Vaefeso 4:12 - Bhibhiliya Nya Guage

¹² Khu magirelo yaya, a guya na gu dongisela sihathwa gasi si thuma gwadi thumo wawe nya guvbahe ni gu dandrisa givili gya Kristo khu gukhodwa,

Vaefeso 4:12 Iomraidhean Croise

Luka 22:32

Aholu eni nyi di lombelela khu uwe ga Nungungulu gasi gukhodwa gwago gusi rereki. Gani olu, gikhati u na vbindrugedzago uwe, u na tiyisa vandriyago.”

Mithumo 1:17

Judha a di valedwe vbakari gwathu a gu hakha gipimo gyaye umo nya thumo wathu.

Mithumo 1:25

gasi gu tshikedza, thumoni nya wupostoli, wulanga wu nga tshidwago khu Judha khu gufela gubwelela wulanga waye.”

Mithumo 11:23

Na vbohide, a di wona wuhigo wa Nungungulu a tsaka, a va embela vatshavbo va simama gu khala ni Pfhumu khu monyo moyo vatshavbo.

Mithumo 20:24

Aholu kha nyi khathali khu womi wangu. Egi gi vbwetegago khu gu eni nyi vbohisa mahegiso liendro langu, nyifela gu vbedzisa ndrima nya thumo nyi pharisidwego khu Pfhumu yathu Jesu Kristo, nya gutivise Mahungu nya Yadi nya lihaladzo la Nungungulu.

Mithumo 20:28

Khu kharato, dzi woneleni enu vamune ni tsawa nya vakhodwa mu pharisidwego khu Liphuvbo nya Guage kha nga vathangeli. Khalani vahavisi nya libandla la Nungungulu, kholu uye a li dzegiside khu novba wa Mwanaye.

Mithumo 9:31

Libandla li di gu vbanya khu gu rula Judheya gwatshavbo, ni Galileya ni Samariya; Li diya na li gu dandra ni githawo ga Nungungulu, na li gu tiyiswa khu tshivba nya Liphuvbo nya Guage.

Varoma 12:5

Kharato nethu, hi vangi, aholu ha gu khala givili gimwegyo basi ga Kristo, gambe moyo ni moyo givbango gya kwawe.

Varoma 12:7

Oyu a gu ni giningwa nya guthumele vakwawe, a na va thumele; oyu a ningidwego guhevbudza, a na hevbudze;

Varoma 14:19

Khu kharato, hongoleni hi dzi garadze khu gu vbweta silo sile si hi reselago gurula ni gu tiyiselana gukhodwani.

Varoma 15:14

Vandriyangu, nyi ngu tumba ni gu tiya gukheni mu tade khu wuhindzi ni wusingalagadzi nya gululekane khu gyanu.

Varoma 15:2

Khu kharato, muthu ni muthu gu vbwetega a tsakisa kwawe khu silo nya sadi, gasi a mu tiyisela gukhodwani.

Varoma 15:29

Nyi ngu tumba gukheni gikhati nyi natago iyo gwanu, nyi nata na nyi tade khu makategwa ya Kristo.

1 Vakorinto 12:27

Enu mu givili gya Kristo. Moyo ni moyo wanu givbango gya Kristo.

1 Vakorinto 12:7

Siningwa nya Liphuvbo nya Guage sa gu wonegiswa ga moyo ni moyo, gasi gu phasedzela vatshavbo.

1 Vakorinto 14:12

Khiso esi si manegago vbakari gwanu. Kha nga mu dogorelago siningwa nya Liphuvbo nya Guage, lombani mu ningwe khu gutala nya iso, gasi guvbaha Libandla.

1 Vakorinto 14:14

Kholu nya gu gira nombelo khu lidimi nyamba tidwa, hefemulo wangu khuwo basi wu lombelelago, aholu mapimo yangu kha ma mani giphaso.

1 Vakorinto 14:26

Egi nyi vbwetago gu mi embela vandruye, khegi: Na mu tshanganide, moyo a na thula ndzimo, mumbe a na hevbudza, mumbe a na ninga wufakazi, mumbe a gira nombelo khu lidimi nyamba tidwa, mumbe a ninga tshamuselo. Girani satshavbo sesi khu gufela guphasana gudandra gukhodwani.

2 Vakorinto 12:19

Mwa gu dzina sanu mwa gu alakanya gukhenu nya guvbweta gu dzi vhikela vbakari gwanu. Nya gu ganela mbeli ga Nungungulu, esi nya gu gira khu mapimo ya Kristo. Ga satshavbo sesi, nya guvbweta wuwadi wanu.

