Vaefeso 1:23 - Bhibhiliya Nya Guage

²³ Ilo khilo givili gyaye; ilo khilo gutadzisega gwatshavbo gwa Kristo, a enedzago silo satshavbo ga vatshavbo.

Vaefeso 1:23 Iomraidhean Croise

Johane 1:16

Khu gutadzisega gwaye khu wuhigo, khavbo hi kodzago ethu hatshavbo, gu hakha nethu khavbo gwaye talo nya wuhigo watshavbo.

Varoma 13:5

Guvbwetega gu yingela vathangeli, nasiri basi khu kota nya guthave gutsayiswa, aholu khu kota nya gulandrise edzi ma lombago khidzo mapimo yathu.

1 Vakorinto 12:6

Yomo mithumo nya guhambane, aholu Nungungulu Moyo basi. Khuye a ningago vathu vatshavbo tshivba nya guthume.

1 Vakorinto 15:28

Gikhati Nungungulu a na vegago silo satshavbo vbavbatshi nya mufumo wa Mwamana, Mwamana nuye a na dzi vega vbavbatshi nya mufumo wa Babe, a gu uye a mu ningago gu fuma silo satshavbo.

Vaefeso 2:16

Kristo tshanganiside mahundzu ya mavili ni Nungungulu khu tshivba nya gihambano gyaye; a di ma pata ma khala givili gimwegyo basi, a gu songa kharati wulala khu gihambano gyaye.

Vaefeso 3:10

Gasi olu, vafumeli vatshavbo va mafuni ni vafumeli nya dzitshivba dza Ndzadzini, gu vbwetega va tiviswe gueta gwatshavbo nya guti gwa Nungungulu khu libandla la Kristo.

Vaefeso 3:19

lihaladzo leli la Kristo, ambari ulo a gu mwalo muthu a dzi kodzago gu liti khu guvbelela, gasi enu mu mane gutala khu wufumu watshavbo wa Nungungulu.

Vaefeso 4:10

Uye wule a nga relelago, khuye wa moyo a nga lita vbatshani ngudzu, Ndzadzini, afela gu enedza sivangwa satshavbo.

Vaefeso 4:12

Khu magirelo yaya, a guya na gu dongisela sihathwa gasi si thuma gwadi thumo wawe nya guvbahe ni gu dandrisa givili gya Kristo khu gukhodwa,

Vaefeso 4:13

kala hatshavbothu hi gu tshanganiswa khu gukhodwa ni guti Mwamana wa Nungungulu. Hi fanede gu dandra hi khala vathu vakhongolo, kala hi gu manela tanga ni giemo gya Kristo.

Vaefeso 4:4

Gyomo givili gimwegyo basi, ni Liphuvbo limwedo basi, kha nga gambe a gu gimwegyo basi gitumbo mu ranedwego igyo khu Nungungulu.

Vakolosi 1:24

Olu nyi ngu nengela khu gusaniseka gwangu, nyi sanisekago khu kotani gwanu; nya gu tadzisa milini gwangu, avba gu nga bani gu tshade gusanisekani ga Kristo khu kotani nya Libandla a gu givili gyaye.

Vakolosi 2:19

Vathu vava va mwalo wuhengeli ni Kristo a gu uye hungo nya givili gyatshavbo, a tshanganisago sivbango saye nya guhambanelane, a si dandrisa khu edzi a golago khidzo Nungungulu.

Vakolosi 3:11

Gukhugela olu, gu mwalo gambe guhambana nya va nya mayigo ni Vajudha, va nya gu hana wugwera ni ava nyamba hana wugwera, va dhoropani ni va vbavbandze, khumbi ni muthu nya gutshulege. Kristo khuye satshavbo, gambe womo ga satshavbo.

Vakolosi 3:15

Myonyoni gwanu gu na fume gurula gwa Kristo, mu ranedwago ugo mu gu wumba givili gimwegyo. Khalani vathu va kodzago gubonga.