Vaefeso 2:10 - Bhibhiliya Nya Guage

¹⁰ Kholu khuye a nga hi wumbago; a hi vangide, a hi tshanganisa ni Kristo Jesu gasi hi mane guvbanya nya gutale khu mithumo ya yadi, mithumo Nungungulu a yi dongisedego khu gale gukhuye hi vbanya khiyo ethu.

Vaefeso 2:10 Iomraidhean Croise

Dzindzimo 100:3

Dzitini gukhenu Pfhumu khuye Nungungulu; Khuye a nga hi gira, ethu ha gu lumba uye; hi vathu vaye ni tshambi waye.

Dzindzimo 119:3

Avo va thavago gu gira esi nya guvivbe, aholu va gimbilago ndzilani gwaye.

Dzindzimo 138:8

Pfhumu Nungungulu a na vbohisa mahegiso, thumo waye nya wadi a wu phedego gu wu gira avbo gwangu, Pfhumu Nungungulu, lihaladzo lago li ngu simama kala gupindruga, uwe Pfhumu Nungungulu, u nga digi ndzilani thumo nya mandza yago.

Dzindzimo 51:10

Nungungulu, vega monyo nya wadi ndrani gwangu u wusedza liphuvbo nya gutiye monyoni gwangu;

Dzindzimo 81:13

Nari pwani vathu vangu va ngu nyipwa, ni Israyeli a ngu landrisa dzindzila dzangu,

Isaya 19:25

Kholu Pfhumu Nungungulu nya Tshivba Yatshavbo, a na va kategisa, a ganela, khuye: “Kategide Egipito, litigo langu, ni Asiriya, thumo nya mandza yangu, ni Israyeli, thomba yangu.”

Isaya 29:23

Aholu, avbo uye gumogo ni sanana saye va na wonago vbakari gwawe mithumo ya mandza yangu, va na ninga githawo lina langu, va dhumisa oyu a Agidego wa Jakobe, ni gu ninga githawo Nungungulu wa Israyeli.

Isaya 43:21

vathu vava nyi dzi wumbedego, gasi va huwelela wudhumo wangu.”

Isaya 43:7

kholu vatshavbo va ranwago khu lina langu, avo nyi va vangidego gasi va khala wudhumo wangu, kheni nyi va wumbidego nyi bwelo khavbo nyi va gira.”

Isaya 44:21

Dundruga silo sesi uwe Jakobe, ni uwe Israyeli, kholu nyi gu giride githumi gyangu. Nyi gu wumbide gasi gu khala githumi gyangu; uwe Israyeli, gima kha nyi na gu divala.

Isaya 60:21

Vathu vatshavbo va tigoni gwago va na bani vari vathu nya gululame, va na lumbwa khu litigo kala gupindruga; avo va na bani vari pfhundre nyi wu yadego, thumo nya mandza yangu gasi va fela gu wonegisa wudhumo wangu.

Isaya 61:3

Ni gu degudza vatshavbo vale va lilago va Siyoni, ni gu va ambagisa gihugu wulangani nya nguma, ni mafura nya gutsake, wulangani nya gililo, ni ngandzu nya wuzundzo, wulangani nya wuvi; gasi va ranwe gupwani misimbo nya gululame, yi yadwego khu Pfhumu Nungungulu gasi gu dzi dhumisa khiyo.

Jeremiya 31:33

Kholu egi khigyo gidzumeledzwano nyi na gu girago ni ndranga ya Israyeli hwane nya matshigu yale, nyi na lova nayo wangu myonyoni gwawe nyi wu vega mapimoni gwawe; Eni nyi na khala Nungungulu wawe, avo va na khala vathu vangu; a ngu ganela Pfhumu Nungungulu.

Matewu 5:16

Khu kharato wu na dzure mwenge wanu mahoni nya vathu, gasi, va wone mithumo yanu nya yadi, va dhumise Babe wanu a guromo Ndzadzini.

Johane 3:21

Gasi wule a landrago ndruda, a gu hidzimela guwonegelani, gasi gu wenengedzwa mithumo a yi giredego tshivbani ga Nungungulu.”

Mithumo 9:31

Libandla li di gu vbanya khu gu rula Judheya gwatshavbo, ni Galileya ni Samariya; Li diya na li gu dandra ni githawo ga Nungungulu, na li gu tiyiswa khu tshivba nya Liphuvbo nya Guage.

