Vaefeso 2:12 - Bhibhiliya Nya Guage

¹² Mu di gu vbanya hwindzo ni Kristo; mu diri valombo; mu diri mwalo wulanga ndrani nya libandla nya sihathwa sa Nungungulu; mu diri vbavbandze nya gidzumeledzwano gi hungidwego khu gisambanyo a nga gira Nungungulu ga vathu vaye; mu di gu vbanya tigoni nyambana gutumba, nyambana Nungungulu.

Vaefeso 2:12 Iomraidhean Croise

Genesi 15:18

Litshigu lolo la limwedo, Pfhumu Nungungulu a di gira pwanano ni Abrama, khuye: “Nyi ngu ninga litigo leli sanana sago, gukhugela Egipito kala tsongoni nya wukhongolo wa Ewufrate.

2 Dzikoronika 15:3

Israyeli khade gikhati nya gulaphe nari mwalo Nungungulu nya lisine, ni vaphasi nya mhamba nya gu mu hevbudze, gambe va diri mwalo Nayo.

Ezira 4:3

Aholu Zorobhabheli, Jesuwa ni vambe vathangeli nya dzinyumba dza vababe vawe va di va hakha, khavo: “Kha gu kodzegi gu ethu hi hengela nanu guvbaha Nyumba ya Nungungulu wathu, aholu ethu henga hi na vbahela Pfhumu Nungungulu wa Israyeli, kha nga idzo hi leletedwego khidzo khu Kiro, mufumeli wa Perisiya.”

Ekisodha 12:45

Gasi muluveli ni muthumegeli, a nga dzumedziswi gu hodza Phasika.

Isaya 14:1

Kholu Pfhumu Nungungulu a na pwela gisiro nyumba ya Jakobe, a dzi hathela va na Israyeli, va ta vbaha tigoni gwawe nya mavelego, va nya mayigo va nata tshangana gumogo navo, va dzi patanisa ga lihundzu la Jakobe.

Isaya 44:6

Pfhumu Nungungulu, Mufumeli wa va na Israyeli, ni Mudzegisi wawe, Nungungulu nya Tshivba Yatshavbo, a ngu ganela kharati, khuye: “Eni kheni nya guphele ni guhegisa, vbavbandze ga Eni, mwalo mumbe Nungungulu.

Isaya 45:20

Tombanani muta; hidzimelani gumogo mwatshavbo, enu mu vbulugidego ga va nya mayigo; vale va rwalago sifananiso nya misimbo nya guvatwe, va gira milombelo ga nungungulu a si dzi kodzigo gu va vbanyisa.

Isaya 61:5

Vathu nya mambe mayigo va nata havisa mitshambi yanu; va nya mayigo va na khala valimeli vanu ni vasayisi nya marembwe yanu nya vhinya.

Jeremiya 14:8

Uwe khuwe gitumbo gya Israyeli, mutshudzisi gikhatini nya wuvi! Khu ginani u khala nga muluveli tigoni, kha nga muvbindri nya ndzila a ndreyago gasi guya lala a gedwa basi?

Jeremiya 17:13

Uwe Pfhumu Nungungulu u gitumbo gya Israyeli! Vatshavbo va gu digago va na thedwa dzitshoni; malina ya avo va hambanago ni uwe ma na lowa phalani nya vafi; kholu va hambanide ni Pfhumu Nungungulu, a gu nambo nya mati nya womi.

Ezekiyeli 13:9

Gyandza gyangu gi na wugela vaprofeti va girago siwoniso nya wukanganyisi ni nyatumbatumbane nya malipha. Avo kha va na lumba huwo nya vathu vangu, kha va na lovedwa libhukuni nya vathu va Israyeli, gambe kha va na bela tigoni ga Israyeli. Khu guralo, enu mu na dzitini gukhenu Eni kheni Mune Pfhumu Nungungulu.

Ezekiyeli 37:26

Nyi na hunga navo gidzumeledzwano nya pwanano; gi na bani giri gidzumeledzwano nya gupindruge. Nyi na va tiyisa ni gu va andrisa, nyi na vega nyumba yangu nya miphaso vbakari gwawe, kala gupindruga

Ezekiyeli 47:22

Enu mu na kabana kha nga thomba yanu kamwe gumogo ni valuveli va vbanyago vbakari gwanu, na vari ni sanana. Enu va vegeni kha nga sivelegwa sa Israyeli; gumogo nanu va na bela thombani, vbakari nya mahundzu ya Israyeli.

Hoseya 3:4

Kholu sanana sa Israyeli si na vbanya matshigu nya mangi nyambana mufumeli, nyambana muthangeli, nyambana miphaso, nyambana gihuru nya guphasele avbo, nyambana efodhe mwendro terafime.

Mitengo 18:19

Miningelo yatshavbo nya guage yi ningedwago khu va na Israyeli ga Pfhumu Nungungulu, Nyi ngu yi ningela gwago, ga sanana sago nya madzaha ni ga sanana sago nya vanyamahegyane, kha nga nayo nya gukala gupindruga, gidzumeledzwano nya munyu, kala gupindruga mbeli ga Pfhumu Nungungulu, avbo gwago ni ga livelego lago.

Luka 1:72

A fela gu yeyedza wuhindzi a giredego vababe vathu, khu gu alakanya gidzumeledzwano gyaye nya gukatege,

Johane 10:16

Nyi ngari ni dzimbe dzinvuta dzi si lumbigo liphandro leli; idzo nidzo nyi ngu fanela gu dzi havisa; dzi napwa lito langu. Khu kharato li na manega liphandro limwedo ni muhavisi moyo basi.

