Vaefeso 3:1 - Bhibhiliya Nya Guage

¹ Khu kharato, eni Pawulo, gibotshwa gya Kristo khu kotani yanu enu mu si gu Vajudha, nyi ngu lombelela ga Nungungulu.

Vaefeso 3:1 Iomraidhean Croise

Luka 21:12

“Aholu, guphela, si si gu wonegi satshavbo sesi, va na mi molani va mi sanisa, va mi yisa dzinyumbani nya nombelo ni gu mi khothelani mapasoni; mu na yiswa ga vafumeli khu kotani nya lina langu;

Mithumo 21:33

Muthangeli a di hidzimela a mola Pawulo a ruma gu mu hunga khu makhetshe mavili. Khavbo avbo, a di wudzisa lina laye ni nandru a nga ghohago.

Mithumo 23:18

Uye a di mu dzega a hongola naye, aya khuye ga ndruna: “Pawulo a di nyi lomba gukhuye nyi rese avbo gwago gikhwathana gegi, ginani mahungu gu gu embela.”

Mithumo 26:29

Pawulo a di mu hakha, khuye: “Nya gu lomba ga Nungungulu gukheni, gani nugunugu, gani khu matshigu ma ngu gutago, nasiri uwe basi, aholu mwatshavbo mu gomo avba mu nyi yingisa, mu vbindrugedza mu gu khala nga eni, na mu tshulegide nyambana dzitshinga dzedzi.”

Mithumo 9:15

Aholu, Pfhumu a di mu embela, khuye: “Indra, kholu muthu yoyo nyi mu hathide gasi a vbohisa Lina langu ga mayigo, ga vafumeli ni ga sanana sa Israyeli.

2 Vakorinto 1:6

Ethu ha gu saniseka, ga gu girega gasi enu mu mane guthaveledwa ni gu vbanyiswa; ha guvbungadzedwa ga gu girega gasi mu mane guvbungadzedwa ni gu ningwa tshivba nya gutimisele, ni guhunisela sigaradzo, hi si timiselago ethu nethu.

2 Vakorinto 10:1

Eni, Pawulo, nya gu bani nyiri vbakari gwanu, nya gu dzi vbevbugisa, nya gu bani nyiri hwindzo, nya gu dzi lemedza. Nyi ngu mi lomba khu Kristo, oyu a nga dzi vega vbavbatshi ni gu dzi sodzisa.

2 Vakorinto 11:23

Avo sithumi sa Kristo? Nya gu ganela nga gipumbu, nyi na ganela kheni, eni nyi womo mbeli ngudzu guvbindra avo. Nyi va vbindride mbeli ga mithumo yatshavbo; gu khothedwa mapasoni, gu kwamudwa khu dzimboma, gu vbuluga gufa gikhati nya gingi.

Vagalatiya 5:11

Vandruye, nari pwani eni nya gu hevbudza nayo nya wugwera, khu ginani nyi nga gu saniswago? Kholu nari pwani kharato, mahungu nyi tivisago ya Kristo a khokhothedwego vbagihambanotunu ma di si vbweti gu khala gikhunguvanyiso ga muthu.

Vagalatiya 5:2

Wonani, eni Pawulo nyi ngu mi embelani, gukheni: Mwa gu hana wugwera, Kristo mwalo giphaso gwanu.

Vagalatiya 5:24

Ava va gu va Kristo Jesu va khokhothede vbagihambanotunu tumbunugo nya wuthu wawe ni gudogorela gwawe gwatshavbo.

Vaefeso 3:11

Owu khu sihalo wu dongisedwego khu Nungungulu gukhugela guhegulani, wu wonegisidwego olu khu ga Kristo Jesu, Pfhumu yathu.

Vaefeso 3:13

Khavbo avbo, nyi ngu mi khongotela gukheni mu nga garadzegi khu kotani nya sisaniso nyi si wonago khu kotani yanu; si na khale wuzundzo gwanu.

Vaefeso 3:8

Eni, mahegisela nya sihathwa satshavbo sa Nungungulu, nyi ningidwe wuhigo nya gutivise ga ava va si gu Vajudha gutala nya wufumu wa Kristo;

Vaefeso 4:1

Eni nyi gu gibotshwa nya guthumele Pfhumu, nyi ngu mi lomba gukheni gimbilani khu ndzila yi yelanago ni mavbanyelo mu ranedwego ayo khu Nungungulu.

Vaefeso 6:20

Eni kheni mutivisi nya Mahungu yaya, ambari olu nyi guromo pasoni. Khavbo avbo, lombelelani gasi nyi ganele na nyi tiyide kha nga edzi gu vbwetegago khidzo.

Vafilipi 1:7

Nyi na ni fanelo nya guhingigedze kharati khu enu mwatshavbo, khaguva nyi nanu monyoni gwangu, kholu mu nga hengela ni eni makategwa nyi ningidwego khu Nungungulu, gukhothedwani gwangu ni thumoni nya guvhikele ni gu huwelela Mahungu nya Yadi.

Vakolosi 1:24

Olu nyi ngu nengela khu gusaniseka gwangu, nyi sanisekago khu kotani gwanu; nya gu tadzisa milini gwangu, avba gu nga bani gu tshade gusanisekani ga Kristo khu kotani nya Libandla a gu givili gyaye.

Vakolosi 4:18

Khu gyandza gyangu nyi ngu lova esi: Nyi ngu mi losedzela eni Pawulo. Mu nga divaledwi khu gukhenu nyi hungidwe dzitshinga. Wuhigo wu na khale ni enu!

Vakolosi 4:3

lombelelani gambe khu ethu, gasi Nungungulu a hi tulela wulanga, hifela guganela khu sihalo wa Kristo, owu nyi hungidwego khuwo nga gibotshwa,

2 Thimoti 1:16

Nungungulu a na girela wuhindzi ndranga ya Onesiforo kholu matshigu nya mangi a di nyi tangadzisa, a di si khali dzitshoni khu gumodwa gwangu.

2 Thimoti 1:8

Khu kharato, u nga khali dzitshoni gu fakaza Pfhumu yathu, gambe u nga khali dzitshoni khu eni nyi gu gibotshwa khu kotani yaye. Aholu saniseka gumogo ni eni khu kotani nya Ivhangeli nu gu tiyiswa khu tshivba ya Nungungulu.

Filemoni 1:1

Eni Pawulo, gibotshwa gya Kristo Jesu, gumogo ni ndriyathu Thimoti, hi ngu lovela Filemoni, gigodwa ni muphasedzeli wathu,

Filemoni 1:23

Epafrasi nyi gu naye pasoni momu, khu kotani ya Kristo Jesu, a ngu gu losedzela,

Filemoni 1:9

khu lihaladzo nyi ngu gu lomba, eni Pawulo, nyi gu wa kharati, nyi gumbidego, olu nyi khadego gambe gibotshwa gya Kristo Jesu.

Gutuledwa 2:10

U nga khali hwanga khu gu wona gutshaniseka gu gu viredego. Ndrani nya matshigu yaya, Sathane a na khothela pasoni vambe ni vambe vbakari nya libandla lanu, gasi gu va lingwa. Mu na wona gutshaniseka nya gukhongolo gipimo nya likhumi matshigu. Tumba kala gufa, nyi na gu ambagisa gihugu nya womi nyamba bela.