Vaefeso 2:3 - Bhibhiliya Nya Guage

³ Ethu hatshavbo hi diri nethu kha nga avo, hi di gu vbanya khu nayo nya tumbunugo ni gu landrisa gunavela nya givili ni monyo. Khu tumbunugo nya makhalelo yathu, hi di gu fanela guya thethiswa khu Nungungulu gumogo ni vambe vathu.

Vaefeso 2:3 Iomraidhean Croise

Genesi 5:3

Avbo Adhamu a nga tshanganisago lizana ni magumararu (130) myaga, a di velega gyanana nya mwama, nya mufananiso ni giyemo nya idzosaye ni uye, a gi riya lina nya gupwani khu Seta.

Genesi 6:5

Pfhumu Nungungulu a di wona gukhuye gughoha ga vathu gu diya na gu engedzelana tigoni khu tshivba ni tshivba; ni gu wona gukhuye maalakanyo yatshavbo ya monyoni nya muthu, ma vivbide.

Genesi 8:21

Pfhumu Nungungulu a dipwa gunengela gwadi nya ningelo wule, a gu ganela, khuye: “Gima kha nyi na nga vala gambe litigo khu kotani nya gughohe ga muthu. Ambari olu muthu gukhugela wananani gwaye a alakanyelago guvivba monyoni gwaye. Aholu, Eni gima kha nyi na nga fuvisa gambe sirengo satshavbo si vbanyago, kha nga edzi nyi giridego.”

Joba 14:4

Ina khu mani a dzi kodzago gu dusa gilo nya guage, ga gilo nyamba aga, na? Khu lisine mwalo!

Joba 25:4

Khu mani a lulamidego mbeli ga Nungungulu? A nga kodza kharini gululama muthu a velegidwego khu nyamayi?

Dzindzimo 51:5

Kholu eni nyi velegedwe mugighohoni, mayi wangu khuride mimba yangu nyiri gighohi.

Isaya 53:6

Ethu hatshavbo hi di gu legalega kha nga dzinvuta nya gudzimele; muthu ni muthu a di gu bela khu yaye ndzila, aholu, Pfhumu Nungungulu a di mu rwega guvivba gwa ethu hatshavbo.

Marko 4:19

aholu, va gu dzi garadza khu silo nya mafu, va gu padwa khu dzithomba ni gudogorela mafumbo yatshavbo nya silo; satshavbo esi si ngu midza mahungu ma si theli mihandro myonyoni gwawe.

Johane 1:13

sivangwa sesi kha sa velegwa khu tshivba nya novba mwendro, khu tumbunugo nya muthu, mwendro khu gu haladza nya muthu, aholu si velegidwe khu gugola ga Nungungulu.

Johane 8:44

Babe wanu khu Sathane, khu kharato mwa vbweta gu gira guhaladza gwaye. Uye gighevenga gukhugela guhegulani, gima a si gu emeli lisine, kholu gwaye limwalo lisine. A gu lipha khu gu landra tumbunugo nya makhalelo yaye, kholu uye muliphi gambe babe nya malipha.

Mithumo 14:16

Ga mimela yi vbindridego dzumedziside gukhuye vathu va gimbile khu dzindzila nya tumbunugo wawe;

Varoma 1:24

Khu kharato, Nungungulu a di va diga va gu thegela gunyenyezani nya gugole nya myonyo yawe, va gu gira mithumo ya dzitshoni, yi nyenyezisago sivili sawe.

Varoma 11:30

Enu mu si gu Vajudha, gale mu di gu yeyisa Nungungulu, gasi olu a navo Vajudha va yeyisidego, enu mu hakhide wuhindzi wa Nungungulu.

Varoma 13:14

Aholu ambalani Pfhumu Jesu Kristo, mu nga dzi digi mu gu sengwa khu gudogolela nya tumbunugo nya wuthu.

Varoma 2:14

Avo va si gu Vajudha, va si wutigo Nayo, va gu landrisa esi si rumwago khu nayo nya tumbunugo nya mavbanyelo yawe, va ngu dzi gira nayo avo vamune.

Varoma 5:10

Uye Nungungulu, na hi ngari valala vaye a hi wonego na hi lulamide khu kotani nya gufe ga Kristo, hi ngu khodwa gukhethu, ngudzungudzu olu, hi tshanganisidwego naye, hi na vbanyiswa khu womi wa Mwanaye.

Varoma 5:9

Ngudzungudzu olu hi agisidwego khu novba wa Kristo, hi na vbulugiswa khuwo sisanisoni nya likhulo la Nungungulu.

