Vaefeso 3:5 - Bhibhiliya Nya Guage

⁵ Ga mimelana yi vbindridego mwalo ni moyo a tuledwego guti sihalo yoyu, aholu, ga matshigu ya muhuno, Nungungulu, khu Liphuvbo laye nya Guage, a wu tiviside ga vapostoli vaye nya guage ni ga vaprofeti.

Vaefeso 3:5 Iomraidhean Croise

Isaya 52:15

Kharato nugo a na samadzisa mayigo nya mangi, ni vafumeli va na sega magana khu mahungu yaye; kholu iso va ngamba tiviswa va na si wona, niso va ngamba sipwa, va na si pima.

Matewu 13:17

Khu lisine nyi ngu mi embelani nya gukheni: Vaprofeti nya vangi ni va nya ndruda va vbwetide gu wona iso mu si wonago, aholu kha va si wona; ni gupwa iso mu si pwago, aholu kha va si pwa gilo.

Matewu 20:7

Va di mu hakha, khavo: ‘Ha gu hamuga muthu nya gu mu thumele.’ A di khuye: ‘Indrani nenu thembweni gwangu mu na hakha iso si vbwetegago.’

Matewu 23:34

Khu kharato, nyi ngu mi rumelani vaprofeti, va nya guti ni vahevbudzi. Vambe mu na va songa, vambe mu va khokhothela; gasi vambe mu na va kwamula umo nya dzinyumba nya milombelo ni gu va tutumisani madhoropani gwanu gwatshavbo,

Luka 10:24

Kholu nyi ngu mi embelani nya gukheni: Vaprofeti nya vangi ni vafumeli va dzinide gu wona esi mu si wonago, kha va si wona; ni gupwa iso mu si pwago, gambe kha va sipwa gilo!”

Luka 11:49

Khidzo kharati Guti ga Nungungulu gu nga khugo: ‘Nyi na va rumela vaprofeti ni vapostoli. Vambe va na va songa, vambe va na va sanisa.’

Johane 14:26

Aholu, Muphasedzeli, a gu Liphuvbo nya Guage, lile Babe a na mi rumelago khu lina langu, li nata mi hevbudza silo satshavbo, ni guta mi dundrugisa satshavbo iso nyi nga mi hevbudzani.

Johane 16:13

La guta Liphuvbo nya lisine, ilo li nata mi endredza, li mi yisa lisineni nya guvbelele, kholu kha li nata ganela silo nya gu si khugele, aholu li nata ganela silo li si pwidego, ni guta mi tivisani iso si natago.

Mithumo 10:28

Pedro a di va embela, khuye: “Kha nga mu dzitigo gwadi, kha gu dzumedziswi Mujudha gu hengela ni mahedheni, ambari gu bela dzindrangani gwawe. Aholu, Nungungulu a nyi yeyedzide gukhuye khandri gwadi gu rana muthu kwanu khuwe nyenyezide ni gukhuwe kha agiswa.

Varoma 16:25

A na rungudzwe Nungungulu! Khuye a dzi kodzago gu mi tiyisela gukhodwani, kha nga edzi yi hevbudzago khidzo Ivhangeli nyi mi tivisidego, ni mahungu ya Jesu Kristo, khu esi hi nga tuledwa gu siti khu mahungu nya guvbanyise ga Nungungulu. Sihalo wu nga bani wu sihade gukhugela myaga yatshavbo,

1 Vakorinto 2:10

Aholu, Nungungulu a hi tulede guti silo sesi khu tshivba nya Liphuvbo nya Guage, kholu Liphuvbo li ngu wona satshavbo, ambari misihalo nya guete ya Nungungulu.

Vaefeso 2:20

Enu mu siwindri nya nyumba yi vbahidwego vbatshani nya giseketelo nya vapostoli ni vaprofeti. Kristo wurumba waye khuye giwindri nya hungo nya gikoli gi hungago nyumba yatshavbo.

Vaefeso 3:9

ni gu tivisa ga vathu vatshavbo magimbilelo nya gikungo nya sihalo wu nga bani wu sihidwe khu gale ni gale guetani gwa Nungungulu, muvangi nya silo satshavbo.

2 Pedro 3:2

Nya gu vbweta gukheni mu dundruge magana ma nga ganedwa gikhati gya gale khu vaprofeti nya gukatege, ni Nayo nya wadi wa Pfhumu ni Muvbanyisi wathu Jesu Kristo, mu ningidwego khu vapostoli.

Judha 1:17

Aholu enu, sigodwa sangu, dundrugani esi si nga ganedwa guhegulani khu vapostoli va Pfhumu yathu Jesu Kristo.