Vaefeso 2:18 - Bhibhiliya Nya Guage

¹⁸ Khu ga Kristo, ethu hatshavbo hi tshanganisidwe khu Liphuvbo la limwedo, hi gu tuledwa kharati ndzila nya guvbohe ga Babe.

Vaefeso 2:18 Iomraidhean Croise

Zakariya 12:10

Aholu nyumbani ga Dhavhidhe ni ga vavbanyi vatshavbo va Jerusalerma nyi na thela Liphuvbo nya wuwadi nilo nya milombelo; va na khedza wule va mu payidego; va na mu lila gukhwatshi va gu lila gyanana gya gimwegyo basi, va garadzega khu uye, gukhwatshi va gu garadzega khu gyanana nya matiwula

Matewu 28:19

Khu kharato, indrani mu gimbila mu hevbudza mayigo yatshavbo, mu bhapatisa vathu khu lina la Babe, ni la Mwamana, ni la Liphuvbo nya Guage.

Johane 10:7

Jesu a di engedza gambe, khuye: “Khu lisine, nyi ngu mi embelani, kheni: Eni nyi mwanya dzi belago khavbo dzinvuta.

Johane 10:9

Eni nyi mwanya; uye a belago khavbo gwangu a na vbanyiswa a na bela ni guduga; gambe a na mana mahawo.

Johane 14:6

Jesu a di khuye: “Eni kheni ndzila, ni lisine, ni guvbanya. Mwalo a vbohago ga Babe nyamba yiswa kheni.

Varoma 5:2

Khavbo ga Kristo, ethu nethu hi manide gukatega khu kotani nya gukhodwe gwathu. Khuwo wuhigo wowu hi vbanyago khuwo na hi tiyide ni gu dzi zundza khuwo, na hi gu lirela khu gunengela ni gitumbo gu wona wudhumo wa Nungungulu.

Varoma 8:15

Kholu, Liphuvbo mu hakhidego kha li mi giri dzikhumbi ni gu mi thela hwanga; aholu la gu mi gira sanana sa Nungungulu. Khilo li hi kutsago gu rana khethu: “Abbha! Baba wathu.”

1 Vakorinto 12:13

Ethu hatshavbo: Vajudha ni ava va si gu Vajudha, dzikhumbi ni va nya gutshulega, hi bhapatisidwe khu Liphuvbo la limwedo, gasi hi khala givili gimwegyo basi. Ethu hatshavbo hi hakhide Liphuvbo la limwedo.

1 Vakorinto 8:6

Gasi ethu ha guti gukhethu womo Nungungulu moyo basi, a gu Babe ni muvangi nya silo satshavbo; ethu ha gu vbanyela uye. Gambe yomo Pfhumu Mweyo basi, Jesu Kristo. Silo satshavbo si vangidwe khu tshivba yaye, ni ethu hi womo khu kotani gwaye.

Vagalatiya 4:6

Khu gufela gu yeyedza gukhuye enu nenu mu sanana Saye, Nungungulu rumede Liphuvbo la Mwamana waye myonyoni gwathu, khilo li ranago ndrani gwathu, khilo: “Abba: Gutshamuselago gupwani Baba!”

Vaefeso 3:12

Khu gukhodwa ni gu hengela ni Kristo, ethu hi ngu mana gutshulega hi kodza gu hidzimela ga Nungungulu na hi tade khu gutumba.

Vaefeso 3:14

Khigyo gi nyi girago nyi khidzima mbeli ga Nungungulu Babe,

Vaefeso 4:4

Gyomo givili gimwegyo basi, ni Liphuvbo limwedo basi, kha nga gambe a gu gimwegyo basi gitumbo mu ranedwego igyo khu Nungungulu.

Vaefeso 6:18

Lombelelani gikhati gyatshavbo nyamba garala khu tshivba nya Liphuvbo nya Guage; mu lindrela khu gutimisela ni gutumbega. Lombelelani vakhodwa vatshavbo nya libandla la Nungungulu.

Vakolosi 1:12

Bongani Nungungulu Babe a dzinidego gukhuye mu mane nenu fanelo nya guya hengela guhodza thomba a yi vegisedego libandla laye mufumoni nya wenengedzo.

Vahebheru 7:19

Nayo wa Mosi gimwalo ni gimwegyo nya guvbelele wu giridego. Wu diri nyangwa nya gu hi yise ga gitumbo nya gyadi hi dzi kodzago khigyo gu hidzimela vbafuvbi gwa Nungungulu.

Jakobe 3:9

Khu lidimi, hi ngu rungudza Nungungulu a gu Babe wathu, khu ilo gambe, hi ngu vala vathu va giridwego khu mufananiso wa Nungungulu.

1 Pedro 1:17

Mwa gu lombelela na mu rana, khenu: “Baba,” Uye a lamulago vathu vatshavbo nyamba khedza khu khovbe, a khedzago khu mavbanyelo ya muthu ni muthu; khu kharalo, mu fanede gu mu ninga githawo matshiguni nya guvbanye gwanu mafuni momu.

1 Pedro 1:21

Khavbo gwaye, enu mu ngu khodwa ga Nungungulu a mu wusidego khu ga vafudego, a mu ninga wudhumo. Khu guralo, gukhodwa ni gutumba gwanu gomo ga Nungungulu.

1 Pedro 3:18

Kristo nuye fude gumogo basi khu kotani nya sighoho, na gufela enu. Muthu nya wadi afela va nya guvivba, gasi gu va yisa ga Nungungulu. Uye fude khu givili, aholu wusidwe khu Liphuvbo nya Guage.

Judha 1:20

Aholu, enu sigodwa sangu, simamani mu andra ni gu tiya gukhodwani gwanu nya guage ngudzu, mu lombelela khu tshivba nya Liphuvbo nya Guage.