Vaefeso 4:18 - Bhibhiliya Nya Guage

¹⁸ kholu mapimo yawe ma segegide. Va hambane ni guvbanya gwa Nungungulu khu kotani nya wuhangi ni gusegega nya myonyo yawe.

Vaefeso 4:18 Iomraidhean Croise

Dzindzimo 74:20

Alakanya pwanano u giridego, kholu womo wughevenga malangani gwatshavbo nya gidema tigoni.

Isaya 25:7

Pfhumu Nungungulu a na pferula gigomoni momu mwendra nya gilendra, wu fenengedzago vathu nya mayigo yatshavbo ni mwendra wu fenengedzago mafumbo yatshavbo nya mayigo.

Ezekiyeli 14:5

Esi nyi na si gira gasi gu wuyisela myonyo ya va na Israyeli, kholu vatshavbo va hambanide ni Eni, va landrisela sifananiso sawe.

Dhaniyeli 5:20

Aholu avbo a nga phela gu dzi dandrisa, a di bangisa hungo waye wu tala khu matshandza, a di duswa vbagikhalotunu gwaye nya wufumu, a dzegedwa wudhumo waye.

Levhi 11:16

mbowa, gisungurukhuru, nyamangondrongondrwane ni ligodzyana ni mafumbu yatshavbo nya sivaga;

Matewu 13:15

Kholu myonyo ya vathu vava yi bangide, va segide dzindzeve ni maho yawe, gasi va si woni khu maho, va si yingisi khu dzindzeve, ni gu mana gwadi tshamuselo wakone, va vbindrugedze mavbanyelo, gasi eni nyi va vbanyise.’

Marko 3:5

Jesu a di khedza vatshavbo va nga bani va mu randrede na gu garadzega khu gu wona guvivba nya myonyo yawe, a di embela mudwali, khuye: “Thawuludza libogo lago.” Uye a di li thawuludza, li hawuluga.

Johane 12:40

“A di va sega maho, a gu bangisa myonyo yawe, gasi va si woni khu maho, ni gumba pima khu myonyo yawe, gufela gu va si vbindrugedzi mavbanyelo, nyi va vbanyisa.”

Mithumo 17:30

Wonani, Nungungulu kha theli kota khu gikhati vathu va nga vbanya gidemani, a ngu tivisa olu ga vathu vatshavbo va malangani yatshavbo gu vbindrugedza mavbanyelo.

Mithumo 3:17

Ambari ulo vandruye, nyi ngu dziti nya gukheni mu giride esi khu wuhangi, enu ni vafumeli vanu.

Varoma 1:28

Kha nga avo va ngamba thela kota khu guti Nungungulu, Nungungulu nuye a di va diga va landra mapimo yawe nya guhandruge, gasi va gire iso nyamba yela.

Varoma 11:25

Vandruye, kha nyi vbweti gukheni mu hangwe khu sihalo yoyu, gasi mu si dzi randri va nya guti. Guganedza ga vathu va na Israyeli kha gu na pindruga gikhati nya gulaphe, aholu gu na simama kala mayigo yatshavbo ma vbindrugedza ma khodwa ga Nungungulu.

Varoma 11:7

Hi na khethu ginani olu? Hi na khethu va na Israyeli va tandregide gu mana esi va nga si vbweta; aholu si manidwe khu tsawa nya vale va nga hathwa khu Nungungulu. Vatshavbo vambe kha va dzina gupwa gurana gwaye,

Varoma 2:19

U ngu dzi gira muphari nya kunga nya sikhumu, ni mwenge wu wenengedzago vale va vbanyelago mugidemani.

1 Vakorinto 1:21

Kholu, vathu, khu guti gwawe, kha va dzi kodza gutugula Nungungulu mithumoni yi yeyedzago guti gwaye. Khu kharato, Nungungulu dzinide gu vbanyisa vale va khodwago khu mahungu nya wupumbu hi tivisago.

1 Vakorinto 2:8

Mwalo mufumeli wa mafuni a nga gu pima guti gogo. Nari gupwani va di gu pimide, gima va sa khokhothela vbagihambanotunu Pfhumu nya wudhumo watshavbo.

2 Vakorinto 3:14

Aholu mapimo yawe ma di segegide mugidemani. Kala ni olu, va gu hevbula Milowo nya Testamenta ya gale, iyo tshalu yoyo yi nga gu va segela, kholu ya gu funungudwa basi khu ga Kristo.

2 Vakorinto 4:4

kholu vanungungulu nya mafu yaya va segide mavhalo yawe, gasi va si woni gu wonegela nya Ivhangeli nya gungangamele ya Kristo, a gu giemo gya Nungungulu.

Vagalatiya 4:8

Gale, na mu si gu muti Nungungulu, mu diri dzikhumbi nya gukhozele vanungungulu nya liphanga.

Vaefeso 2:1

Gale mu di fude hefemuloni khu kotani nya sihoso ni sighoho sanu. Uye a mi ningide guvbanya.

Vaefeso 2:12

Mu di gu vbanya hwindzo ni Kristo; mu diri valombo; mu diri mwalo wulanga ndrani nya libandla nya sihathwa sa Nungungulu; mu diri vbavbandze nya gidzumeledzwano gi hungidwego khu gisambanyo a nga gira Nungungulu ga vathu vaye; mu di gu vbanya tigoni nyambana gutumba, nyambana Nungungulu.

Vakolosi 1:21

Enu nenu mu di gu vbanya hwindzo ni Nungungulu, gambe mu diri valala vaye khu myonyo ni mithumo yanu nya guvivbe,

1 Vatesalonika 4:5

Mu nga dzumeli gu ndrindrwa khu maalakanyo nya guvivbe nga edzi va girago vale va gu mwalo gukhodwa ga Nungungulu.

Vahebheru 5:2

Uye a na ni fanelo nya gutimisele vale nya sipumbu, ni ava va ghohago, kholu uye nuye gighohi.

Vahebheru 9:7

Aholu, makhuvini nya wuvili, gu ranwago Wulanga nya Guage Ngudzu, gu di bela basi muphasi nya khongolo nya mhamba, gumogo khu mwaga. Uye a di ningela ga Nungungulu novba nya sirengo khu sighoho saye ni esi si nga girwa khu vathu khu wuhangi.

Jakobe 4:4

Vathu nyamba khodwa! Ina kha mu dziti nya gukhenu wa gu khala pari nya mafu, wa gu dzigira nala wa Nungungulu, gani? Oyu a vbwetago gu khala pari nya litigo, a gu khala nala wa Nungungulu.

1 Pedro 1:14

Khalani sanana nya guyingise, mu nga dzumeli guvbanya gwanu gu fumwa khu gunavela nya mavbanyelo yanu ya gale; na mu si gu pimini gilo.

1 Johane 2:11

Oyu a vengago ndriyaye a gu vbanya gidemani, a gu gimbila gusivbalani, nyamba guti umo ayago umo, kholu gidema gi segide maho yaye.