Vaefeso 1:21 - Bhibhiliya Nya Guage

²¹ A mu vegide vbatshani nya mufumo ni wufumu, ni wugulu, ni tshivba ni malina yatshavbo ma thangisidwego, nasiri mafuni momu basi, aholu ni ga litigo li nga gutago.

Vaefeso 1:21 Iomraidhean Croise

Dhaniyeli 7:27

Khu guralo, mufumo, tshivba ni wugulu nya mifumo yatshavbo ya mafuni, yi na ningedwa ga lihundzu nya sihathwa sa oyu a Khusegidego ngudzu. Mufumo waye khwa kala gupindruga, vafumeli vatshavbo va na mu khozela ni gu mu yingisa.

Matewu 12:32

Uye a valago Mwamana wa Muthu a na tsetseledwa; gasi uye a valago Liphuvbo nya Guage kha na tsetseledwa, ga gikhati gegi ambari ni ga igyo gi nga gutago.

Mithumo 4:12

Kha hi dzi kodzi gu mana guvbanyiswa khu mumbe muthu, kholu, mafuni gwatshavbo limwalo limbe lina li riyidwego vathu li gu ni tshivba nya gu hi vbanyise.”

Vaefeso 2:2

Gikhati mu nga bani mu fumedwa khu mavbanyelo nya litigo leli, mu di landrisa milayo ya muthangeli nya dzitshivba nya guvivbe dzi si wonegigo, liphuvbo lolo li fumago olu ga vathu va wugelago Nungungulu.

Vaefeso 3:10

Gasi olu, vafumeli vatshavbo va mafuni ni vafumeli nya dzitshivba dza Ndzadzini, gu vbwetega va tiviswe gueta gwatshavbo nya guti gwa Nungungulu khu libandla la Kristo.

Vaefeso 6:12

Kholu khandri ha gu dwana ni vathu nya marambo ni nyama, aholu ha gu dwana ni dzitshivba nyamba wonega dzi fumago tigoni momu nya gidema, ha gu dwana ni dzitshivba nya maphuvbo nya guvivbe ya Ndzadzini.

Vakolosi 2:10

Enu mu hakhide talo watshavbo wowu khu gutshanganiswa ni Kristo, a gu uye hungo nya vafumeli vatshavbo nya maphuvbo ni dzitshivba.

Vakolosi 2:15

Pade vafumeli ni dzitshivba nya maphuvbo, a va thela dzitshoni vbakari nya vathu, a gu va hunga nga sibotshwa a gu yeyedza wungwazi waye.

Vahebheru 1:4

Mwamana khongolo guvbindra dzingilozi kholu hakhide khu ga Babe lina nya guvbindre malina nya dzingilozi.

Vahebheru 2:5

Nungungulu kha ninga dzingilozi dzaye tshivba nya gufumele litigo li nga gutago, eli hi ganelago khilo.

Vahebheru 4:14

Khu guralo, hongoleni hi tiye gukhodwani gwathu. Kholu, hi na ni Muphasi nya khongolo nya mhamba a gu na ni tshivba, a vbeledego, a bedego gungangamelani nya wudhumo wa Nungungulu a gu Jesu Kristo, Mwamana wa Nungungulu.

1 Pedro 3:22

A litidego ndzadzini aya khala nyamudye ga Nungungulu, a fumela dzingilozi dzatshavbo ni vafumeli ni dzitshivba dzatshavbo dza ndzadzini.