Vaefeso 2:1 - Bhibhiliya Nya Guage

¹ Gale mu di fude hefemuloni khu kotani nya sihoso ni sighoho sanu. Uye a mi ningide guvbanya.

Vaefeso 2:1 Iomraidhean Croise

Genesi 8:21

Pfhumu Nungungulu a dipwa gunengela gwadi nya ningelo wule, a gu ganela, khuye: “Gima kha nyi na nga vala gambe litigo khu kotani nya gughohe ga muthu. Ambari olu muthu gukhugela wananani gwaye a alakanyelago guvivba monyoni gwaye. Aholu, Eni gima kha nyi na nga fuvisa gambe sirengo satshavbo si vbanyago, kha nga edzi nyi giridego.”

Matewu 8:22

Jesu a di mu hakha, khuye: “Uwe nyi landre. Va dige vafi va dzinge vafi vakwawe.”

Luka 15:24

kholu mwamana yoyu wangu a di fude, olu a ngu vbanya; a di dzimede, olu manegide.’ Khavbo avbo, buzo wu di phela.

Luka 15:32

Aholu hi na ni fanelo nya gugire buzo, hi tsaka, kholu ndriyago a di fude, olu a ngu vbanya; a di dzimede, olu manegide.’ ”

Johane 10:10

Mbafa kha yi teli gimbe gilo, ya gu tela gu taba, guta songa ni guta phanga. Eni nyi dzude, gasi dzinvuta dzangu dzi mane guvbanya; dzi gu mane khu gutala.

Johane 14:6

Jesu a di khuye: “Eni kheni ndzila, ni lisine, ni guvbanya. Mwalo a vbohago ga Babe nyamba yiswa kheni.

Johane 5:21

Kha nga ulo Babe a wusago va nya gufa ni gu va ninga womi, kharato nuye Mwamana a na vbanyisa avo a vanago.

Johane 5:25

Khu lisine, nyi ngu mi embelani gukheni gi nguta gikhati, vafi va na yingisago lito la Mwamana wa Nungungulu; avo va na li landrisago va na vbanya.

Varoma 8:2

Kholu nayo nya Liphuvbo nya guvbanye li ningago guvbanya khu gu hi tshanganisa ni Jesu Kristo wu nyi tshude ga nayo nya gighoho ni ga tshivba nya gufe.

1 Vakorinto 15:45

Milowo nya Guage yari, khiyo: “Muthu nya guhegule, Adhamu, givangwa nya guvbanye,” aholu Adhamu nya mahegiso, liphuvbo li ningago guvbanya.

2 Vakorinto 5:14

Kholu lihaladzo la Kristo li ngu hi gurumedza, ha gu alakanya gukhethu muthu moyo basi a di fela vathu vatshavbo, khavbo avbo vatshavbo va fude naye.

Vaefeso 4:18

kholu mapimo yawe ma segegide. Va hambane ni guvbanya gwa Nungungulu khu kotani nya wuhangi ni gusegega nya myonyo yawe.

Vaefeso 5:14

kholu silo satshavbo sa gu khala guwonegelani, sa gu wenengedzwa. Khidzo gu ganedwago pwani: “Khendzuga uwe u ladego, wuga khu ga vafudego, Kristo a na gu wenengedza.”

Vakolosi 2:13

Enu mu di fude khu kotani nya sighoho sanu ni kotani nya tumbunugo nya mikhuwo yanu nya giwuthu, aholu, Nungungulu a mi ningide nyaluphye guvbanya ni Kristo, a gu hi divalela sighoho sathu satshavbo.

1 Thimoti 5:6

Aholu, oyu a dzi ningedzelago gutsakisa givili, ambari na gu vbanya, fude.

1 Johane 3:14

Hi ngu dziti gukhethu hi dugide khu gufani hi bela guvbanyani. Ha gu dziti kholu hi ngu haladza vandriyathu. Oyu a si haladzigo ndriyaye a nga fude.

Gutuledwa 3:1

Lovela ngilozi ya libandla la Sardhesi, khuwe: “Wule a gu ni livbandre na mavili maphuvbo ya Nungungulu ni livbandre na dzimbili dzinyeledzi, wari, khuye: Nyi ngu yiti mithumo yago, u na ni ndruma nya gupwani u ngu vbanya. Gasi u fude.