Varoma 6:12

Mu nga dzumedzisi gambe gighoho gi fuma givilini gwanu nya gufe, gi mi kutsedzela gu landrisa gudogorela gwaye.

Varoma 7:18

Eni nyi ngu dziti gukheni wuwadi kha wa vbaha gwangu, guthula gukheni givilini gwangu, kholu ambari na nyi gu gola gu gira nya sadi, nyi ngu tandrega.

Varoma 9:22

Ha gupwa ginani ethu, Nungungulu a gu bani a dzinide gu yeyedza likhulo laye ni gu wonegisa tshivba yaye? Uye yeyedzide guhunisela nya gukhongolo ga vale va nga bani va gu yela gu mana sitsayiso nya likhulo laye, va nga bani va gu yela gu fuviswa.

1 Vakorinto 4:7

Kholu, khu mani a nga gu ninga gu khala khongolo ga vakwanu? Iso u gu naso khandri u di ningwa, gani? Khu ginani u dzi gugumugisago gukhwatshi esi u gu naso khandri u di ningwa khu Nungungulu.

2 Vakorinto 7:1

Na hiri ni situmbiso sesi, sigodwa sangu, hongoleni hi dzi handze guvivba gwatshavbo nya givili ni liphuvbo, hi gira thumo wathu nya guagiswe ni githawo ga Nungungulu.

Vagalatiya 3:22

Aholu, Milowo nya Guage yari khiyo vathu vatshavbo va gu fumedwa khu tshivba nya gighoho, gasi vathu vatshavbo, khu gukhodwa ga Kristo, va hakhe thomba yi tumbisidwego ga ava va khodwago.

Vaefeso 2:2

Gikhati mu nga bani mu fumedwa khu mavbanyelo nya litigo leli, mu di landrisa milayo ya muthangeli nya dzitshivba nya guvivbe dzi si wonegigo, liphuvbo lolo li fumago olu ga vathu va wugelago Nungungulu.

Vaefeso 4:22

Khu kharato, digani tumbunugo nya mavbanyelo yanu ya gale nya gutale khu gudogolela nya gunyenyeze, gu yisago gumbembani.

Vakolosi 1:21

Enu nenu mu di gu vbanya hwindzo ni Nungungulu, gambe mu diri valala vaye khu myonyo ni mithumo yanu nya guvivbe,

1 Vatesalonika 4:13

Vandruye, kha hi vbweti mu khale gidemani khu mahungu ya vafudego, mu nga saniseki kha nga vale va gu mwalo gutumba hi gu nago ethu.

1 Vatesalonika 5:6

Khu kharalo, hi nga khali na hi lade nga vambe, hongoleni hi khedzisele, hi vbanye khu gu dzi phara.

1 Thimoti 6:9

Aholu, ava va vbwetago gughanya, va gu thegela gulingwani ni naphwini nya guvbwete silo nya singi nyambana giphaso. Khiso si girago vathu va bela guvivbani, va mbemba ni wurumba wawe.

Tito 3:3

Kholu, gale ethu nethu hi diri mwalo mapimo, hi di si yingeli, hi diri sipumbu, hi diri dzikhumbi nya gunavele silo satshavbo nya guvivbe; hi diri vathu nya guvivbe ni wufu. Hi di gu vengwa khu vatshavbo, a nethu hi di gu vengana.

1 Pedro 1:14

Khalani sanana nya guyingise, mu nga dzumeli guvbanya gwanu gu fumwa khu gunavela nya mavbanyelo yanu ya gale; na mu si gu pimini gilo.

2 Pedro 2:14

Kha va khedzi nyamayi nyamba mu dogorela, kha va garali khu gu gira sighoho. Va gu kanganyisa vathu nyamba tiya. Mapimo yawe khya gu alakanya gu mana dzitsapawu. Avovo va vadwe khu Nungungulu.

2 Pedro 2:18

Avo va gu ganela silo nya gu dzi khusedze nya wupumbu, va sengedzela vathu khu gunavela gwawe nya silo nya guvivbe ni wubhayi, va ndreyisa vale va guromo vbafuvbi ni gu duga ndzilani ya vale va vbanyago guvivbani.

1 Johane 2:16

Satshavbo si guromo mafuni: Gudogorela nya givili, ni gudogorela nya maho, ni gu dzi gugumugisa khu kotani nya silo nya mafu, satshavbo sesi kha siti khu ga Babe, aholu, sa guta khu mafuni momu.

1 Johane 2:8

Aholu nayo nya wuphya nyi mi lovelago, kholu lisine laye la gu dzi yeyedza ga Kristo, ni ga enu nenu. Kholu, gidema gi ngu vbindra, guwonegela nya lisine gu ngu wenengedza.