Vaefeso 4:21 - Bhibhiliya Nya Guage

²¹ Nyi ngu tumba khu lisine gukheni mu pwide na gu ganedwa khu Jesu, gambe mu hevbudzidwe guti lisine khu mahungu yaye.

Vaefeso 4:21 Iomraidhean Croise

Dzindzimo 45:4

Khilela kavalu nya gupale, u ya dwanela lisine ni gululama; libogo lago la nyamudye li na gu hevbudze gu gira siliwugiso.

Matewu 17:5

Na nga guganela, li dita lipfhi nya gungangamele lita va fenengedza khu mwedzi waye; khu vbakari nya lipfhi gu di pwala lito, na li gu, khilo: “Oyu khu Mwamana wangu nya gu mu haladze ngudzu, a tsakisago monyo wangu; mu yingiseni.”

Luka 10:16

Khu guralo, a di embela vapizane, khuye: “Uye a yingisago enu, kheni a nyi yingisago; gasi uye a nyenyago enu kheni a nyi nyenyago. Kholu wule a nyi nyenyago, a gu nyenya wule a nga nyi rumelago.”

Johane 1:17

Kholu, Nayo wu vegidwe khu Mosi, gasi wuhigo ni lisine, hi si hakhide khu tshivba ya Jesu Kristo.

Johane 10:27

Dzinvuta dzangu dzi ngu yingisa lito langu; eni nyi ngu dziti; a nidzo dzi ngu nyi landra.

Johane 14:17

Va nya litigo kha va dzi kodzi gu li hakha, kholu kha va li woni gambe kha va liti. Gasi enu mu ngu liti kholu ilo la gu vbanya vbakari gwanu ni ndrani gwanu.

Johane 14:6

Jesu a di khuye: “Eni kheni ndzila, ni lisine, ni guvbanya. Mwalo a vbohago ga Babe nyamba yiswa kheni.

Varoma 10:14

Aholu va na dzi kodza kharini gurana wule va si khodwigo gwaye? Mwendro, va na khodwa kharini ga wule va si mapwigo mahungu yaye? Gambe, va na ma pwisa guwani, a gumba manega muthu nya guya va tivisa?

2 Vakorinto 1:20

Kholu ambari situmbiso sa Nungungulu si manide “Ina,” khu guralo hi ngu ganela khu Uye khethu, “Amen” hi dhumisa Nungungulu.

2 Vakorinto 11:10

Khu gukhodwa nya lisine nyi gu nago ga Kristo, kha nyi vbweti gu luza wuzundzo wowu ni wevbini wulanga tigoni ga Akaya.

Vaefeso 1:13

Khu ga Kristo, enu nenu, mu pwide mahungu nya lisine, Ivhangeli nya guvbanyiswe gwanu, mu yi hakhidego khu gukhodwa, mu tiyisidwe khu gifungo nya Liphuvbo nya Guage hi nga bani hi tumbisidwe.

Vaefeso 2:17

Guta gwaye gu hi resede mahungu yadi nya gutsakise, nya gurule; gurula ga enu mu nga bani muri hwindzo, ni ga avo va nga bani na vari vbafuvbi.

Vakolosi 1:5

Gikhati nya guhegule mu hakhidego Mahungu Yadi nya lisine, mu pwide na gu ganedwa khu gutumba hi ningwago khayo. Khu kharato, gutumba ni lihaladzo lanu sa gu seketedwa khu gutumba mu vegedwego Ndzadzini.

Vakolosi 1:6

Mahungu nya Yadi mu ma hakhidego, ma ngu simama gu ninga mihandro nya yadi ni gu andra tigoni gwatshavbo kha nga edzi ma nga girago vbakari gwanu, gukhugela litshigu mu hakhidego mahungu nya wuwadi wa Nungungulu mu gu wuti khu lisine.

Vakolosi 2:7

mu tsitsa gwadi mikhamba, mu tiyiswa gukhodwani, kha nga edzi mu hevbudzidwego khidzo, mu gu bonga Nungungulu gikhati gyatshavbo.

1 Johane 5:20

Hi ngu dziti gambe gukhethu Mwamana wa Nungungulu vbohide, a ngu hi ninga mapimo nya guti Nungungulu nya lisine. Ethu hi ngu hengela guvbanya ni Nungungulu nya lisine, ethu hi guromo ga Mwamana waye Jesu Kristo. Oyu khuye Nungungulu nya lisine, khugo guvbanya nya gupindruge.