Johane 15:5

“Eni nyi litshina, gasi enu mu matamo; uye a gu ni eni, eni naye, khuye a ningago mihandro nya yingi; kholu nyambana eni gimwalo mu na girago.

Johane 4:22

Enu mwa gu khozela igyo mu si gitigo, gasi ethu ha gu khozela igyo hi gitigo, kholu guvbanyiswa gwa guta khu ga Vajudha.

Mithumo 2:39

Kholu khu lisine gitumbiso gya gu lumba enu ni sanana sanu ni vatshavbo vale va guromo hwindzo; vatshavbo ava Nungungulu Pfhumu yathu a va ranago gwaye.”

Mithumo 28:20

Khiso esi nyi nga mi ranelani, gasi guta mi wona ni gu mi tivisani, kholu dzitshinga dzedzi nyi hungidwe khu kotani nya gitumbo hi gu nagyo ethu va na Israyeli.”

Mithumo 3:25

Enu khenu sanana sa vaprofeti, mu velegidwe ndrani nya pwanano wu nga girwago khu Nungungulu ni vababe vanu, gikhati a nga ganela ga Abrahama, khuye: Khu melego wago ma na kategiswa mahundzu yatshavbo ya mafuni.

Varoma 9:8

Esi sa gu yeyedza gupwani: Khandri sanana sa Nungungulu esi si velegwago khu tumbunugo nya wuthu; aholu, vale va velegwago khu tshivba nya gisambanyo, khavo basi va thudwago sanana saye nya lisine.

Vagalatiya 4:8

Gale, na mu si gu muti Nungungulu, mu diri dzikhumbi nya gukhozele vanungungulu nya liphanga.

Vaefeso 2:19

Olu kha mu ngari valombo ni vapfhumba gambe, mu melego moyo ni va nya Guaga, mu sanana nya ngamu ya Nungungulu.

Vaefeso 4:18

kholu mapimo yawe ma segegide. Va hambane ni guvbanya gwa Nungungulu khu kotani nya wuhangi ni gusegega nya myonyo yawe.

Vakolosi 1:21

Enu nenu mu di gu vbanya hwindzo ni Nungungulu, gambe mu diri valala vaye khu myonyo ni mithumo yanu nya guvivbe,

Vakolosi 1:27

A va tulede gambe guti talo nya thomba nya sihalo yoyo a dongisedego vathu vatshavbo. Gikungo gya Nungungulu nyi gi thulago khu Kristo a vbanyago ndrani gwanu a gu uye gitumbo nya wudhumo wa Nungungulu.

Vakolosi 1:5

Gikhati nya guhegule mu hakhidego Mahungu Yadi nya lisine, mu pwide na gu ganedwa khu gutumba hi ningwago khayo. Khu kharato, gutumba ni lihaladzo lanu sa gu seketedwa khu gutumba mu vegedwego Ndzadzini.

1 Vatesalonika 4:13

Vandruye, kha hi vbweti mu khale gidemani khu mahungu ya vafudego, mu nga saniseki kha nga vale va gu mwalo gutumba hi gu nago ethu.

1 Vatesalonika 4:5

Mu nga dzumeli gu ndrindrwa khu maalakanyo nya guvivbe nga edzi va girago vale va gu mwalo gukhodwa ga Nungungulu.

2 Vatesalonika 2:16

Uye mune Jesu Kristo, Pfhumu yathu, ni Nungungulu Babe wathu a nga hi haladzago, khu wuwadi waye, a hi ningide tshivba nya gutiye, ni gutumba nya gukhongolo ngudzu.

1 Thimoti 1:1

Eni Pawulo, Mupostoli wa Kristo Jesu, khu gu rumwa khu Nungungulu Muvbanyisi wathu ni Jesu Kristo, gutumba gwathu,

Vahebheru 11:34

Va di tshima nilo nya tshivba, va vbuluga gu songwa khu matshari. Va diri mwalo tshivba, aholu, va khade va nya tshivba. Va khade dzindrena litungani, va pala mabutho ya va nya guta.

Vahebheru 6:18

Khu kharato, silo sivili si si kodzigo gu vbindrugedza: Gitumbiso ni gisambanyo. Ga esi silo, Nungungulu kha dzi kodzi gu hi senga. Kharato, ethu hi tumbago uye hi ngu dzipwa na hi gu tiyisedwa khu gutumba hi ningidwego.

Vahebheru 8:6

Khu lisine, Jesu pharisidwe thumo nya wuphasi nya wukhongolo guvbindra vaphasi vatshavbo. Gidzumeledzwano a giridego nya gutshanganise Nungungulu ni vathu gikhongolo, kholu, gi seketedwe khu gitumbiso nya gikhongolo ngudzu.

1 Pedro 1:21

Khavbo gwaye, enu mu ngu khodwa ga Nungungulu a mu wusidego khu ga vafudego, a mu ninga wudhumo. Khu guralo, gukhodwa ni gutumba gwanu gomo ga Nungungulu.

1 Pedro 1:3

A na rungudzwe Nungungulu, Babe wa Pfhumu yathu Jesu Kristo, khu lihaladzo laye nya likhongolo, a hi ningidego guvbanya nya guphya khu guwuga ga Pfhumu yathu Jesu Kristo khu ga vafudego. Khu guralo, myonyo yathu yi tade khu gutumba nya guvbanye.

1 Pedro 3:15

Aholu rungudzani Kristo kha nga Pfhumu myonyoni gwanu, khalani na mu dongide gasi gu ningani phindrulo ni wevbini a na gu mi wudzisago khu mahungu nya gitumbo nya gukhodwe mu gu nago.

1 Johane 3:3

Muthu watshavbo a gu na ni gitumbo gwaye a gu dzi agisa kha nga Uye a agidego.