Vaefeso 4:23 - Bhibhiliya Nya Guage

²³ Dzi garadzeni khu gu vbindrugedza mavbanyelo mu khala vathu vaphya myonyoni ni mapimoni gwanu.

Vaefeso 4:23 Iomraidhean Croise

Dzindzimo 51:10

Nungungulu, vega monyo nya wadi ndrani gwangu u wusedza liphuvbo nya gutiye monyoni gwangu;

Ezekiyeli 11:19

Nyi na thela gwawe monyo moyo basi, nyi va thela liphuvbo nya liphya; nyi na dusa gwawe monyo nya giwindri, nyi thela monyo nya nyama.

Ezekiyeli 18:31

Dzudzugani hwindzo guvivba gwatshavbo mu gu giridego, ambalani monyo ni hefemulo nya wuphya; kholu, khu ginani mu dzi vangelago lufu, enu va na Israyeli?

Ezekiyeli 36:26

Nyi na mi ningani monyo nya wuphya, nyi thela ndrani gwanu liphuvbo nya liphya; nyi na dusa gwanu monyo nya giwindri nyi thela monyo nya nyama.

Varoma 12:2

Mu nga landriselini mikhuwo nya mavbanyelo nya litigo leli, aholu vbindrugedzani mapimo yanu ni mavbanyelo yanu yatshavbo, gasi mu kodze gupima gugola gwa Nungungulu; ni gu pima esi nya sadi, nya gutsakise, si vbeledego mahoni gwa Nungungulu.

Varoma 6:4

Khu gu bhapatiswa hi dzingidwe gumogo ni Kristo, hi gu hengela naye gufani gwaye. Gasi hi dzi kodza nethu gu vbanya khu mavbanyelo nya maphya nya nga ya Kristo a wugidego khu ga vafudego khu tshivba ya Nungungulu Babe.

Varoma 8:6

Gu dzi garadza khu gu landra gudogolela nya tumbunugo nya wuthu, gwa gu ninga gufa. Gasi gu dzi garadza khu gu landrisa esi Liphuvbo nya Guage li rumago, gwa gu ninga guvbanya ni gurula.

Vaefeso 2:10

Kholu khuye a nga hi wumbago; a hi vangide, a hi tshanganisa ni Kristo Jesu gasi hi mane guvbanya nya gutale khu mithumo ya yadi, mithumo Nungungulu a yi dongisedego khu gale gukhuye hi vbanya khiyo ethu.

Vakolosi 3:10

mu ambade muthu muphya oyu a vbahwago nyaluphye khu guti gasi a fanana ni muwumbi waye.

Tito 3:5

Uye a hi vbanyiside khu kotani nya lihaladzo laye basi, nasiri khu kotani nya mithumo yathu nya yadi. Nungungulu a hi agiside khu tshivba nya Liphuvbo nya Guage; a hi velegide nyaluphye a gu hi ninga guvbanya nya guphya.

1 Pedro 1:13

Khu guralo, dzi hungeni siwunu sanu, mu nga sengwi khu gilo; vegani gutumba gwanu gwatshavbo ga giningwa mu na gi hakhago litshigu Jesu Kristo a na gu dzi wonegisago.