Vaefeso 2:21 - Bhibhiliya Nya Guage

²¹ Khuye Kristo a tshanganisago nyumba yatshavbo a yi tiyisa ni gu yi dandrisa gasi yi khala nyumba nya guage ya Pfhumu.

Vaefeso 2:21 Iomraidhean Croise

1 Dzipfhumu 6:7

Guvbahwani nya Nyumba ya Nungungulu, gu di thumiswa basi siwindri si nga bani sita na si khakhatidwe gwadi, khu kharato, guvbahwani nya nyumba, gima kha ga pwala ligwaha nya sikhokhotho, sibhewula ambari khu dzimbe simbi gu gulumela.

Dzindzimo 93:5

Milayo yago yi tumbegide ngudzu; nyumba yago Pfhumu Nungungulu yi fanede gu aga kala gupindruga!

Ezekiyeli 42:12

Yi diri idzosaye ni myanya nya makhuvi ma nga bani ma khedza phuvbo ga Marandzi, gu diromo mwanya guphelani nya hubhe wa vbakari wu nga bani wu ladza guya Khugadambo, ni mwanya nya gubele makhuvini.

1 Vakorinto 3:9

Kholu ethu hi sithumi hi thumago gumogo ni Nungungulu, gasi enu mu lithembwe la Nungungulu, mu nyumba a vbahago Nungungulu.

2 Vakorinto 6:16

Gu mwalo gupwanana Nyumba ya Nungungulu ni vanungungulu nya malipha. Kholu ethu hi Nyumba ya Nungungulu a vbanyago, kha nga a ganelago uye mune Nungungulu, khuye: “Nyi na vbanya, nyi gu gimbila vbakari gwawe; eni nyi na khala Nungungulu wawe, avo va na khala vathu vangu.”

Vakolosi 2:19

Vathu vava va mwalo wuhengeli ni Kristo a gu uye hungo nya givili gyatshavbo, a tshanganisago sivbango saye nya guhambanelane, a si dandrisa khu edzi a golago khidzo Nungungulu.

1 Thimoti 3:15

Aholu, nya gu hwela, khala nu gu dziti gukhuwe gu vbweta u khala makhalelo muni Nyumbani ga Nungungulu, a gu libandla la Nungungulu a vbanyago, a gu lidingo ni giseketelo nya lisine.