Vaefeso 3:18 - Bhibhiliya Nya Guage

¹⁸ Gasi enu nenu, gumogo ni sihathwa satshavbo nya libandla la Nungungulu, mu kodze gupima wukhongolo ni gulapha ni gueta nya lihaladzo la Kristo,

Vaefeso 3:18 Iomraidhean Croise

2 Dzikoronika 6:41

Khu guralo, uwe Pfhumu Nungungulu, khuga U ta khala wulanga wago nya guhefemule, uwe gumogo ni Ngasa nya tshivba yago; Pfhumu Nungungulu, vaphasi vago va na fenengedzwe khu guvbanyisa gwago, ni sihathwa sago si na nengele khu wuwadi.

Dzindzimo 103:17

Aholu, wuhindzi wa Pfhumu Nungungulu, wu ngu simama kala gupindruga ga vale va mu ningago githawo, gululama gwaye gu ngu wonega kala ga situgulwana sawe;

Dzindzimo 116:15

Gu na ni lisima mahoni ga Pfhumu Nungungulu gufa ga sihathwa saye.

Dzindzimo 132:9

Gikhati gyatshavbo vaphasi vago nya mhamba va na gire esi si lulamidego, avo va khodwago gwago va na kulungele khu gutsaka.

Dzindzimo 139:6

Ndzila u nyitigo khiyo yi ngu nyi samadzisa ngudzu, yi khusegide, kha nyi kodzi gu yi pima.

Dzindzimo 145:10

Sivangwa satshavbo si na gu rungudze, Pfhumu Nungungulu; va na gu dhumise vatshavbo va khodwago gwago!

Isaya 55:9

Kholu, kha nga ndzadzini gu khugegidego ngudzu guvbindra litigo, kharato nidzo dzindzila dzangu dzi khusegide guvbindra dzanu, ni mipimiso yangu, yomo vbatshani ngudzu guvbindra yanu.

Zakariya 14:5

Enu mu na tutuma mu thava khu releloni vbakari nya sigomo sangu, kholu kova wu na relela kala Azeli, mu na thavani kharati kha nga idzo mu tutumidego khidzo gikhati nya girevareva gi manegidego matshiguni ya Uziya, mufumeli wa Judha; khavbo avbo, a na vboha Pfhumu Nungungulu wangu na randredwe khu sihathwa satshavbo.

Johane 15:13

Mwalo a gu ni lihaladzo nya likhongolo guvbindra wule a ningelago womi khu gufela dzipari dzaye.

Varoma 10:3

Kholu kha va pimi ndzila ya Nungungulu a ningago khiyo vathu gululama mahoni gwaye. Avo va gu dzi garadza khu magirelo yawe, aholu va diga gulandra ndzila yi vegisidwego khu Nungungulu.

2 Vakorinto 13:13

Wuhigo wa Pfhumu yathu Jesu Kristo, lihaladzo la Nungungulu ni wuhengeli nya Liphuvbo nya Guage, wu na khale ni enu.

Vagalatiya 2:20

Khu kharato, olu khandri eni gambe nyi vbanyago, khu Kristo a vbanyago avbo gwangu. Olu, khu guvbanya nyi gu nago milini gwangu, nya gu vbanya khu gukhodwa ga Mwamana wa Nungungulu a nyi haladzidego kala gu ningela guvbanya gwaye khu kota yangu.

Vagalatiya 3:13

Kristo a hi vbulugiside ga givalo nya Nayo khu gu dzi ningela a vadwa wulangani gwathu. Kholu Milowo nya Guage yari, khiyo: “Vadwe muthu watshavbo a vbayegwago vbagihambanotunu.”

Vaefeso 1:10

gukhuye si girege gutadzisegani nya matshigu: Gutshanganisa silo satshavbo si guromo Ndzadzini ni esi si guromo mafuni, a emisa Kristo kha nga hungo ni muthangeli.

Vaefeso 1:15

Eni neni, na nyi pwide ndruma nya gukhodwe mu gu nago ga Pfhumu Jesu, ni lihaladzo mu gu nalo ga vatshavbo va khodwago,

Vaefeso 3:19

lihaladzo leli la Kristo, ambari ulo a gu mwalo muthu a dzi kodzago gu liti khu guvbelela, gasi enu mu mane gutala khu wufumu watshavbo wa Nungungulu.

Vakolosi 1:4

Kholu hi pwide mahungu nya gukhodwe gwanu linani ga Kristo Jesu ni lihaladzo mu yeyedzago ga vatshavbo va nya guaga va khodwago.

1 Thimoti 3:16

Sihalo nya gukhodwe hi ganelago khuwo, khu lisine, khongolo: “Uye a di dzi gira muthu, a wonwa na lulamide khu Liphuvbo la Nungungulu a wonwa khu dzingilozi dza Nungungulu, a huweledwa ga va nya mayigo, a hakhwa mafuni gwatshavbo, va khodwa gwaye mafuni a dhumiswa khu Nungungulu.”

Gutuledwa 3:21

“Wule a na palago nyi na mu dzumedzisa gu khala naye vbagikhalotunu gwangu nya wufumu kha nga eni neni nyi nga palago nyi khadego vbagikhalotunu nya wufumu wa Babe wangu.