu ranedwego gu khala sihathwa, mu agisidwego khu gutshanganiswa gumogo ni Kristo Jesu. Ha gu lovela gambe ni vatshavbo vale va phalalegidego ni litigo latshavbo va lombelelago khu lina la Pfhumu yathu Jesu Kristo, a gu Pfhumu yawe navo.

1 Vakorinto 12:13

Ethu hatshavbo: Vajudha ni ava va si gu Vajudha, dzikhumbi ni va nya gutshulega, hi bhapatisidwe khu Liphuvbo la limwedo, gasi hi khala givili gimwegyo basi. Ethu hatshavbo hi hakhide Liphuvbo la limwedo.

1 Vakorinto 12:5

Mathumelo ma hambane, aholu Pfhumu mweyo basi;

1 Vakorinto 8:6

Gasi ethu ha guti gukhethu womo Nungungulu moyo basi, a gu Babe ni muvangi nya silo satshavbo; ethu ha gu vbanyela uye. Gambe yomo Pfhumu Mweyo basi, Jesu Kristo. Silo satshavbo si vangidwe khu tshivba yaye, ni ethu hi womo khu kotani gwaye.

2 Vakorinto 11:4

Kholu mu nga tshuka mu dzumela mumbe muthu a guta ganela khu Jesu, nya guhambane ni oyu nyi nga mi embelani, ambari gu hakhani liphuvbo nya guhambane ni eli mu li hakhidego, mwendro mahungu nya yadi nya guhambane ni aya mu ma dzumedego.

Vagalatiya 5:6

Kholu, na hi tshanganisidwe ni Kristo, gu hana ni gumba hana wugwera kha si phasi gilo. Egi gi phasago khu gukhodwa gu dzi wonegisago khu mithumo ya lihaladzo.

Vaefeso 4:13

kala hatshavbothu hi gu tshanganiswa khu gukhodwa ni guti Mwamana wa Nungungulu. Hi fanede gu dandra hi khala vathu vakhongolo, kala hi gu manela tanga ni giemo gya Kristo.

Vafilipi 2:11

ni gu vathu vatshavbo va huwelela, khavo: “Jesu Kristo Pfhumu,” gasi gu dhumiswa Nungungulu Babe.

Vafilipi 3:8

Khu lisine, satshavbo soso nya gu si wona nga silo nya ndzilo nya gu si pimanisa ni wuhigo wukhongolo nya guti Kristo Jesu, Pfhumu yangu. Eni nyi nyenyide silo satshavbo khu kotani gwaye.

Tito 1:1

Eni Pawulo, githumi gya Nungungulu, mupostoli wa Jesu Kristo, nyi ngu lova lidangalila leli. Nyi hathidwe nyi rumedwa gasi guta phasa ni gu tiyisa vathu va Nungungulu gukhodwani, ni gu va yisa lisineni li hevbudzwago khu nayo wathu,

Tito 1:4

Nyi ngu lovela uwe Tito, gyanana gyangu nya lisine gukhodwani, gukhodwa ogu a gu gwago ni gwangu. Wuhigo ni gurula gwa Nungungulu Babe wathu ni ga Kristo Jesu, Muvbanyisi wathu gu na khale ni uwe.

Vahebheru 13:7

Dundrugani vahevbudzi vanu, ava va nga mi tivisa Mahungu ya Nungungulu. Alakanyani edzi va nga vbanya ni gufa khidzo, mu landrisa gukhodwa gwawe.

Vahebheru 6:6

Ambari ulo, va di diga gukhodwa. Khu guralo, kha gu kodzegi gu wuya va dzi laya nyaluphye, kholu va gu khokhothela gambe sivilini gwawe Mwamana wa Nungungulu, va mu poyila.

Jakobe 2:18

Aholu mumbe muthu a na, khuye: “Ina, uwe u na ni gukhodwa, eni nyi na ni mithumo, nga nyi yeyedza gukhodwa gwago nyambana mithumo, eni, khu mithumo yangu, nyi na gu yeyedza gukhodwa gwangu.”

1 Pedro 3:21

Mati yale a diri giyeyedzo nya gubhapatiswe, mu vbanyiswago khugo enu, muhuno. Gubhapatiswa gogu khandri gwa gu handza givili khu vbavbandze, aholu, gitumbiso gi girwago ga Nungungulu, gi duga khu monyoni wu agidego. Guvbanyiswa gogu gwa guta khu guwuga ga Jesu Kristo.

2 Pedro 1:1

Eni, Simoni Pedro, khumbi ni mupostoli wa Jesu Kristo, nyi ngu mi lovelani lidangalila enu mwatshavbo mu hakhidego gukhodwa nya gululame nga ogu gwathu, khu guvbanyiswa hi ningwago khu Nungungulu ni Muvbanyisi wathu Jesu Kristo.

Judha 1:20

Aholu, enu sigodwa sangu, simamani mu andra ni gu tiya gukhodwani gwanu nya guage ngudzu, mu lombelela khu tshivba nya Liphuvbo nya Guage.

Judha 1:3

Sigodwa sangu, eni nyi di gira tshivba nya gu mi loveleni khu mahungu nya guvbanyiswe hi gu nago gumogo nanu. Nyi di dzipwa gukheni i tshukwana nyi mi lovela olu gasi gu mi tiyiselani litungani mu li dwanago khu kotani nya gukhodwe gu ningidwego sihathwa saye kala gupindruga.