Mithumo 9:36

Tigoni ga Jope a di romo, vbakari nya vapizane, nyamayi moyo nya gupwani Tabhita, gu tshamusago gupwani “Yisya!” Adiri muthu nya mithumo ya yadi, a di phasedzela sisiwana.

Varoma 8:1

Aholu, olu wu mwalo gambe nandru ga vale va tshanganisidwego ni Jesu Kristo.

Varoma 8:29

Kholu, vale Nungungulu a nga bani a va hathide khu gale, a va vegisede gu va tshanganisa gumogo ni Mwanaye, gasi Mwanaye a khale matiwula vbakari nya vandruye nya gutale,

1 Vakorinto 3:9

Kholu ethu hi sithumi hi thumago gumogo ni Nungungulu, gasi enu mu lithembwe la Nungungulu, mu nyumba a vbahago Nungungulu.

2 Vakorinto 5:17

Kholu muthu a gu tshanganiswa ni Kristo a gu khala muthu muphya. Esi sa gale si vbindride, satshavbo sa gu wusedzwa si gu girwa siphya.

2 Vakorinto 5:5

Nungungulu khuye a nga hi dongiselago satshavbo sesi; a gu hi ninga Liphuvbo laye kha nga gitumbiso nya esi a hi dongisedego.

2 Vakorinto 9:8

Nungungulu a ngu kodza gu mi ningani nya singi, khu kotani nya esi nya sadi mu girago, gasi mu si mane gikhati gyatshavbo, esi mu vbwetago gu si thumisa khu gu girela nya sadi vambe.

Vagalatiya 6:15

Kholu gu hana ni gumba hana wugwera, kha si phasi gilo; aholu, egi gi phasago basi khu gu vbindrugedza mavbanyelo, hi khala vathu vaphya.

Vaefeso 1:1

Eni Pawulo, mupostoli wa Jesu Kristo khu gugola gwa Nungungulu, nyi ngu lovela sihathwa ni vakhodwa va Kristo Jesu va vbanyago dhoropani ga Efeso, kheni:

Vaefeso 1:4

Gale, na gu si vangwi litigo, Nungungulu a hi hathide khu ga Kristo gasi hi khala sihathwa ni vathu nya ndruda nyambana gihoso mahoni gwaye.

Vaefeso 2:13

Gasi olu, enu gale mu nga bani muri hwindzo ni Kristo, mu hidzimisidwe vbafuvbi khu mhamba nya Novba wa Kristo.

Vaefeso 2:15

Fuviside khu givili Gyaye givangelo nya livengo, a gu Nayo wa Mosi ni sileletelo nya mikhuwo yaye, afela gutshanganisa avbo gwaye mahundzu ya mavili, a gira libandla limwedo basi, libandla nya vathu vaphya; a gu vbaha kharati gurula.

Vaefeso 2:2

Gikhati mu nga bani mu fumedwa khu mavbanyelo nya litigo leli, mu di landrisa milayo ya muthangeli nya dzitshivba nya guvivbe dzi si wonegigo, liphuvbo lolo li fumago olu ga vathu va wugelago Nungungulu.

Vaefeso 2:6

Nungungulu, na hi wuside gumogo naye, a hi ninga gambe wulanga nya guya fume naye Ndzadzini khu ga kristo Jesu.

Vaefeso 4:1

Eni nyi gu gibotshwa nya guthumele Pfhumu, nyi ngu mi lomba gukheni gimbilani khu ndzila yi yelanago ni mavbanyelo mu ranedwego ayo khu Nungungulu.

Vaefeso 4:24

Ambalani mavbanyelo nya muthu muphya a giridwego a fanana ni Nungungulu khu gululama ni ndruda lisineni.

Dhewuteronome 32:6

Ina khidzo kharati, mu bongago khidzo Pfhumu Nungungulu, enu vathu nya sipumbu, nya guhandruge, gani? Gasi khandruye babe wago, ni muvangi wago, gani? Khuye a gu wumbidego a wuya a gu tiyisa!

Dhewuteronome 5:33

Mu na gimbilani khu ndzila yatshavbo mu rumwago khu Pfhumu Nungungulu wanu, gasi mu kodza guvbanya ni sigiro sanu satshvbo si mi dugela gwadi. Mwa gu gira isoso, mu na katega mu vbanya matshigu nya gutale ga litigo mu na guya li fumelago.

Vafilipi 1:6

Nyi ngu tumba gukheni uye Nungungulu a phedego gwanu thumo waye nya wadi, a na wu londrowodza kala li gu vboha litshigu la Kristo Jesu.