2 Vakorinto 13:11

Khu guhegisa, vandruye, nyi ngu mi lomba mu khale khu gutsaka, ni gululama, mu tangadzisana khu gyanu. Mu vbanya khu gu pwanana, mu khala khu gurula, Nungungulu nya lihaladzo, ni gurula a na khale vbakari gwanu.

2 Vakorinto 13:9

Ha gutsaka khu gu vbevbuga, enu mu tiya. Ha gu lomba gukhethu mu vbanye khu gululama.

2 Vakorinto 3:8

ahati thumo nya Liphuvbo la Nungungulu, kha wu na dhumiswa ngudzu guvbindrisa, gani?

2 Vakorinto 4:1

Khu guralo, hi nga swihali thumoni momu hi nga ningwago khu wuhindzi wa Nungungulu.

2 Vakorinto 5:18

Satshavbo sa guta khu ga Nungungulu, a nga dzi tshanganisa ni ethu khu ga Kristo, a hi ninga thumo nya gutshanganise vambe.

2 Vakorinto 6:3

Ethu kha hi khunguvanyisi muthu khu mavbanyelo yathu, gasi thumo wathu wu si solegi.

2 Vakorinto 7:1

Na hiri ni situmbiso sesi, sigodwa sangu, hongoleni hi dzi handze guvivba gwatshavbo nya givili ni liphuvbo, hi gira thumo wathu nya guagiswe ni githawo ga Nungungulu.

Vaefeso 1:23

Ilo khilo givili gyaye; ilo khilo gutadzisega gwatshavbo gwa Kristo, a enedzago silo satshavbo ga vatshavbo.

Vaefeso 4:16

Sivbango satshavbo nya guhambanelane sa gu mana gu yingana khu tshivba yaye. Givbango ni givbango gya gu thuma thumo gi fanedego, guphasega givili gyatshavbo, gi dandra khu maningano lihaladzoni.

Vaefeso 4:29

Mu nga ganeli magana nya guvivbe, ganelani basi magana nya yadi, nya guphasedzele ava va mapwago.

Vaefeso 4:4

Gyomo givili gimwegyo basi, ni Liphuvbo limwedo basi, kha nga gambe a gu gimwegyo basi gitumbo mu ranedwego igyo khu Nungungulu.

Vakolosi 1:24

Olu nyi ngu nengela khu gusaniseka gwangu, nyi sanisekago khu kotani gwanu; nya gu tadzisa milini gwangu, avba gu nga bani gu tshade gusanisekani ga Kristo khu kotani nya Libandla a gu givili gyaye.

Vakolosi 1:28

Hi ngu tivisa Kristo ga vathu vatshavbo. Hi ngu laya ni gu hevbudza vathu vatshavbo gasi va mane wuhengeli nya guvbelele ni Kristo.

Vakolosi 4:17

Embelani Arikipo, khenu: “Thela kota khu thumo u ningidwego khu Pfhumu u wu sayisa.”

1 Thimoti 1:12

Nyi ngu bonga Kristo Jesu, Pfhumu yathu, a nyi ningidego tshivba, a nyi tumbidego a nyi vega thumoni gwaye.

2 Thimoti 4:11

Khu Luka basi a gu ni eni. Delu ni Marko, kholu a ngu nyi phasa thumoni momu.

2 Thimoti 4:5

Aholu, uwe tiya u timisela sigaradzo satshavbo, dzi vegise thumoni gwago nya gutivise Mahungu nya Yadi, u vbedzisa thumo wago.

Vahebheru 13:17

Yingelani vathangeli vanu, mu landrisa sileletelo sawe. Kholu avo khavo va khedziselago gikhati gyatshavbo mihefemulo yanu, va na wudziswa khu Nungungulu khu kotani nya isoso. Mwa gu va yingelani, avo va na thuma na va tsakide, kholu, va gu thuma na va gu garadzega kha si na phasa gilo gwanu.

Vahebheru 6:1

Khu guralo, hongoleni hi dandre hiya mbeli gasi guya manela sihevbulo nya guvbelele, hi gu tshiya hwane dzindrima nya guhegule nya sihevbulo nya wukristo. Ethu kha hi na nga sasamedzela gambe nyaluphye matshina nya sihevbulo sesi, a gu aya: Fanelo nya gudige mithumo nyamba phasa gilo, ni gu khodwa ga Nungungulu;