Vaefeso 3:2 - Bhibhiliya Nya Guage

² Nyi ngu tumba khu lisine gukheni mu pwide na gu ganedwa khu mahungu nya thumo, Nungungulu a dzinidego gu nyi ninga khu wuhindzi waye, gukhuye nyi thuma vbakari gwanu.

Vaefeso 3:2 Iomraidhean Croise

Mithumo 13:2

Vari vbakari nya nombelo wa Pfhumu ni guhala, Liphuvbo nya Guage li di ganela, khilo: “Nyi kaseleni Bharinabha ni Sawule gasi va phara thumo nyi va ranedego uwo.”

Mithumo 13:46

Aholu, Pawulo ni Bharinabha va di ganela khu gutiya, khavo: A diri fanelo gu hegula khenu gu embedwa mahungu ya Nungungulu. Aholu, kha nga mu ma bombago, ni olu mu dzi lamulago mwabune gukhenu kha mu fanedwi khu guvbanya nya gupindruge, khu kharalo, ethu hi na thendregedza hi ya ma ningela ga va nya mayigo.

Mithumo 22:21

Uye a di nyi embela, khuye: ‘Indra, kholu nya guvbweta gu gu rumela hwindzo, ga va nya mayigo.’ ”

Mithumo 9:15

Aholu, Pfhumu a di mu embela, khuye: “Indra, kholu muthu yoyo nyi mu hathide gasi a vbohisa Lina langu ga mayigo, ga vafumeli ni ga sanana sa Israyeli.

Varoma 1:5

Khu uye, hi hakhide wuhigo nya gukhale Vapostoli, gasi hi wuyisa vathu nya mahundzu yatshavbo va khodwa ga Nungungulu va dhumisa lina laye.

Varoma 11:13

Olu nya gu ganela gwanu enu mu si gu Vajudha. Eni nyi mupostoli ga va nya mayigo, gambe nyi ngu dzipwa matshandza khu kota nya thumo wangu.

Varoma 12:3

Khu kota nya thumo Nungungulu a nyi ranedego uwo vbakari gwanu, nyi ngu laya moyo ni moyo wanu gukheni mu nga dzi sayeli guvbindra fanelo. Aholu dzi sodziseni, muthu ni muthu a dzi vega vbawulangatunu gwaye gukhedza khu wuhigo ni wukhodwa a ningidwego khu Nungungulu.

1 Vakorinto 4:1

Gu vbwetega vathu va hi wone kha nga sithumi sa Kristo hi ningidwego thumo nya gutivise ni gu sayisa misihalo ya Nungungulu.

Vagalatiya 1:13

Nyi ngu tumba gukheni mu pwide na va gu ganela khu edzi nyi nga bani nyi gu vbanya khidzo na nyi nga gu landrisa nayo wa Vajudha. Mu ngu dzitini gukhenu nyi di gu sanisa khu tshivba Libandla la Nungungulu, nyi zama gu li fuvisa.

Vaefeso 1:10

gukhuye si girege gutadzisegani nya matshigu: Gutshanganisa silo satshavbo si guromo Ndzadzini ni esi si guromo mafuni, a emisa Kristo kha nga hungo ni muthangeli.

Vaefeso 3:7

Eni nyi khade muthumeli nya Mahungu nya Yadi nya guvbanyise, khu wuhigo wa Nungungulu a nyi ningidego khu wuhindzi ni tshivba yaye.

Vaefeso 3:8

Eni, mahegisela nya sihathwa satshavbo sa Nungungulu, nyi ningidwe wuhigo nya gutivise ga ava va si gu Vajudha gutala nya wufumu wa Kristo;

Vaefeso 3:9

ni gu tivisa ga vathu vatshavbo magimbilelo nya gikungo nya sihalo wu nga bani wu sihidwe khu gale ni gale guetani gwa Nungungulu, muvangi nya silo satshavbo.

Vaefeso 4:21

Nyi ngu tumba khu lisine gukheni mu pwide na gu ganedwa khu Jesu, gambe mu hevbudzidwe guti lisine khu mahungu yaye.

Vaefeso 4:7

Moyo ni moyo nya ethu hakhide giningwa gyaye gupima khu edzi Kristo a dzinidego khidzo gu mu ninga.

Vakolosi 1:4

Kholu hi pwide mahungu nya gukhodwe gwanu linani ga Kristo Jesu ni lihaladzo mu yeyedzago ga vatshavbo va nya guaga va khodwago.

Vakolosi 1:6

Mahungu nya Yadi mu ma hakhidego, ma ngu simama gu ninga mihandro nya yadi ni gu andra tigoni gwatshavbo kha nga edzi ma nga girago vbakari gwanu, gukhugela litshigu mu hakhidego mahungu nya wuwadi wa Nungungulu mu gu wuti khu lisine.

1 Thimoti 1:11

mayelano khu Ivhangeli nya wudhumo wa Nungungulu nyi ningidwego, a gu nambo nya makategwa.

1 Thimoti 1:4

va si vbedzi gikhati khu gu landrisela silo nya tumbunugo ni sibongo nyamba vbela sa vakokwe. Isoso sa gu wusa guganedzana ni mayunga, kha si giri guhaladza ga Nungungulu, ogu hi gu manago khu gukhodwa.

1 Thimoti 2:7

Khiso nyi nga emisedwa ga iso, gu khala muganeli ni mupostoli, ni muhevbudzi, gasi gu hevbudza va nya mayigo gukhodwa ni lisine. Nya gu ganela lisine, kha nyi ganeli malipha.

2 Thimoti 1:11

Khayo nyi nga emisedwa ayo gu khala muganeli ni mupostoli ni muhevbudzi.