Vafilipi 2:13

kholu Nungungulu a ngu mi phasedzela gikhati gyatshavbo khu gu mi ninga gusuva ni guthuma guhaladza gwaye.

Vakolosi 1:10

Kharati, mu na kodza gu landrisa guhaladza gwa Pfhumu, mu gu mu tsakisa mithumoni yatshavbo; mu na ninga mihandro nya mithumo ya yadi, mu dandra khu guti Nungungulu.

Vakolosi 3:10

mu ambade muthu muphya oyu a vbahwago nyaluphye khu guti gasi a fanana ni muwumbi waye.

2 Vatesalonika 2:17

A na tangadzise myonyo yanu khu gutumba, a mi ningani gu simama wuwadini nya mithumo ni guganela gwanu.

1 Thimoti 2:10

Va na ambale nga edzi gu yelago khidzo vanyamayi, va dzi garadze khu gu tsakisa Nungungulu khu mithumo ya yadi, kha nga edzi gu lombago khidzo ga vanyamayi va khodwago.

1 Thimoti 5:10

Gu vbwetega a tidwa nga nyamayi moyo a giridego mithumo nya gululame, a hevbudzidego gwadi sanana saye, a kodzago gu hakha sisiwana, a dzi vegidego vbavbatshi thumoni nya vakhodwa, a phasedzedego sisiwana sigaradzoni gwawe, a thumidego mithumo yatshavbo nya yadi.

1 Thimoti 5:25

Khu magirelo ya mamowo, mithumo ya yadi, eyi yi tidwago ni eyi nyamba tidwa gima kha yi na sihala.

1 Thimoti 6:18

Va na thume silo nya sadi, va khale sitetema khu magirelo nya yadi, va yeyedza lihaladzo ni gu ninga sisiwana.

2 Thimoti 2:21

Khu kharato, oyu a handzegidego ga silo sesi, a na khala nga gyombo gi agidego, gi hathwa khu mune wa igyo a gi dongisela gu thuma satshavbo nya sadi.

2 Thimoti 3:17

gasi muthu wa Nungungulu a khale nya guvbelele, a kodze gu gira mithumo yatshavbo nya yadi.

Tito 2:14

Uye a di dzi ningela wurumba waye kotani gwathu, afela gu hi vbulugisa guvivbani gwatshavbo, a hi gira vathu nya guage va lumbago uye basi, va dzi vegisedego gu gira esi nya sadi.

Tito 2:7

Uwe nuwe gu vbwetega u khale giwonelo nya mithumo ya yadi ga satshavbo; guhevbudzani yeyedza lisine, u yeyedza gululama khu mavbanyelo yago.

Tito 3:1

Laya vatshavbo ava u va thangelago, va yingela mufumo ni vafumeli; va dzumele gu gira satshavbo esi nya sadi.

Tito 3:14

Vandriyathu gu vbwetega va hevbula gu gira esi nya sadi ni gu phasa ava va hamugago, gasi guvbanya gwawe gu ninga giphaso.

Tito 3:8

Gihevbudzo gegi gi tiyide. Nya gu vbweta uwe u simame ni mahungu yaya, gasi vale va khodwago ga Nungungulu, va dzi garadze khu gu gira esi nya sadi. Esi silo khyadi, gambe si ngu phasa vatshavbo.

Vahebheru 10:24

Hongoleni hi tiyiselane khu gyathu, hi phasana gu gira mithumo nya wuhindzi ni mithumo yatshavbo nya yadi.

Vahebheru 13:21

Nungungulu nya gurule a na mi ninge satshavbo esi si gu sadi, gasi mu girani guhaladza gwaye. Khu Kristo Jesu, a na thume gwathu satshavbo esi a si golago. A na rungudzwe Kristo kala gupindruga! Amen.

1 Pedro 2:12

Mavbanyelo yanu vbakari nya va nya mayigo gu vbwetega nari mavbanyelo nya yadi. Gasi va gu mi singedza guvivba, va konwe khu mithumo yanu nya yadi, va fela gu rungudza Nungungulu litshigu a natago.

1 Johane 1:7

Aholu, ha gu vbanya guwonegelani, kha nga olu Uye a guromo muguwonegelani, gu yeyedza gupwani hi ngu hengela gumogo ethu hatshavbo, gambe Novba wa Kristo, Mwamana waye, wu ngu handza sighoho sathu satshavbo.

1 Johane 2:6

Oyu a gukhuye a ngu khala naye, gu vbwetega a vbanya nga edzi a nga vbanyago khidzo Jesu Kristo.