Vaefeso 4:2 - Bhibhiliya Nya Guage

² Vbanyani gikhati gyatshavbo khu gu dzi sodzisa ni gurula, ni gutimisela. Mu yeyedzana, kharato, lihaladzo vbakari gwanu.

Vaefeso 4:2 Iomraidhean Croise

Dzindzimo 138:6

Ambari ulo Pfhumu Nungungulu a guromo vbatshani ngudzu, Uye a ngu yingisa avo va dzi sodzisago; va nya matshandza, a gu vati nari khu hwindzo.

Dzindzimo 45:4

Khilela kavalu nya gupale, u ya dwanela lisine ni gululama; libogo lago la nyamudye li na gu hevbudze gu gira siliwugiso.

Mavingu 16:19

I tshukhwana gu dzi nogisa u vbanya gumogo ni vathu nya gurule, guvbindra gu kabana silo nya guphangwe ni va nya matshandza.

Mavingu 3:34

Uye a na vala va tseketseli, a ninga tshivba avo va dzi nogisago.

Muhevbudzi 7:8

Mahegiso nya gilo i tshukwana guvbindra maphelelo yaye. I tshukwana gu timisela, guvbindra dzihanyi.

Isaya 57:15

Kholu a gu ganela kharati, wule a Khusegidego, a guromo vbatshani ngudzu, a vbanyago kala gupindruga; uye a gu ni lina li Agidego, khuye: “Eni nya gu vbanyela wulanga wu agidego wu guromo vbatshani ngudzu, aholu nya gu vbanya gambe gumogo ni avo va khuvekidego ni vale va vbedego tshivba, gasi gu tiyisa vale va vbedego tshivba ni gu tiyisa myonyo ya vale va khuvegidego.

Sofoniya 2:3

Vbwetani Pfhumu Nungungulu, enu mwatshavbo, va nya gurula va mafuni, enu mu landrisago milayo yaye. Zamani guvbweta gululama, dzi nogiseni mbeli gwaye, a gu dzina saye mu na mana wuthavelo litshigu nya likhulo la Pfhumu Nungungulu.

Zakariya 9:9

Nengela ngudzu uwe nyamahegyane wa Siyoni; womba kulungwane nya gutsake uwe nyamahegyane wa Jerusalema; wona, Mufumeli wago a nguta gwago, uye a lulamide gambe Muvbanyisi, gisiwana, a nguta na khilede buru, avbo nya giburwana, gyanana nya buru nya ngadzi.

Mitengo 12:3

Aholu Mosi a diri muthu nya gurule ngudzu, guvbindra vathu vatshavbo va mafuni.

Matewu 11:29

Rwalani pingwi wangu, mu hevbula kheni nyi gu ni monyo nya gurule nuwo nya gu dzi sodzise, gasi mu mane gutangala nya mihefemulo yanu.

Marko 9:19

Jesu a di khuye: “Vathu nyamba khodwa! Nyi na khala nanu kala lini? Nyi na mi timisela kala lini? Mu reseni eno.”

Mithumo 20:19

Nyi di thumela Pfhumu khu gu dzi sodzisa, ni gu saniseka vbakari nya sigaradzo ni silingo nya gugiredwe khu Vajudha.

Varoma 15:1

Ethu hi tiyidego gukhodwani, guvbweta hi timisela, hi phasedzela vale va sa tiyago, gu rwala sigaradzo sawe. Hi nga dwaneli gu gira esi si hi tsakisago.

1 Vakorinto 13:7

Lihaladzo li ngu rwala satshavbo, li gu khodwa satshavbo, li gu tumba gikhati gyatshavbo ni guhunisela satshavbo.

Vagalatiya 6:2

Phasedzanani khu gyanu, mu na tadzisa kharato nayo wa Kristo.

Vaefeso 1:4

Gale, na gu si vangwi litigo, Nungungulu a hi hathide khu ga Kristo gasi hi khala sihathwa ni vathu nya ndruda nyambana gihoso mahoni gwaye.

Vakolosi 1:11

Ha gu lomba ga Nungungulu a mi tiyisa khu tshivba yaye nya yikhongolo, mu kodze gutsarama siloni satshavbo khu gutimisela ni gutsaka.

1 Thimoti 6:11

Aholu uwe u gu muthu wa Nungungulu ndreya ga silo soso. Vbweta lisine, ni gululama, ni gukhodwa, ni lihaladzo, ni gutimisela ni gurula.

2 Thimoti 2:25

Gu vbwetega u kodza gu kawuka valala vaye khu gwadi, gasi Nungungulu, a gu dzina saye, a va ninge mapimo nya gulandre lisine.

Jakobe 1:21

Khu guralo, digani sihena satshavbo nya gunyenyeze, ni mavbanyelo yatshavbo nya guvivbe. Hakhani khu gurula Mahungu ya Nungungulu a yalago myonyoni gwanu, aya ma dzi kodzago gu mi vbanyisa.

1 Pedro 3:15

Aholu rungudzani Kristo kha nga Pfhumu myonyoni gwanu, khalani na mu dongide gasi gu ningani phindrulo ni wevbini a na gu mi wudzisago khu mahungu nya gitumbo nya gukhodwe mu gu nago.

1 Pedro 3:8

Gu vbwetega mwatshavbo mu hengela mapimo ni monyo moyo, mu golana khu gyanu khu lihaladzo nya wundruye, muri vathu nya gurule ni gu dzi sodzisa.