Vaefeso 4:16 - Bhibhiliya Nya Guage

¹⁶ Sivbango satshavbo nya guhambanelane sa gu mana gu yingana khu tshivba yaye. Givbango ni givbango gya gu thuma thumo gi fanedego, guphasega givili gyatshavbo, gi dandra khu maningano lihaladzoni.

Vaefeso 4:16 Iomraidhean Croise

Johane 15:5

“Eni nyi litshina, gasi enu mu matamo; uye a gu ni eni, eni naye, khuye a ningago mihandro nya yingi; kholu nyambana eni gimwalo mu na girago.

Varoma 12:4

Kha nga olu hi gu ni sivbango nya singi givilini gimwegyo, gambe givbango ni givbango gi gu na ni thumo waye,

1 Vakorinto 10:17

Olu gibaba a gu gimwegyo basi, ethu hatshavbo, ambari hiri vangi, hi givili gimwegyo basi, kholu hi ngu hengela gu hodza igyo gibaba gya gimwegyo.

1 Vakorinto 13:13

Olu gu nga emide esi sa siraru: Gukhodwa, Gutumba ni Lihaladzo. Ga esi sa siraru gikhongolo khu lihaladzo.

1 Vakorinto 8:1

Olu nya guvbweta gu ganela khu mahungu nya nyama nya guphasedwe vanungungulu nya malipha. Ethu hatshavbo hi ngu pima gwadi. Aholu, gupima gu ngu gira muthu a dzi gugumugisa; gasi lihaladzo khilo li vbahago ni gu dandrisa gukhodwa.

Vagalatiya 5:22

Gasi mithumo ya Liphuvbo la Nungungulu, kheyi: Lihaladzo, litsako, gurula, gutimisela, gu dzi ningedzela, ndruda, wuwadi, gutumbega,

Vagalatiya 5:6

Kholu, na hi tshanganisidwe ni Kristo, gu hana ni gumba hana wugwera kha si phasi gilo. Egi gi phasago khu gukhodwa gu dzi wonegisago khu mithumo ya lihaladzo.

Vaefeso 1:4

Gale, na gu si vangwi litigo, Nungungulu a hi hathide khu ga Kristo gasi hi khala sihathwa ni vathu nya ndruda nyambana gihoso mahoni gwaye.

Vaefeso 3:17

Nyi ngu lomba gambe ga Nungungulu gukheni Kristo a na vbanye myonyoni gwanu khu gukhodwa, mu tiya gwadi, mu tsitsa mikhamba nya gutiye lihaladzoni.

Vaefeso 3:7

Eni nyi khade muthumeli nya Mahungu nya Yadi nya guvbanyise, khu wuhigo wa Nungungulu a nyi ningidego khu wuhindzi ni tshivba yaye.

Vaefeso 4:12

Khu magirelo yaya, a guya na gu dongisela sihathwa gasi si thuma gwadi thumo wawe nya guvbahe ni gu dandrisa givili gya Kristo khu gukhodwa,

Vaefeso 4:15

Aholu ha gu tivisa lisine khu lihaladzo, hi na dandra siloni gwatshavbo, kala hi gu manela Kristo a gu uye hungo.

Vafilipi 1:9

Egi nyi lombago ga Nungungulu khu gukheni lihaladzo lanu li na andre khu guti ni mapimo.

Vakolosi 2:19

Vathu vava va mwalo wuhengeli ni Kristo a gu uye hungo nya givili gyatshavbo, a tshanganisago sivbango saye nya guhambanelane, a si dandrisa khu edzi a golago khidzo Nungungulu.

Vakolosi 2:2

Nya gu thumela gukheni va mane gutiya monyoni ni gukheni va dzipwe na va patane khu lihaladzo, na va fumide khu guti sihalo nya gikungo gya Nungungulu. Sihalo yoyu khu Kristo,

1 Vatesalonika 1:3

Hi ngu mati gwadi mavbanyelo nya gukhodwe gwanu, ni gu dzi garadza gwanu khu lihaladzo, ni gutiya gutumbani gwanu mu gu nago khu Pfhumu yathu Jesu Kristo, mbeli ga Nungungulu Babe wathu.

1 Vatesalonika 2:13

Khu guralo, hi ngu mu bonga Nungungulu gikhati gyatshavbo. Olu mu nga hakha Mahungu gwathu, Mahungu ya Nungungulu mu ma hakhidego. Kholu, khandri mahungu nya vathu, aholu, mahungu nya lisine la Nungungulu. Mwa gu khodwa mu na engedzela ngudzu tshivba nya guvbanye.

1 Vatesalonika 3:12

Pfhumu a na engedzele ngudzu gu dandrisa lihaladzo lanu, li andra, mu haladzana moyo ni moyo, ni vathu vatshavbo. Lihaladzo lanu li na khale idzosaye ni eli hi gu nalo ethu khu enu.

2 Vatesalonika 1:3

I fanelo yathu gu dhumisa Nungungulu gikhati gyatshavbo khu enu, vandruye. Gu ngu yela gu gira kharalo kholu gukhodwa gwanu gu andride ni lihaladzo lanu li dandride, eli mu girelanago khu gyanu.

1 Thimoti 1:5

Aholu, fanelo nya gihevbudzo gyathu, khu gu wusa lihaladzo li dugago khu monyoni wu agidego, khu mapimoni nya yadi, ni gukhodwa nya lisine nyamba pfhadzedzela,

1 Pedro 1:22

Olu enu mu agisidwego khu gu yingela lisine; olu mu gu ni lihaladzo nyamba pfhadzedzela ga vandriyanu khu gukhodwa, haladzanani khu gyanu khu myonyo yanu yatshavbo.

1 Johane 4:16

Ethu nethu hi ngu liti lihaladzo Nungungulu a gu nalo ga ethu, gambe hi ngu khodwa ga lihaladzo lolo. Nungungulu lihaladzo, oyu a vbanyago khu lihaladzo a ngu hengela gu vbanya ni Nungungulu, gambe Nungungulu a ngu vbanya gwaye.