Vaefeso 3:4 - Bhibhiliya Nya Guage

⁴ Mwa gu ma hevbula mu nati mawonelo yangu khu mahungu nya sihalo wa Kristo.

Vaefeso 3:4 Iomraidhean Croise

Matewu 13:11

A di va hakha, khuye: “Kholu enu, mu ningidwe guti misihalo nya Mufumo wa Ndzadzini, gasi avo va mwalo giningwa gyogyo.

Luka 8:10

Jesu a di va hakha, khuye: “Ga enu, Nungungulu a ngu tivisa misihalo nya mufumo waye; gasi ga vambe, a gu ganela khu sipimaniso, gufela gukhuye va ronoge, aholu va si woni; vapwe aholu va si si pimi.

Varoma 11:25

Vandruye, kha nyi vbweti gukheni mu hangwe khu sihalo yoyu, gasi mu si dzi randri va nya guti. Guganedza ga vathu va na Israyeli kha gu na pindruga gikhati nya gulaphe, aholu gu na simama kala mayigo yatshavbo ma vbindrugedza ma khodwa ga Nungungulu.

Varoma 16:25

A na rungudzwe Nungungulu! Khuye a dzi kodzago gu mi tiyisela gukhodwani, kha nga edzi yi hevbudzago khidzo Ivhangeli nyi mi tivisidego, ni mahungu ya Jesu Kristo, khu esi hi nga tuledwa gu siti khu mahungu nya guvbanyise ga Nungungulu. Sihalo wu nga bani wu sihade gukhugela myaga yatshavbo,

1 Vakorinto 13:2

Ambari nyiri ni giningwa nya gutshumayele mahungu ya Nungungulu, ni guti satshavbo, ni gupima misihalo yatshavbo, ni gukhodwa gwatshavbo nya gu dzi kodze gu sigula sigomo, nyambana lihaladzo, kha nyiri wa gilo.

1 Vakorinto 4:1

Gu vbwetega vathu va hi wone kha nga sithumi sa Kristo hi ningidwego thumo nya gutivise ni gu sayisa misihalo ya Nungungulu.

2 Vakorinto 11:6

Ambari khu gu ganela nyi tshala hwane, khu guti, nyi womo mbeli. Ga satshavbo sesi, nyi mi yeyedzideni lisine nya iso.

Vaefeso 1:9

A hi tulede guti sihalo nya gikungo nya guhaladze gwaye khu ga Kristo, kha nga edzi a nga bani a vegiside khidzo khu gale,

Vaefeso 3:3

A dzinide gu nyi tulela guti sihalo nya gikungo gyaye. Nyi ngari gu mi lovela khu magana madugwana nyi ganela khu mahungu yaya.

Vaefeso 3:9

ni gu tivisa ga vathu vatshavbo magimbilelo nya gikungo nya sihalo wu nga bani wu sihidwe khu gale ni gale guetani gwa Nungungulu, muvangi nya silo satshavbo.

Vaefeso 5:32

Oyu sihalo khongolo ngudzu, nya gu ganela khu mahungu ya Kristo ni libandla laye.

Vaefeso 6:19

Nyi lombeleleni neni, gasi Nungungulu a nyi ninge magana nya guenele gikhati nyi tivisago Mahungu nya Yadi.

Vakolosi 1:26

Mahungu yaya khu sihalo nya gikungo gya Nungungulu a gi sihidego nyamba gi tivisa ga vathu, gukhugela gale nya matshigu, aholu muhuno a dzinidego gu ma tivisa ga vale va khodwago.

Vakolosi 2:2

Nya gu thumela gukheni va mane gutiya monyoni ni gukheni va dzipwe na va patane khu lihaladzo, na va fumide khu guti sihalo nya gikungo gya Nungungulu. Sihalo yoyu khu Kristo,

Vakolosi 4:3

lombelelani gambe khu ethu, gasi Nungungulu a hi tulela wulanga, hifela guganela khu sihalo wa Kristo, owu nyi hungidwego khuwo nga gibotshwa,

1 Thimoti 3:16

Sihalo nya gukhodwe hi ganelago khuwo, khu lisine, khongolo: “Uye a di dzi gira muthu, a wonwa na lulamide khu Liphuvbo la Nungungulu a wonwa khu dzingilozi dza Nungungulu, a huweledwa ga va nya mayigo, a hakhwa mafuni gwatshavbo, va khodwa gwaye mafuni a dhumiswa khu Nungungulu.”

1 Thimoti 3:9

gu vbwetega va vbanye sihalo nya gukhodwe khu mapimo nya lisine.